Johan 1:33 - সান্তালী বাইবেল

³³ Uni do bạń oromakade tahẽkana, menkhan okoe dakʼte bạptisko lạgitʼe kol akadiń unigeye men akadińa, ‘okoe cetanre sonot Jiu pheḍ hijukʼkanem ńelea, unige sonot Jiuteye bạptispea.’

Santali Common Language New Testament

³³ Uni do bạń oromakade tahẽkana, menkhan okoe dakʼte bạptisko lạgitʼe kolakadiń unigeye men akadińa, ‘okoe cetanre sonot Jiu pheḍ hijukʼkanem ńelea, unige sonot Jiuteye bạptispea.’

Johan 1:33 Referans Kwoze

Aposkạmi 1:5

Johan do dakʼteye bạptisetʼko tahẽkana, menkhan thoṛa din khange ape do Babawakʼ ona gokʼakʼ lekate sonot Jiutepe bạptis ocokʼa.”

Luk 3:16

Unre Johan do sanamkoe metatʼkoa, “Iń do dakʼteń bạptisetʼpea, menkhan okoe iń khone daṛeange uni doe daraekana. Iń do uniyakʼ panahi reakʼ phitạ raṛaetae lek geń baṅkana. Uni do sonot Jiu ar seṅgelteye bạptispea.

Mathae 3:11

Monpe ạcurakatʼte dakʼteń bạptisetʼpea, menkhan iń tayomte okoeye daraekan uni do iń khon hõe maraṅgea. Iń do uniyakʼ panahi teweńtae lek hõń baṅkana. Uni do sonot Jiu ar seṅgelteye bạptispea.

Johan 3:34

Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

1 Korinthiko 12:13

Abon do baṅ dobon Jihudikan, baṅ dobon boṅgan hoṛ jạtrenkokan, baṅ dobon golamko kan, baṅ dobon sạdhinko kan, jotoge ini mitʼ sonot Jiu hotete bon bạptis akana; ar jotokoge ini sonot Jiuge bon ńam akadea.

Johan 3:5

Jisui menkeda, “Sạrigeń metamkana, dakʼ ar sonot Jiu khon bae janamlen khan okoe hõ Isorakʼ rajte ohoe bolo daṛelena.

Aposkạmi 2:4

Onate onko jotoge sonot Jiuteko perecʼena ar uni Jiue danatʼko daṛe leka eṭakʼ eṭakʼ pạrsite roroṛko ehopʼena.

Johan 1:31

Iń do bạń oromakade tahẽkana, menkhan uni do Israelko ṭhen jemone sodor ocokʼ onate iń do hecʼkate dakʼteń bạptisetʼpea.”

Johan 7:39

Noa do uni Jiu reaṅe roṛkeda, one okoe acʼre pạtiạukʼte sonot Jiuko ńame. Unre sonot Jiu do bae emakan tahẽkana, ente unhạbicʼ Jisu hõ bae ṭhonok ocoakan tahẽkana.

Johan 14:26

Uni sohotʼicʼ sonot Jiu one okoe do Baba iń ńutumteye kolape, unige sanamakʼkoe cetʼapea, ar okakoń lại akatʼpe onako joto doe disạ ocopea.