Johan 1:45 - সান্তালী বাইবেল

⁴⁵ Philip do Nathanaele sendra ńamkedeteye metadea, “Mose do okoeyakʼ katha ạn-ạrikoreye ol oṭo akatʼ ar nạbiko hõ okoe reaṅko olakatʼ uni do alele ńam akadea. Uni do Nasaret atoren Josephren hopon Jisu kanae.”

Santali Common Language New Testament

⁴⁵ Philip do Nathanaele sendra ńamkedeteye metadea, “Mose do okoeakʼ katha ạn-ạrikoreye ol oṭo akatʼ ar nạbiko hõ okoe reaṅko olakatʼ uni do alele ńam akadea. Uni do Nasareth atoren Josephren hopon Jisu kanae.”

Johan 1:45 Referans Kwoze

Luk 24:27

Inạ tayom uni do Moseyakʼ ar joto nạbikoakʼ olakʼ khon ehopʼkate sanam sonot sostorre acʼ reaṅ okako olakan ona jotoe bujhạuatʼkinạ.

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Mathae 2:23

ar Nasaretko metakʼ mitʼṭecʼ atore senkateye berelena. Noa do hoyena nạbiko hotete roṛlenakʼ katha jemon purạukʼ: enkathae, “Uni do Nasario menteye hoho ocokʼa.”

Luk 24:44

Ar ona tayome metatʼkoa, “Iń do ape sãote tahẽkanreń menleda, Mose reakʼ ạnre, nạbikoakʼ olakʼre ar sereńkore iń reakʼ okako katha olakan ona sanamakʼ do purạukʼtehõ purạukʼgea.”

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Luk 4:22

Ar sanam hoṛ do uniko sabasiyadea ar uniyakʼ moca khon oḍokokʼkan mońj mońj katha ańjomte ạḍiko hahaṛayena. Onkoko menkeda, “Nui do cetʼ Josephren hopon doe baṅkana?”

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Sakariạ 6:12

Arem metaea, phạdkoren Probhu Isore meneda, ‘nuige uni hoṛ do, one uniyakʼ ńutum do dare reakʼ kahle kan; uni do acʼakʼ ṭhạ̃i khone hara rakabokʼa ar Probhu Isorakʼ oṛakʼe benaoa.

Jesaea 53:2

Uni samaṅre bale cara leka uni doe omon rakapʼena ar rohoṛ ot khon rehetʼ poha lekae harayena. Uniyakʼ do nonkan rup se ṭhonok hõ baṅ tahẽkantaea, one onate uni secʼ bon beṅgetʼke; ar cetʼ ḍhob hõ baṅ tahẽkantaea, onate bon hạ̃ske.

Johan 18:7

Jisu do arhõe kuliketʼkoa, “Okoepe ńam baṛayede kana?” Metadeako, “Nasaretren Jisu.”

Jesaea 4:2

Enhilokʼ Probhu Isorakʼ kahle do husnạkʼ ar ṭhonokanakʼ hoyokʼ ar disạm reakʼ jo do Israelren sarecʼ hoṛkoakʼ mạhima ar saj lạgitʼge hoyokʼa.

Genesis 22:18

Ar amren bõsko hotete dhạrtiren sanam jạtrenko do bhorko ńama. Am do ińakʼ hukumem manao akatʼte onań onkaea.”

Mark 6:3

Nui do cetʼ uni kaṭmistiri doe baṅkana? Nui do cetʼ Mạriạmren hopon doe baṅkana? Jakob, Joses, Jihudạ ar Simon takoren boeha doe baṅkana? Uniren miseratko do cetʼ nonḍe abo talare bạnukʼkoa?” Nonkage hoṛko do Jisu iạte monre tạkijokʼko ehopʼena.

Mathae 21:11

Gadel hoṛko menkeda, “Nui do Gạlil reakʼ Nasaretren nạbi Jisu kanae.”

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Aposkạmi 22:8

“Iń doń kulikedea, ‘E Probhu am dom okoe kana?’ Uni doe roṛ ruạṛkeda, ‘iń do Nasaretren Jisu kạnạń, one okoeyem khedeńkan.’

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Johan 21:2

Simon Patras, ar jawako metae Thoma ar Gạlil reakʼ Kana nagraharen Nathaniel, Sabdaeren hoponkin ar Jisuren eṭakʼ barea cela onko do mitʼ soṅgeteko tahẽkana.

