Johan 10:28 - সান্তালী বাইবেল

²⁸ Iń do jaejug jioniń emakokana. Onko do tishõ ohoko nosṭolena ar okoe hõ iń khon ohoko recʼidi daṛelekoa.

Santali Common Language New Testament

²⁸ Iń do jaejug jioniń emakokana. Onko do tishõ ohoko nosṭolena ar okoe hõ iń khon ohoko recʼidi daṛelekoa.

Johan 10:28 Referans Kwoze

Johan 6:37

Baba okoekoe emawạń onko jotoge iń ṭhenko hijukʼa. Okoe iń ṭhene hijukʼ uni do oka lekate hõ ohoń oḍok giḍilea,

Ibriko 7:25

Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

Romiko lạgitʼ Pạul Apostolakʼ ciṭhi 8:29

Isor do okoeko lahareye bachao akatʼko onko do acʼren hopon hoyokʼ lạgitʼ laha khongeye ṭhik doho akatʼko tahẽkana, jemon uni Hopon do ạḍi utạr boehako modre maraṅicʼe hoyokʼ.

Johan 18:9

Noa do hoyena Jisui menletʼ katha jemon purạukʼ, “Okoekom emakawạdiń onko modre mitʼ hoṛ hõ bạń atʼakadea.”

Philipiko lạgitʼ Pạul apostolakʼ ciṭhi 1:6

Noa pạtiạu menakʼtińạ, apeakʼ ontorre okoe bhage kạmiye ehopʼakatʼ uni do Mạsi Jisuakʼ hijukʼ din hạbicʼ onae calao iditeye mucạda.

Jesaea 54:17

Am upạrte tearakʼ khanḍa bhanḍako hõ oka kajrege baṅ jojaokʼa; ar bicạrre am upạrteko teṅgokʼ hoṛko do amge dusirem paṛaokoa. Noa kangea Probhu Isorren golamkoakʼ bakhra do, ar noa kangea onkoakʼ dhorom hõ.”

1 Johan 2:25

Noa kangea jaejug jion, one okaṭakʼ Mạsi do abo emabon lạgitʼe gokʼakatʼ.

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniyakʼ ontorre jaejug jion lạgitʼ bhumbukokʼkan dakʼ jharna leka hoyokʼa.”

Romiko lạgitʼ Pạul Apostolakʼ ciṭhi 8:1

Okoe Jisu Mạsireko kolom mitʼakan Isor do onko sạjạiyokʼ lek kanako mente bae hudiskoa.

Jihudạwakʼ ciṭhi 1:24

Eken mitʼ goṭen Isor menaea, okoe doe aboren babańcaoicʼ kan uni do apepe tohodokʼ khon bańcaokate niphuṭge acʼakʼ ṭhonok samaṅre rạskạteye hạjir daṛeapea. Sanam jugko reakʼ pạhil khon cetʼ leka tahẽkan onkage ńit hõ ar jaejug hạbicʼ aboren Probhu Jisu Mạsi hotete Isorakʼge ṭhonok, mạhima, daṛe ar ektiạri tahentae ma. Amen.

Johan 17:2

Am do sanam manwako cetanre ektiạriyem emakawadea, jemon okoekom emakawade onko sanamko jaejug jione emako.

Johan 5:24

“Sạrigeń metapekana, Ińakʼ katha okoeye ańjom ar kol akadińicʼreye pạtiạukʼ uni do jaejug jion menakʼtaea. Uni do dusi mente bae lekhakʼa, ente uni do moron khon jionteye parom akana.

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.

1 Johan 5:11

Ona goha do noage, Isor do jaejug jione emakatʼbona ar ona jion do acʼren Hoponre menakʼa.

Jihudạwakʼ ciṭhi 1:21

Aboren Probhu Jisu Mạsiyakʼ mãyã do jemon jaejug jion secʼe idipe ona ńel hor lạgitʼge ape do Isorakʼ dulạṛre tahenpe.

1 Patras 1:5

Ar purạ puri bańcao ạuripe ńam hạbicʼ Isorakʼ daṛete biswạs hotete ape dope horho jaṅge ocoakana. Ar mucạtʼ oktere sodorokʼ lạgitʼ ona bańcaokʼ reakʼ do tear dohoakana.

