Johan 12:31 - সান্তালী বাইবেল

³¹ Noa dhạrtiren hoṛkoakʼ bicạr reakʼ okte do seṭer akana, ar dhạrtiren rajakʼ ti khon ńitokʼ do recʼ ocokʼa.

Santali Common Language New Testament

³¹ Noa dhạrtiren hoṛkoakʼ bicạr reakʼ okte do seṭer akana, ar dhạrtiren rajakʼ ti khon ńitokʼ do recʼ ocokʼa.

Johan 12:31 Referans Kwoze

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiyakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

1 Johan 5:19

Baḍaeabon abo do Isorren kanabon, ar goṭa dhạrti do Soetanakʼ ektiạri latarre menakʼa.

1 Johan 3:8

Okoeye kại idiyetʼkan uni doe Soetanren kana, ente Soetan do etohopʼ khongeye kạiyeda. Ar Soetan kạmi marao giḍikakʼ lạgitʼge Isorren Hopon doe sodorakana.

Ephesiko lạgitʼ Pạul Apostolakʼ ciṭhi 6:12

Aboakʼ noa lạṛhại do jãhãe manwa upạrte do baṅkana, bickom ona do ńut rajosṭi reakʼ joto lekan cakʼlaoko ar ektiạrianko upạrte, ńut dhạrtiren daṛean jiuko upạrte, ar coṭren joto bạṛicʼ jiuko upạrte.

Johan 14:30

Iń do ape tulucʼ ar ḍher ghạṛicʼ do bạń galmaraoa, ente noa dhạrtiren raje hijukʼkana. Ińre uniyakʼ jãhãn ektiạri do bạnukʼtaea.

Ibriko 2:14

Onko gidrạko doko hoyokʼ kana mãyãm ar jelren manwage. Onate Jisu acʼtetʼ hõ jel ar mãyãmren manwae hoyena, jemon gujukʼ reakʼ daṛe okoeyakʼ tire menakʼ uni Soetan do acʼakʼ gujukʼ hoteteye bhagaoe.

Kolossiko lạgitʼ Pạul Apostolakʼ ciṭhi 2:15

Uni do sanam bạṛicʼ rajosṭiko ar ektiạriankoakʼ daṛeye cabaketʼtakoa. Nonkate uni do Mạsiyakʼ kurus hotete onko cetanreye jitạuena ar jotoko samaṅre onkoe bemanot ocoketʼkoa.

1 Johan 4:4

Menkhan E gidrạko, ape do Isorren kanape. Ape do onko eṛeko cetanrepe jitạu akana, ente noa dhạrtire okoe menae, uni khon apeakʼ ontorre menayicʼ doe maraṅgea.

Mathae 12:28

Menkhan Isorren Jiu hotete bhutkoń oḍok giḍiyetʼko khan enḍekhan Isorakʼ raj do ape ṭhen seṭer akana.

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Jesaea 49:24

Daṛean hoṛ ṭhen khon cetʼ luṭ reakʼ jinis dom recʼ daṛeakʼa? Se kumãyãicʼren jhuṭiạuicʼ do cetʼem chaḍao daṛekea?

Johan 3:19

Uni do dusi menteye lekha ocoakana ente dhạrtire marsal hecʼakana, menkhan manwakoakʼ kạmiko bạṛicʼgete manwa do marsal khon ńutge bạ̃ṛtiko dulạṛetʼkana.

Johan 9:39

Jisui menkeda, “Iń do dhạrtite bicạr lạgitʼ iń hecʼakana, jemon baṅ ńeńelkoko ńeńel ar okoeko ńeńelkan onko do kãṛãko hoyokʼ.”

1 Korinthiko 1:20

Menkhan akelanicʼ do ukuricʼ? Bidiạwạnicʼ hõ ukuricʼ? Noa piṛhiren esetʼicʼ hõ ukuricʼ? Noa dhạrti reakʼ akel je, lelhawakʼkan ona do cetʼ Isor bae udukʼ abon kana?

1 Korinthiko 1:21

Isor do acʼakʼ akele ṭarhao akatʼte dhạrtirenko do akoakʼ akelte Isor bako orom daṛeadea. Onate Isor do bhage sombat reakʼ lelhatetʼ iạte biswạsiko kại khon bańcaokoe kusiyena.