Joel 2:9 - সান্তালী বাইবেল

⁹ Onko do nagraha cetanre jhãpko ema, ar pạcri cetanteko ńir baṛaea; onko do oṛakʼ-duạrteko dejokʼa, ar kombṛo leka jalna secʼteko bolokʼa.

Joel 2:9 Referans Kwoze

Jirimiạ 9:21

Gujukʼ do aboakʼ jalna secʼte aboakʼ gaṛkore boloakana; ona do kulhi khon gidrạko ar dobạṭiạ khon juạnkoe marao utạr akatʼkoa.

Johan 10:1

“Sạrigeń metape kana, jãhãege bhiḍi khạṛ reakʼ duạrte baṅ bolokate eṭakʼ secʼteye bolokʼ uni do kombṛo are ḍạku kana.

Exodus 10:6

Ona tayom am ar amren sanam kạmiyạko ar eṭakʼ sanam Misrikoakʼ oṛakʼ-duạr do onko pohokote perejokʼa. Noa disạmte hecʼ tayom amren baba-haṛam ar onkoren hapṛamko hõ nonka do tishõ bako ńelakada.’ ” Ar noa katha roṛ tayom Mose doe ạcurente Pharao ṭhen khone calaoena.

Joel 2:8

Onko do apan ạpin cetanre bako lade ghugukʼkana; onko mimitʼko do samaṅ secʼko laha idikʼkana. Cetʼtege bako akoṭokʼkana onko do sạr sạrtegeko laha idikʼkana.

Exodus 10:14

Noate goṭa Misor disạm cetanre alekha pohoko do hecʼkateko apʼena. Ar noa lahare nunạkʼ poho do ar tishõ bako ńelakan tahẽkana, ar tishõ bako ńelokʼa.