Johan 13:34 - সান্তালী বাইবেল

³⁴ Mitʼṭecʼ nãwã hukumiń emape kana dupulạṛpe. Cetʼleka iń do apeń dulạṛ akatʼpe onkage ape hõ dupulạṛpe.

Santali Common Language New Testament

³⁴ Mitʼṭen nawa hukumiń emape kana dupulạṛpe. Cetʼleka iń do apeń dulạṛakatʼpe onkage ape hõ dupulạṛpe.

Johan 13:34 Referans Kwoze

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Levitikus 19:18

Alom hala hạliya, se okoe cetanre hõ monre khĩs alom dohoya. Ar am aḍepaseren hoṛ do apnar lekam dulạṛea. Iń kangeạń aperen Probhu Isor do.

Johan 15:17

Iń do noa hukumiń emapekana, jemonpe dupulạṛ.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

Galathiko lạgitʼ Pạul Apostolakʼ ciṭhi 6:2

Bhạriạ do gokʼ gopoṛope, ar nonkate ape do Mạsiyakʼ ạnkope purạu daṛeakʼa.

1 Johan 3:23

Uniyakʼ hukum do naoge, jemon uniren Hopon Jisu Mạsire bon pạtiạukʼ ar abo abore bon dupulạṛ. Ar noa hukumge uni doe em oṭoakatʼ bona.

1 Johan 4:21

Uni ṭhen khon noa hukum bon ńam akada, okoe Isorko dulạṛ edekan onko do boehako hõ jemonko dulạṛko.

Jakob 2:8

Sonot sostorre olakana, “Am aḍepaseren hoṛ apnar leka dulạṛem.” Ape do Mạsiyakʼ rajosṭi reakʼ ạnko sạrigepe manaoetʼ khan enḍekhan do ạḍipe bhageyetʼ kangea.

1 Thessalonikikko 3:12

Ale cetʼlekale dulạṛetʼpe ṭhik onkage Probhu Isor hõ ape mimitʼkore jemon dulạṛe baḍhao ocoyte sareṛokʼtape.

Romiko lạgitʼ Pạul Apostolakʼ ciṭhi 12:10

Ape ape talare boeha leka dupulạṛpe. Ar apnar khon eṭakʼko bạ̃ṛti manotkope.

2 Johan 1:5

Abo mimitʼko jemon bon dupulạṛ, noage am ṭhen ińakʼ nehõr do. E dulạṛiạ miseratiń, okań oletʼkan ona do jãhãn nãwã hukum do baṅkana, bickom noa hukum do pạhil khonge bon ńam akada.

Galathiko lạgitʼ Pạul Apostolakʼ ciṭhi 6:10

Ạt bon ńamle khan sanamko lạgitʼ bhageakʼ bon kạmima, bạ̃ṛtikaete Isorren gharońjren hoṛko bhạlạiko lạgitʼ jemon bon kạmi.

1 Johan 3:11

Okaṭakʼ katha pạhil khonpe ańjom ạguakatʼ ona do noage, abo mimitʼko jemon bon dupulạṛ.

Levitikus 19:34

Apnar jạtrenko sãote cetʼlekape beoharetʼ onkage onko sãote hõ beoharpe. Ar apnar leka dulạṛkope, ente ape hõ Misorrenko talare upriạpe tahẽkana. Iń kangeạń aperen Probhu Isor do.

Ibriko 13:1

Ape mimitʼko boeha leka dupulạṛpe.

2 Thessalonikiko 1:3

E boehako, ape ńutumte jao okte Isor gun manao johar emae lek kantalea. Apeakʼ pạtiạu do ạḍitetʼ baḍhao idikʼ kana ar ape mimitʼkoakʼ dulạṛ ape apere sahre idikʼkante ale do sarhao emokʼ lek kantalea.

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

2 Patras 1:7

ar Isor bhokti tulucʼ boeha dupulạṛ ar ona dulạṛ sãote arhõ khạndri dulạṛ mon juṭucʼakʼpe.

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsiren kan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

Johan 17:21

E Baba cetʼleka ińre jopoṛao menam ar ińhõ amre minạń onkage onko hõ jemon alaṅ soṅge jopoṛaoko tahen. Onate dhạrtiren hoṛkoko pạtiạukʼa je, amgem kol akadińạ.

Sereńko 119:63

Okoe amko botoram ar amakʼ ạn ạriko manaoetʼ iń doń onko sãotenko kana.

Sereńko 16:3

Dhạrtire okoe doko Isorren hoṛkan, onko doko maraṅgea; ar onko iạtege iń doń rạskạkʼ kana.

Mathae 5:44

Menkhan ińiń metape kana, aperen bạiriko dulạṛkope. Ar okoe apeko santaoetʼpe onko do koeakope.

Romiko lạgitʼ Pạul Apostolakʼ ciṭhi 13:8

Okoe ṭhen hõ jãhãnakʼge alope dharaoa, eken dulạṛ chaḍa. Okoe eṭakʼkoko dulạṛetʼko onko do Moseyakʼ ạngeko pańja akada.

Romiko lạgitʼ Pạul Apostolakʼ ciṭhi 13:10

Dulạṛ do okoeyakʼ hõ bạṛicʼ bae khoja. Enḍekhan ńelokʼ kana dulạṛ hotetege sanamakʼ ạnko purạukʼ kana.