Luk 2:4

Joseph do Dạud bõsren hoṛe tahẽkana. Ar Jihudạ reakʼ Betlehem do Dạud rajakʼ janam ato tahẽkana.

Mark 14:67

Ar Patras jorogokʼkane ńelkede khan beṅgetʼ uricʼadeteye metadea, “Am hõ coṅ uni Nasaretren Jisu sãotem tahẽkan.”

Mathae 13:55

Nui do cetʼ kaṭmistiriren hopon doe baṅkana? Uniren eṅgat do cetʼ Mạriạm doe baṅkana? Ar uniren boehako do cetʼ Jakob, Joseph, Simon ar Jihudạ, doko baṅkana?

Aposkạmi 26:9

“Iń do apnargeń pạtiạukʼkan tahẽkana, Nasaretren Jisu upạrte okań daṛeakʼ ona jotoge kạmi lek tińạ mente,

Aposkạmi 3:6

Unre Patrase menkeda, “Sona ar rupạ do bạnukʼtińạ, menkhan okaṭakʼ menakʼtiń onageń emamkana. Nasaretren Jisu Mạsiyakʼ ńutumte beretʼme ar taṛamme.”

Aposkạmi 2:22

“E Israelko, noa katha ańjompe. Nasaretren Jisu hotete Isor do ape talare bhage ar hahaṛa kạmikote ape ṭhene sạbud akada je, uni do Jisui kolledea; ar noa katha do ape hõpe baḍaegea.

Johan 19:19

Ar Pilạt do mitʼṭecʼ olakʼre olkate Jisuakʼ kurus cetanreye bạisạu ocokeda. Onare ol tahẽkana, “Nasaretren Jisu Jihudikoren raj.”

Johan 18:5

Onkoko menkeda, “Nasaretren Jisu.” Jisui metatʼkoa, “Iń kangeạń uni do.” Ar bạirikoakʼ tire okoeye soprotlede uni Jihudạ hõ onko sãoteye teṅgo akan tahẽkana.

Johan 6:42

Khan onko mukhiyạko do memenko ehopʼena, “Nũi do cetʼ Josephren hopon Jisu doe baṅkana? Nuiren go-babakin ma coṅ bon oromakatʼ kinge. Enḍekhan cekateye meneda, ‘iń do serma khoniń pheḍ hecʼakana?’ ”

Luk 3:23

Jisu do pegel serma umer tahẽkantaere acʼakʼ kạmiye ehopʼkeda. Hoṛkoakʼ bujhạure uni do Josephren hopone tahẽkana. Ar Joseph do Eliren hopone tahẽkana;

Mathae 10:3

Thoma ar mạsul-uṭhạuicʼ Mathae; Alphaeren hopon Jakob ar Thaddae;

Luk 2:48

Ar uniren eṅgat-apat do uni ńelkatekin hahaṛayena. Eṅgattetʼ do uniye metadea, “E Beṭa, cedakʼem nonkaketʼ bona? Am baba ar iń do ạndukʼ mạndukʼliń sendra baṛayetʼmea.”

Johan 1:44

Philip do Bethsaeda atoren hoṛe tahẽkana, Andreas ar Patras hõ ona atorengekin tahẽkana.

Johan 6:5

Ado Jisui beṅgetʼ rakapʼketʼ khan gadel hoṛ acʼ ṭhen hijukʼkane ńelketʼkoa. Uni do Philipe metadea, “Noko hoṛ jom ocoko lạgitʼ piṭhạ do oka khon bon kiriń ạgukea?”

Johan 6:7

Philip do Jisui metadea, “Onko mimitʼ hoṛ jauḍicʼkateko ńamlere hõ bar sae Dinar reakʼ piṭhạte ohoko anṭaolena.”

Johan 12:21

Onko do Philip ṭhen hecʼkate nehõradeteko metadea, “E baba ale do Jisule ńelea.” Philip do Gạlil reakʼ Bethsaeda atoren hoṛe tahẽkana.

Johan 14:8

Philip do Jisui metadea, “E Probhu Isor, Baba baṛe udukʼaleme, inạge ale lạgitʼ ḍhera.”

Luk 18:37

Adoko lạiyadea, Nasaretren Jisu noa horteye paromokʼ kana.