Sereńko 37:28

Probhu Isor do dhorom bicạre dulạṛetʼa; ar acʼ botoraekanko do bae bạgi giḍikoa. Uni do jaejug hạbicʼe rukhiyạkoa, menkhan bạṛicʼ bõsrenko doe marao giḍikoa.

Dosar Biboron 33:3

“Sạrige uni do acʼren hoṛkoe dulạṛetʼkoa. Sonot goḍetko do acʼakʼ tire menakʼkoa, sanamkoge uniyakʼ umulreko taṛameda; ar uniyakʼ hukumko senakʼkana.

Jesaea 45:17

Menkhan Probhu Isor do jaejug lạgitʼ Israele bańcaoea; am do jaejug hạbicʼ bam lajao ocokʼa ar bam andmandaokʼa.

Johan 11:25

Jisu do uniye metadea, “Ińge beretʼ ruạṛokʼtetʼ ar jion do. Okoe ińreye pạtiạukʼ uni doe gocʼlenre hõ jiwetʼe tahena.

Jirimiạ 31:3

Ona jokhecʼ Israelko doko menleda, Probhu Isor do sạṅgiń khon onko ṭhene ńel ocolena. Ar Probhu Isor do unre onkoe metatʼko tahẽkana, “Asambheṛ dayateń dulạṛ akatʼpea; ar asambheṛ mãyãtege iń ṭheniń or sorakatʼpea.”

Jihudạwakʼ ciṭhi 1:1

Iń do Jisu Mạsiren golam ar Jakobren boeha Jihudạ kạnạń. Isor Baba okoekoe hoho are dulạṛ akatʼko ar Jisu Mạsi okoekoe rukhiyạ akatʼko onko ṭhen noa ciṭhi doń oletʼkana.

Kạhtukko 24:16

ente dhorom hoṛ do eae dhaoe leńjetʼlenre hõ uni do arhõe beretʼ ruạṛa, menkhan bedhorom hoṛ do ghoṭna iạteko tohotʼ bhindạṛokʼa.

2 Thessalonikiko 2:13

Probhu Isorre dulạṛiạ boehako, ape ńutumte jaoge Isor gun manao joharae lek kantalea, ente kại khon bańcao ńam lạgitʼ Isor do pạhil khongeye bachao dohoakatʼpea. Sonot Jiu hotete Isor lạgitʼe begar doho akatʼpete ar bhage sombat reakʼ sạriyakʼre apeakʼ biswạs hotete kại khon bańcaope ńamakada.

Johan 3:36

Hoponre pạtiạukʼicʼ do jaejug jion menakʼtaea, menkhan Hopon reakʼ bebataoicʼ do jion ohoe ńamlea, bickom Isorakʼ edre uni cetanre paṛaokʼa.

2Timothi 1:12

Ar ona iạte noako dukiń jomakada; ar enrehõ bạń lajaokʼkana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiyakʼ hijukʼ din hạbicʼ rukhiyạ lạgitʼ daṛe menakʼtaea mente.

Romiko lạgitʼ Pạul Apostolakʼ ciṭhi 5:21

Ona daya do noa iạtege ḍherena jemon gujukʼ talate cetʼleka kại do raje calaoetʼ tahẽkan, onkage manwa hõ dhorom menteye aṅgocokʼte ńitokʼ uniyakʼ daya do rajokʼa: ar ona reakʼ jo do hoyokʼ kana aboren Probhu Jisu Mạsi hotete jaejug jion hameṭjoṅ.

Jobakʼ 17:9

Menkhan dhorom hoṛ do akoakʼ horteko laha idikʼa, ar okoeyakʼ ti saphage onko do dinke dinko daṛe idikʼa.

1Timothi 1:16

Onate Isor do ińe mãyã akawạdińa, jemon iń maraṅ kạiyan hotete Jisu Mạsi do acʼakʼ asambheṛ soboriye udukʼ daṛeakʼ. Ar unire pạtiạukʼ hotete okoe jaejug jionko ńam onko jemon iń ńelteko cetʼ daṛeakʼ onate uni do ińreye nonka akada.

Romiko lạgitʼ Pạul Apostolakʼ ciṭhi 6:23

Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

Romiko lạgitʼ Pạul Apostolakʼ ciṭhi 5:17

Mitʼṭen manwawakʼ kại gunạkʼte gujukʼ ar uni mitʼ hoṛ hotetege rajokʼe ehopʼleda. Menkhan okoe do Isorakʼ asambheṛ daya ar dhorom menteko ataṅ ocokʼ, onko do uni mitʼ hoṛ, metakʼme Jisu Mạsi hotete sạri jion reakʼ perecʼtetʼ iạte khạṭigeko rajokʼa.

