Johan 14:24 - সান্তালী বাইবেল

²⁴ Okoe bae dulạṛiń uni do ińakʼ katha leka ohoe calaolena. Okaṭakʼ kathape ańjometʼkan ona do ińakʼ katha do baṅkana menkhan okoe ińe kol akadiń uni Babawakʼ katha kangea.

Santali Common Language New Testament

²⁴ Okoe bae dulạṛiń uni do ińakʼ katha leka ohoe calaolena. Okaṭakʼ kathape ańjometʼkan ona do ińakʼ katha do baṅkana menkhan okoe ińe kolakadiń uni Babawakʼ katha kangea.

Johan 14:24 Referans Kwoze

Johan 7:16

Jisu do onkoe metatʼkoa, “Oka cecetʼakʼ iń emokʼkan ona do ińakʼ do baṅkana, menkhan okoeye kolakadiń, uniyakʼ kangea.

Johan 14:10

Am do cetʼ bam pạtiạukʼ kana, iń do Babare minạńa ar Baba do ińre menaea mente? Iń okako kathań lại apekan ona do apnar khonakʼ do bạń roṛeda, menkhan ińre menae Babageye kạmikana.

Johan 8:42

Jisui metatʼkoa, “Isor do sạrige aperen babae hoylentape khan ińpe dulạṛkińạ, ente iń do Isor khoniń hecʼ akana ar ńitokʼ do ape talare minạńạ. Iń apnarte do bạń hecʼakana, menkhan unigeye kol akadińạ.

Johan 5:19

Onate Jisu do onko mukhiyạkoe metatʼkoa, “Sạrigeń metapekana, Hopon do acʼte cetʼge bae ceka daṛeakʼa. Baba okaṭakʼ kạmikane ńelekan eken onageye daṛeakʼa, ente Baba okae cekae Hopon hõ onageye onkayeda.

Johan 3:34

Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

Johan 14:15

“Ińpe dulạṛediń khan ińakʼ sanam hukumkope dohoya.

Johan 5:38

Ona chaḍa uniyakʼ kathako do apeakʼ ontorre baṅ tahen kana, ente okoeye kolakade unire bape pạtiạukʼkana.

Johan 8:38

Iń do ińren Baba ṭhen okań ńelakatʼ onageń roṛeda, ar ape do aperen baba ṭhen khon okape ańjomakatʼ onagepe kạmikana.”

Johan 8:26

Ape roṛpe reaṅ ar bicạrpe lạgitʼ ạḍi okocʼge menakʼtińạ. Menkhan okoeye kol akadiń unire eṛeteakʼ do bạnukʼa; ar uni ṭhen khon okań ańjomakatʼ onage manwakoń lạiyako kana.”

Johan 8:28

Onate Jisui metatʼkoa, “Manwa Hopon tinre coṭtepe rakabea unrepe baḍae daṛeakʼa, iń doń uni kangea. Ar noa hõpe bujhạu daṛeakʼa iń do ińte cetʼge bạń kạmikana, bickom Baba okae cetʼ akawạdiń onageń roṛeda.

Johan 7:28

Ona tayom Jisu do mundilreye cetʼakokan tahẽkanre ãṭ aṛaṅteye menkeda, “Ape do iń hõpe baḍae akadińạ, ar oka khoniń hecʼ akana ona hõpe baḍaegea. Ente ińte do bạń hecʼakana, menkhan sạri Isorgeye kolakadińa.

Mathae 19:21

Jisui menkeda, “Am do khạṭi utạrokʼem menetʼ khan enḍekhan senkate amakʼ sanam sompotti ạkhrińkate reṅgecʼ orecʼko danakome. Onate sermaere dhon hoyokʼtama. Ar ona tayom do hecʼkate ińren cela hoyokʼme.”

Johan 3:11

Sạrigeń metamkana, ale okale baḍae akatʼ onagele roṛeda ar okale ńelakatʼ ona reaṅge gohale emeda, menkhan ape do aleakʼ goha bape luturakʼ kana.

Johan 14:25

Ape sãoteń tahenrege noako kathań galmarao akawatʼpea