Johan 13:9 - সান্তালী বাইবেল

⁹ Unre Simon Patrase menkeda, “E Probhu Isor, enḍekhan eken jaṅga moto do alo, ińakʼ ti ar bohokʼ hõ ạbuk tińme.”

Santali Common Language New Testament

⁹ Unre Simon Patrase menkeda, “E Probhu, enḍekhan eken jaṅga moto do alo, ińakʼ ti ar bohokʼ hõ ạbuk tińme.”

Johan 13:9 Referans Kwoze

Sereńko 51:7

Husopʼ dare reakʼ ḍạrte saphayińme, onate iń doń sapha utạrokʼa; ạrupʼ saphayińme, onate iń do pĩṛĩtʼ pĩṛĩtʼ ponḍ iń hoyokʼa.

Sereńko 51:2

Ińakʼ sanam ghạṭko khon ạrupʼ saphayińme; ińakʼ kại khon sapha utạr kạńme baṛe.

1 Patras 3:21

Noa do hoyokʼ kana bạptisma reakʼ mitʼṭecʼ nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilại ocokʼ giḍi daṛeakʼa ona do baṅ; Isor ṭhen noa do mitʼṭecʼ bhage bibek reakʼ hohokana. Ape do Jisu Mạsiyakʼ gujukʼ ar jiwetʼ beredokʼ hotetepe bańcao ocoakana.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

Sereńko 26:6

E Probhu Isor, iń do miridoste tikiniń ạrupʼtińạ ar amakʼ pinḍ beṛhaeteń ạcur hijukʼa,

Mathae 27:24

Pilạt do cetʼ hõ bae dhejeda bickom arhõ gulmal hoyokʼ kane ńelketʼ khan dakʼ hataokate hoṛko samaṅre ti ạbukenteye menkeda, “Nui hoṛakʼ mãyãm lạgitʼ iń do bạń dạyikokʼa; apege ńeljoṅpe.”

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Johan 13:8

Patras do uniye metadea, “Ińakʼ jaṅga do tis hõ bam ạbuk ńama.” Jisu do Patrase metadea, “Bạń ạbukletam khan iń tulucʼ amakʼ bakhra do bạnukʼ tama.”

Johan 13:10

Jisu do uniye metadea, “Um akanicʼ do jaṅga chaḍa ar cetʼge ạbukokʼ reakʼ jạruṛ bạnukʼtaea, ente uni do jotoge saphagetaea.