Romiko lạgitʼ Pạul Apostolakʼ ciṭhi 5:2

Ńitokʼ Isorakʼ daya reakʼ oka horte bon calakʼkan onḍe do Mạsire pạtiạu iạte bon seṭerakana. Ar Isorakʼ ṭhonok ńam reakʼ aste bon rạskạkʼ kana.

Aposkạmi 7:59

Ar dhiriteko tińekan tahẽkanre uni do nonkae koekeda, “E Probhu Jisu, ińakʼ jiwi ataṅ tińme baṛe.”

Johan 14:19

Ar thoṛa ghạṛicʼ khange dhạrtiren hoṛko do ar bako ńel ńameńa, menkhan ape dope ńeleńgea. Iń do jiwetʼge minạńte ape hõ jiwetʼpe tahena.

Johan 6:47

Sạrigeń metapekana, jãhãege ińreye pạtiạukʼ uni do unrege jaejug jione ńama.”

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Jirimiạ 32:40

Onko lạgitʼ iń do noa jaejug bondobosiń dohoya ar onko lạgitʼ bhạlại do tisge bạń bonda. Iń do onkoakʼ monre botoriń rakapʼ ocoytakoa jemon iń khon tishõ aloko ruạṛ calakʼ.

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.

Romiko lạgitʼ Pạul Apostolakʼ ciṭhi 5:9

Enḍekhan Mạsiyakʼ mãyãm hotete tinre abo do dhorom mente bon ataṅ ocoakana unre abon do Mạsi hotetege Isorakʼ sạjại khon khạṭige rukhiyạ bon ńama.

Johan 6:68

Simon Patras do Jisui metadea, “E Probhu Isor, ale do okoe ṭhenle calakʼa? Jaejug jion reakʼ katha ma coṅ am ṭhenge.

Luk 23:46

Jisu do ãṭ aṛaṅte hohowateye menkeda, “E Baba amakʼ tire ińakʼ jiwiń jimạyetʼkana.” Ar noae roṛketʼ khan jiwi oḍokentaea.

Jirimiạ 31:34

Apnar aḍepaserenko ar apnar boeha hõ noa mente okoege tishõ bae cetʼakoa, ‘Probhu Isor baḍaeyepe,’ ente jotoge ińko oromińạ. Ona iạte iń do onkoakʼ bedhoromiń ikạitakoa, onkoakʼ kại do ar tishõ bạń disạitakoa. Iń Probhu Isorge noa katha doń meneda.”

Kạhtukko 4:18

Isor botoraekan hoṛkoakʼ hor do aṅga hijukʼkan marsal leka, one ạuri tikinokʼ hạbicʼ tạpis khon arhõ tạpis idikʼkan.

Sereńko 31:5

Amakʼ tire ińakʼ jiwiń jimạyetʼtińạ, ente E Probhu, pạtiạranicʼ Isor, amgem chaḍao akadińạ.

Mark 13:22

ente eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga, hoydaṛeakʼ khan Isorren bachaoko hõko bulạu daṛeakoa.

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Jesaea 27:3

Iń Probhu Isorge ona doń ńel todarotetʼ kana; iń do jao okte onare dakʼ iń emakʼ kana. Ar okoehõ jemon ona aloko lokshantiń onate siń ńindạń horhoyeda.

Jirimiạ 23:4

Onko cetanre nonkan gukʼpikoń bahalkoa okoe do onkoko ńel todarot daṛeako; unre ińren bhiḍiko bako botorokʼa, bako asokʼ ṭayogokʼa ar okoeṭakʼge bako adokʼa. Iń Probhu Isorge niạ kathań meneda.”

Johan 10:29

Ińren Baba, one okoe do onkoe emakawạdiń, uni do sanam khone maraṅa. Okoe hõ Babawakʼ ti khon do bako recʼ idi daṛeakoa.

1 Johan 1:2

Ona jion doe sodorlena. Ale do unile ńelakadea ar uni reaṅ gohale emeda. Okoe do Baba ṭhene tahẽkan ar ale ṭhene sodorlen ona jaejug jion reakʼ kathage apele baḍae ocoyetʼpea.