Johan 12:15 - সান্তালী বাইবেল

¹⁵ “E Sionren kuṛi, alom botorokʼa. Ńelme, amren raj do gadha hoponre decʼkateye hijukʼkana.”

Santali Common Language New Testament

¹⁵ “E Sionren kuṛi, alom botorokʼa. Ńelme, amren raj do gadha hoponre decʼkateye hijukʼ kana.”

Johan 12:15 Referans Kwoze

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Jesaea 62:11

Probhu Isor do dhạrti reakʼ ses simạ hạbicʼe lại sodoreda, “Sionren kuṛi metaepe, ‘ńelme amren babańcaoicʼ doe hijukʼkana. Ńelme, uni okaṭakʼ kuṛạiye ńamakatʼ ona do acʼ sãotege menakʼtaea; ar acʼakʼ kuṛại do uni ṭhenge menakʼa.’ ”

2 Samuel 16:2

Raj do Sibae kulikedea, “Noako do okoe lạgitʼem ạguakada?” Sibae roṛ ruạṛkeda, “Gadhakin do raj gharońjrenko dejokʼ lạgitʼ, piṭhạ ar jo do hoṛko jom ocoko lạgitʼ ar darkha rasa do onko lạgitʼge okoe do hahaṅkarreko loraokʼ.”

Mikạ 4:8

E bhiḍi gukʼpikoakʼ pahra oṛakʼ, E Sion kuṛi reakʼ gaṛ, lahateakʼ rajosṭige am ṭhen do ruạṛ ocokʼa; raj do arhõ Jerusalemreye rajokʼa.”

Jesaea 41:14

E am tejo Jakob, alom botorokʼa; ińge amiń goṛowama. Iń Probhu Isor do amren babańcaoicʼ Israelren uni sonoticʼge niạ katha doń meneda.

1 Rapajko 1:33

Dạud do onkoe metatʼkoa, “Ape do ińren rurukhiyạ dolko soṅgekope ar ińren hopon Solomon do ińren khaccarre dejepe ar Gihon tapol otette idiyepe.

Bikʼcạrko 12:14

Uniren do pongel hopon ar pegel goṛomtetʼ koṛako tahẽkana. Onko do eaegel gadhakoreko decʼ baṛaekan tahẽkana. Ar Adbon do irạl bochor Israelkoakʼe bicạrketʼtakoa.

Bikʼcạrko 5:10

Ape okoe do ponḍ gadha eṅgare decʼkate ar kombol reakʼ godire duṛupʼkate hortepe calakʼkan, ape do niạko reaṅ baṛe sereńpe.

Dosar Biboron 17:16

Uni raj do acʼ lạgitʼ ḍher sadomko aloe dohojoṅma ar inạ tayom arhõ aema sadomko ńamjoṅ lạgitʼ Misor disạmte Israelko aloe kolkoma, ente Probhu Isore menakada, ‘ona disạmte do ar tishõ alope ruạṛ calakʼa.’

2 Samuel 15:1

Noa tayom Absalom do acʼ apnar lạgitʼ rãt gạḍi ar sadomkoe jogaṛketʼkoa ar acʼ laha lahate calakʼ lạgitʼ mõṛẽgel hoṛe bahalketʼkoa.

Mathae 21:5

“Sionren hoponera metaepe, ńelme amren raj do am ṭhene darae kana; uni do mạ̃hir ar gadhare decʼakan; ar mitʼṭen gadha hopon, ladhna janwar hoponre.”

Johan 12:14

Sonot sostor reakʼ katha leka Jisu do mitʼṭen gadha hopone ńamkedete unireye decʼena. Sostorre olakan leka,