Johan 12:29 - সান্তালী বাইবেল

²⁹ Ar okoeko hoṛ onḍeko teṅgo akan tahẽkan onko do ona ańjomkateko menkeda, “Rimil saḍeyena.” Adomko doko menkeda, “Okoe serma goḍet coṅ uni tulucʼ kathae roṛkeda.”

Santali Common Language New Testament

²⁹ Ar okoeko hoṛ onḍeko teṅgo akan tahẽkan onko do ona ańjomkateko menkeda, “Rimil saḍeyena.” Adomko doko menkeda, “Jãhãe serma goḍet uni tulucʼ kathae roṛkeda.”

Johan 12:29 Referans Kwoze

Johan sodor 14:2

Ona tayom serma khon had had ạtu calakʼkan ar huḍur reakʼ sạḍeń ańjomkeda. Ar okaṭakʼ saḍeń ańjomketʼ ona do peṛesaṅ banamko phetʼetʼkan lekań ańjomkeda.

Johan sodor 11:19

Ona tayom serma reakʼ mundil do jhicʼena ar onḍe Isorakʼ bondobos reakʼ sunduk ńel ńamena. Unre bijli malkaokʼ ar botor saḍe ar huḍur ar dhạrti laṛao ar ạḍi bạṛicʼ arel ńurokʼ ehopʼena.

Johan sodor 8:5

Unre serma goḍet do pinḍ khon seṅgel hataokate ona dhup dạniye perecʼkeda ar dhạrtiteye lebda giḍikada. Onate huḍur ar eṭakʼakʼ botoranakʼ saḍe leka saḍeyena, ar bijli malkaoena ar dhạrti laṛaoena.

Johan sodor 6:1

Bheḍa Hopon do ona eae goṭecʼ mohor chapko reakʼ pạhilakʼe raṛaketʼ khan iń ńelkeda; onko ponea jiwiyanko modren mitʼṭen do huḍur reakʼ aṛaṅ leka roroṛkaniń ańjomkedea, “Dela hijukʼme.” Unre iń do mitʼṭen ponḍ sadomiń ńelkedea.

Jeheskel 10:5

Kerubkoakʼ phạ̃kṛạ̃kʼ reakʼ saḍe do raca hạbicʼ ańjomokʼkan tahẽkana; ona saḍe do phạdkoren Probhu Isorakʼ roroṛkan aṛaṅ lekage tahẽkana.

Jobakʼ 40:9

Amakʼ do cetʼ Isor leka daṛe menakʼtama? Uniyakʼ aṛaṅ lekam hạnḍrạukʼ daṛeakʼa?

Exodus 20:18

Israelko do tinre bijli malkaokʼ ar buru khon dhũạ rakabokʼko ńelkeda ar huḍur ar sakwa reakʼ saḍeko ańjomkeda unre onko do sạṅgińre teṅgokate thar tharokʼko ehopʼena.

Exodus 19:16

Ado tesar hilokʼ setakʼ jokhecʼ huḍur ar bijli malkaokʼ ehopʼena ar buru cetanre mitʼṭecʼ hende rimil ńelena. Ona chaḍa ạḍi murukte sakwa saḍeyena. Noako ńel ar ańjomte ḍeraren sanam hoṛ doko thar tharaoena.

Aposkạmi 9:7

Ar okoeko hoṛ Sạul sãoteko calakʼkan tahẽkan, onko do hahaṛakʼ tulucʼko teṅgo hapeyena. Onko do kathako ańjomkeda menkhan celege bako ńel ńamletʼkoa.