Johan 14:15 - সান্তালী বাইবেল

¹⁵ “Ińpe dulạṛediń khan ińakʼ sanam hukumkope dohoya.

Santali Common Language New Testament

¹⁵ “Ińpe dulạṛediń khan ińakʼ sanam hukumkope dohoea.

Johan 14:15 Referans Kwoze

2 Johan 1:6

Dulạṛ do hoyokʼ kana Isorakʼ hukum leka calakʼ. Pạhil khon okaṭakʼ hukum reakʼ kathape ańjom ạguakatʼ onkage ape do dulạṛ horte taṛam idipe.

1 Patras 1:8

Mạsi bape ńel akadere hõ enhõ ape do unipe dulạṛede kana; ar ńit bape ńel ńamekanre hõ unirepe pạtiạu akana, ar okaṭakʼ rạskạ lạite baṅ sodorokʼ ar okaṭakʼ do serma reakʼ ṭhonokte perecʼge, ona rạskạtepe rạskạkʼ kana;

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsiren kan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

Mathae 10:37

“Jãhãege, acʼren eṅgat-apat iń khon bạ̃ṛtiye dulạṛkin uni do ińre lek doe baṅkana. Ar jãhãe acʼren gidrạko iń khon bạ̃ṛtiye dulạṛko uni hõ ińre lek doe baṅkana.

Johan 8:42

Jisui metatʼkoa, “Isor do sạrige aperen babae hoylentape khan ińpe dulạṛkińạ, ente iń do Isor khoniń hecʼ akana ar ńitokʼ do ape talare minạńạ. Iń apnarte do bạń hecʼakana, menkhan unigeye kol akadińạ.

1 Korinthiko 16:22

Jãhãe hoṛ Probhu Isor bae dulạṛe khan sarapicʼe hoyokʼma. Maran atha [Probhu Isore darae kana].

Ephesiko lạgitʼ Pạul Apostolakʼ ciṭhi 6:24

Aboren Probhu Jisu Mạsire okoekoakʼ bin mucạtʼ dulạṛ menakʼ onko sanamkore Isorakʼ daya baṛe tahenma.

2 Rapajko 18:6

Uni do Probhu Isorre sapʼ kajak akane tahẽkana ar jao okte uniyakʼ horteye taṛametʼ tahẽkana. Probhu Isor do Mose okae hukumade tahẽkan onage uni doe manao idiyetʼ tahẽkana.