Johan 1:18 - সান্তালী বাইবেল

¹⁸ Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

Santali Common Language New Testament

¹⁸ Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

Johan 1:18 Referans Kwoze

Kolossiko lạgitʼ Pạul Apostolakʼ ciṭhi 1:15

Nui Hopon kangea bin ńelokʼ kan Isorren muṭhạntetʼ do. Ar unige sanamakʼ ạuri sirjạureye tahẽkana ar sanam sirjon cetanre unigeye mạlik kana.

Johan 6:46

Baba do okoe hõ bako ńel akadea, eken okoe Isor ṭhen khone hecʼakan unigeye ńelakadea.

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍae edekana, Hopon okoe ṭhen Baba sodoreye menjoṅkan unige uni doe baḍaeyea.

Luk 10:22

“Ińren Baba do ińakʼ tire sanamakʼe jimạ akada. Baba chaḍa okoe hõ bako baḍaea Hopon doe okoe kana, arhõ Hopon chaḍa okoe hõ bako baḍaea Baba doe okoe kana mente. Ona chaḍa Hopon okoe ṭhen Baba sodoreye menetʼkan eken unigeye baḍaea.”

1 Johan 4:12

Isor do okoege tishõ bako ńelakadea. Ar abo mimitʼko bon dupulạṛ khan, enḍekhan bon bujhạu daṛeakʼa, Isor do aboakʼ ontorre menaea ar uniyakʼ dulạṛ do aboakʼ ontorre purạteye kạmikana.

1Timothi 6:16

Isor do gujukʼ gobolren doe baṅkana. Uni do nonkan marsalreye tahenkana one okare okoe manwage bako sen daṛeakʼ. Ar okoe manwa hõ uni do tisge bako ńelakadea ar bako ńel daṛeaea; uniyakʼge man ar jaejug daṛe do. Amen.

1 Johan 4:9

Abo lạgitʼ Isorakʼ dulạṛ do nonkate sodor akana, uni do acʼren eskar janam Hopon noa dhạrtiteye kolkedea jemon uni hotete jion bon ńam.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

1 Johan 4:20

Jãhãege Isore dulạṛ edekana menteye menetʼkan, menkhan acʼren boehae kurudae, enḍekhan uni doe eṛeyicʼ kana; ente mẽtʼte ńelakade boeha okoe bae dulạṛede enḍekhan uni do cekate baṅ ńelakade Isor doe dulạṛ daṛekea?

Johan 17:26

Iń do onko ṭheniń sodor akatʼmere hõ arhõń sodormea, jemon cetʼ lekam dulạṛ edeńkan onkan dulạṛ onkoakʼ ontorre tahentako ar iń do jemon onko tulucʼ mitʼ akaniń tahen.

Johan 17:6

“Dhạrtirenko mod khon okoekom emakawạdiń onko ṭhen amiń sodor akatʼmea. Onko do amrengeko tahẽkana, ar am do ińem emakawạdińa. Onko do amakʼ kathako batao akada.

Johan 14:9

Jisu do uniye metadea, “E Philip, nunạkʼ din ape tulucʼ minạńa, enrehõ cetʼ bape baḍae akadińạ? Okoe ińe ńelakadiń uni do Baba hõe ńelakadea. Am do cekatem meneda, ‘Baba baṛe udukʼaleme?’

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Dosar Biboron 4:12

Unre seṅgel tala khon Probhu Isor do ape ṭhen kathae roṛleda. Ar ape do uniyakʼ kathape ańjomkeda menkhan uniyakʼ mẽtʼãhã do bape ńelńamleda, eken uniyakʼ aṛaṅ motogepe ańjomleda.

Numeri 12:8

Iń do uni tulucʼ samna sạmni kathań roṛeda, jãhãn kukmũ talate do baṅ. Probhu Isor oka lekae ńel ocokʼ uni do onkae ńeleńkana. Inạ tayom hõ ińren golam Mose upạrte katha roroṛ do baben botorlena?”

Johan 12:41

Jesaea do Jisuakʼ ṭhonoke ńelletʼte uni reaṅ noa kathae roṛleda.

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

Exodus 23:21

Ape do uniyakʼ kathape ańjoma ar uniyakʼpe manaotaea. Uni upạrte mon alope haṛhatʼ ocoytapea. Apeakʼ hul do bae ikạitapea, ente iń do unirege minạńa.

Genesis 16:13

Noa katha ańjomkate Hagar do mon monteye menkeda, “Iń do cetʼ sạrige uniń ńelkedea one uniyakʼ mẽtʼãhã samaṅre minạń?” Hagar sãote okoeye roroṛkan tahẽkan, uni Probhu lạgitʼge Hagar do unreye menkeda, “Am dom Isor kana, iń do am samaṅre minạńa.”

Josuạ 5:13

Jerikho sorko seṭeren khan Josuạ do bocʼ tarwaṛe tire menakʼtae mitʼṭecʼ hoṛ acʼ samaṅre teṅgo akane ńelkedea. Unre Josuạ do uni ṭhen sorenteye kulikedea, “Am do okoe secʼren kanam aleren, se bạiriko secʼren?”

Rak̕joṅ 2:12

Onko do akoren eṅgatko rakʼ rakʼteko metako kana, “Piṭhạ ar darkha rasa do okare menakʼa?” Nagraha reakʼ kulhikore ghạl akan hoṛ lekako lorao giticʼ akana eṅgatakʼ hoborre onkoakʼ jiwi do oḍokokʼ kantakoa.

Jesaea 40:11

Uni do gukʼpiko leka acʼren bhiḍikoe gupikoa, bhiḍi hoponkoe hobor samṭaokoa ar hoborkateye idikoa, hopon menakʼkotako eṅga do bại bạiteye sotokʼ idikoa.

Kạhtukko 8:30

unre ińge kạrigol lekate uni aṛereń tahẽkana. Dinke din iń do kusiteń perecʼente uni samaṅre jao ghạṛicʼ iń rạskạkʼkan tahẽkana;

Genesis 18:33

Abraham sãote katha roṛ mucạtʼkate Probhu Isor do onḍe khone calaoena ar Abraham hõ acʼakʼ oṛakʼteye ruạṛ calaoena.

Johan 13:23

Onko modren Jisu okoeye dulạṛede tahẽkan uni do Jisuakʼ koṛam pheḍreye ṭenḍar akan tahẽkana.

Johan 3:11

Sạrigeń metamkana, ale okale baḍae akatʼ onagele roṛeda ar okale ńelakatʼ ona reaṅge gohale emeda, menkhan ape do aleakʼ goha bape luturakʼ kana.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiyakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.