Johan 11:2 - সান্তালী বাইবেল

² Nui doe uni Mạriạm kana one okoe do Probhu Isorakʼ jaṅgare mahkaokʼ sunume ojokʼade tahẽkante acʼakʼ upʼte jaṅgakine jotʼletʼtae. Ar ruạte okoeye kạhil akan tahẽkan nui Lasar do Mạriạmren boehae tahẽkana.

Santali Common Language New Testament

² Nui doe uni Mạriạm kana one okoe do Probhuakʼ jaṅgare mahkaokʼ sunume ojokʼade tahẽkante acʼakʼ upʼte jaṅgakine jotʼletʼtae. Ar ruạte okoeye kạhil akan tahẽkan nui Lasar do Mạriạmren boehae tahẽkana.

Johan 11:2 Referans Kwoze

Johan 12:3

Unre Mạriạm do adha liṭar ạḍi damanakʼ mahkaokʼ sunume ạgukeda ar Jisuakʼ jaṅgareye dulkeda ar acʼakʼ upʼteye jotʼketʼtaea. Ar ona mahkaokʼ sunum reakʼ mohokte goṭa oṛakʼ do perecʼena.

Mark 14:3

Unre Jisu do Bethaniạren murhucʼ jom rugi Simonakʼ oṛakʼreye tahẽkana. Ado jojome duṛupʼ akan tahẽkanre mitʼṭen maejiu do ponḍ dhiri cukạkʼre ạḍi daman jaṭamaṅsi sunumanteye hecʼena. Ar cukạkʼ rạputʼkate uni do Jisuakʼ bohokʼre ona sunume dulkeda.

Luk 7:13

Probhu Jisu do uni rạnḍi maejiu ńelte mãyã hecʼadeteye metadea, “Alom raga.”

Luk 7:19

Unre Johan do acʼren barea cela hohoatʼkinte Jisu ṭhen noa katha kuliye lạgitʼe kolketʼkina, “Okoeyakʼ hijukʼ reakʼ katha menakʼtae uni dom am kangea, se eṭagicʼ lạgitʼle koyokʼ hora?”

Johan 11:3

Onate unkin boeha kuṛi do Jisu ṭhen noa kathakin roṛgotʼkada, “E Probhu Isor, okoeyem dulạṛedekan uni do ruạteye kạhil akana.”

Johan 11:21

Martha do Jisui metadea, “E Probhu, nonḍe baṛem tahẽlen khan bareń do ohogeye gocʼlena.

Johan 11:32

Ado Jisu okareye tahẽkan onḍe Mạriạme hecʼena ar uniye ńelkede khan jaṅgare giḍiyenteye menkeda, “E Probhu, nonḍe baṛem tahẽlen khan bareń do ohoe gocʼlena.”

Johan 13:13

Ape do Guru ar Probhu mentepe hohowạńkana, ar ona do ṭhikgepe meneda, ente uni kangeạń.

Johan 13:14

Menkhan iń do Probhu ar Guru hũyạte hõ cetʼ lekań ạbukketʼpe onkage ape hõ eṭakʼkoakʼ jaṅga ạbuk lek tapea.