Johan 14:12 - সান্তালী বাইবেল

¹² “Sạrigeń metapekana, okoe ińreye pạtiạukʼkan uni do iń okakoń kạmikan uni hõ onakoe kạmiya. Ar Baba ṭheniń calakʼkante uni do noako khon arhõ maraṅ maraṅakʼkoe kạmiya.

Santali Common Language New Testament

¹² “Sạrigeń metapekana, okoe ińreye pạtiạukʼkan uni do iń okakoń kạmikan uni hõ onakoe kạmiya. Ar Baba ṭheniń calakʼkante uni do noako khon arhõ maraṅ maraṅakʼkoe kạmiya.

Johan 14:12 Referans Kwoze

Mathae 21:21

Jisui roṛ ruạṛatʼkoa, “Sạrigeń metapekana, biswạs tahentape ar bape digdhạkʼ enḍekhan loa darere okań cekaketʼ ape hõ onape daṛeakʼa. Eken ona do baṅ, menkhan noa buru hõpe metakʼ, ‘uṭhạukʼte jalapurire khadlekʼme,’ enḍekhan ona hõ hoyokʼgea.

Mark 16:17

Okoeko pạtiạukʼ onkore do noako cinhạ ńelogokʼa, onko do iń ńutumte bạṛicʼ jiukoko oḍok giḍikoa, ar nãwã nãwã pạrsite kathako roṛa,

Aposkạmi 16:18

Uni do ḍher din hạbicʼe nonka idikeda. Mucạtʼre Pạul doe ạṛisen khan beṅgetʼ ạcurkate uni bạṛicʼ jiue metadea, “Jisu Mạsi ńutumteń hukumam kana, nui khon oḍok calakʼme.” Ar unrege uni bạṛicʼ jiu do uni khone oḍok calaoena.

Aposkạmi 9:34

Patras do uni ńelkede khane metadea, “E Aeneas, Jisu Mạsi do ame bogeketʼmea. Ma beretʼme, ar amakʼ aṭetʼ kuṭuṅtam.” Khange uni do saṭmenteye beretʼena.

Aposkạmi 19:12

Uniyakʼ gamcha ar oyonakʼ rugiko ṭhenko idiyetʼ tahẽkanre onkoakʼ ruạ do bogekʼkan tahẽkana ar bạṛicʼ jiuko hõko oḍok calakʼkan tahẽkana.

Aposkạmi 9:40

Unre Patras do sanamko oṛakʼ khone oḍokketʼkote ikhṛumenteye koekeda. Ona tayom gocʼ akan maejiu secʼ ạcurkateye menkeda, “E Tabitha ma beretʼme.” Ar inạtege Dorkas doe beṅgetʼkeda ar Patrase ńelkede khane duṛupʼena.

Aposkạmi 8:7

Ar ḍher hoṛko khon bạṛicʼ jiuko do ãṭ aṛaṅte hohowateko oḍok calaoena ar mitʼkaṛ gocʼ rog hoṛ ar leḍhako hõko bogeyena.

Aposkạmi 5:15

Ado apostolko okako cekayetʼkan tahẽkan ona ńelte hoṛko do parkom ar cạukikote rugiko ạguketʼkoa ar hor horteko dohoketʼkoa, jemon Patrase parom calakʼ jokhecʼ uniyakʼ umul do onkore paṛaokʼ.

Aposkạmi 2:41

Ado uniyakʼ kathare okoeko pạtiạuen onko doko bạptisena ar enhilokʼ onko sãote pe hajar hoṛko juṭucʼena.

Aposkạmi 4:4

Menkhan okoeko Patrasakʼ kathako ańjomletʼ onko modren ḍher hoṛgeko pạtiạuena; ar nonkate biswạsi hoṛko ḍher idiyente mõṛẽ hajarko hoyena.

Johan 16:7

Enre hõ sạri kathageń lạiyape kana, ińakʼ calakʼ do ape lạgitʼ bhagegea, ente bạń senlen khan uni sohotʼicʼ do ape ṭhen bae hijukʼa. Menkhan ińiń senlenre uni do ape ṭheniń kolea.

Aposkạmi 2:33

Isorakʼ jojomsa aṛere duṛubokʼ reakʼ ṭhonok do unigeye dan akawadea are gokʼade tahẽkana sonot Jiu do Isor Baba ṭhen khongeye ńam akadea; ar ńitokʼ ape okape ńeletʼkan arpe ańjometʼkan ona do Jisugeye emakana.

Johan 7:39

Noa do uni Jiu reaṅe roṛkeda, one okoe acʼre pạtiạukʼte sonot Jiuko ńame. Unre sonot Jiu do bae emakan tahẽkana, ente unhạbicʼ Jisu hõ bae ṭhonok ocoakan tahẽkana.

Johan 7:33

Jisui metatʼkoa, “Ape talare ḍher din do bạnuńa. Ona tayom okoeye kol akadiń uni ṭheniń ruạṛ calakʼa.

Aposkạmi 6:7

Nonkate Isorakʼ katha do pasnao idiyena, ar Jerusalemre celako do lekhare ạḍi usạrako saṅge idiyena ar ạḍi utạr naekeko hõ Mạsiyakʼ dhoromreko pạtiạuena.

Aposkạmi 4:16

Onkoko menkeda, “Nukin hoṛ do cetʼbon cekakinạ? Ente Jerusalemre okoeko tahenkan onko do jotogeko baḍaekeda je, nukin do mitʼṭecʼ hahaṛawakʼkin kạmi akada, ar ona do abo hõ babon baṅ daṛelea.

Johan 14:28

Ańjom akadape ińiń menakatʼpea, ‘iń doń calakʼkana ar ape ṭhen arhõń ruạṛ hijukʼa.’ Ape do ińpe dulạṛliń khan Baba ṭheniń calakʼkan iạtepe rạskạkokʼa, ente Baba do iń khon hõe maraṅgea.

Aposkạmi 10:46

Onko do onako bujhạu daṛeada ente noko be-Jihudiko hõ eṭakʼ eṭakʼ pạrsite roroṛkan ar Isor sabasiaekanko ańjomketʼkoa. Unre Patrase menkeda,

Aposkạmi 4:33

Ar apostolko do maraṅ daṛe salakʼ gohako em idiyetʼ tahẽkana je, Probhu Jisu do gocʼko khone jewetʼ beretʼ akana ar sanamko cetanre Isorakʼ maraṅ daya do tahẽkana.

Mark 11:13

Unre loa belekʼ okte do baṅ tahẽkana, menkhan enrehõ uni do sạṅgiń khon mitʼṭecʼ loa dareye ńel ńamketʼte onare jo ńam lạgitʼe sen sorena. Ar ona dare sore senen khan onare sakam chaḍa ar cetʼge bae ńel ńamleda.

Johan 4:37

Noate sạbudokʼ kana, ‘mitʼ hoṛ doe era ar eṭagicʼ doe ira.’

Johan 5:20

Baba do Hopone dulạṛede kana ar acʼ jãhãnakʼgeye cekayetʼ, ona jotowakʼge Hopone ńel ocoyedea. Uni do noako khon hõ maraṅ maraṅakʼ kạmiko Hopone udukʼaea, jemon Hoponakʼ sanam kạmiko ńeltepe hahaṛakʼ.