Joel 2:19 - সান্তালী বাইবেল

¹⁹ Probhu Isor do onkoakʼ katha reakʼe roṛ ruạṛakoteye mena, “Iń do ape ṭhen nãwã darkha rasa, sunum, ar phosolkoń kola, onatepe tirpitokʼa; ar jạt jạtrenko ṭhen ar tishõ landa dhutʼanko do bạń hoyocopea.

Joel 2:19 Referans Kwoze

Jeheskel 34:29

Iń do upjạuakʼ ot baṛgekoń emakoa; disạm talare onko do akalre ar bako paṛaokʼa ar eṭakʼ jạtrenko ṭhen hõ bako henosta ocokʼa.

Jeheskel 36:15

Jạt jạtrenkoakʼ landa dhutʼicʼ do ar bạń hoyocomea ar onkoakʼ henosta hõ ar bam ańjoma. Am khạtirte amren hoṛko do ar bako tohodokʼa. Iń Probhu Isorge noa katha doń meneda.’ ”

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Joel 2:24

Khạrại do phosolkote perejokʼtapea; bhajan khon darkha rasa ar sunum do se oḍokokʼa.

Jirimiạ 31:12

Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.

Joel 1:10

Sanam khetko do nosṭo akana, ot doe homoretʼkana, ente phosol do nosṭo caba akana, nãwã darkha rasa ańjetʼakana ar sunum hõ caba hijukʼkana.

Hosea 2:15

Onḍe iń do uniyakʼ darkha bagwaniń ruạṛkataea ar Akhor reakʼ buru nala do as reakʼ duạriń hoeocoyea. Uniyakʼ juạn oktere leka uni do onḍeye sereńa cetʼleka uni do Misor khon oḍok hijukʼ dinreye sereńletʼ tahẽkan.

Jeheskel 39:29

Onko ṭhen khon ińakʼ mẽtʼãhã do ar bạń betʼ esetʼkakʼa, ente Israelko cetanre iń do ińren Jiu iń dulea. Iń Probhu Isorge noa katha doń menetʼkana.”

Levitikus 26:5

Unre apeakʼ guhum enokʼ reakʼ din do darkha jo god hạbicʼ hoyokʼtapea ar darkha jo god do erokʼ din hạbicʼ hoyokʼtapea. Unre ape do lacʼ bikʼpe joma ar disạmre khạtirjomape tahena.

Hosea 2:21

“Iń Probhu Isorgeń meneda, enhilokʼ amakʼ iń ańjomtama. Iń do sermań hukumaea; ar serma do dhạrtire dakʼe ema:

Hosea 2:22

ar dhạrti do phosol, nãwã darkha rasa ar sunume emaea, ar onko hotete Jisreyel, metakʼme Israel do ińakʼ monejoṅakʼe bujhạua.

Dosar Biboron 11:14

Arpe onkae khan Probhu Isor do okte nạpitre, apeakʼ disạmre dakʼe kola ar onate ḍher anaj, darkha jo ar sunumpe ńama.

Rut reakʼ kạhini 1:6

Naomi do Moab disạmre tahẽkanregeye ańjomkeda, Probhu Isor do acʼren hoṛkoe disạ akatʼkoa ar jomakʼ reakʼe bebosta akatʼkoa. Onate uni do acʼren banar kimintetʼ soṅgekate Moab disạm khon ruạṛ hijukʼ lạgitʼe sapṛaoena.

Jeheskel 36:29

Iń do apeakʼ sanam besaphawakʼ khoniń rukhiyạpea. Ar aema phosolkoń emapea ar apeakʼ disạmre akal do ar bạń kola.

Jeheskel 36:30

Iń do dare reakʼ jo ar khet reakʼ phosolkoń baḍhao ocoytapea jemon akal khạtirte jạtrenko talare alope bemanot ocokʼ.

Sakariạ 8:12

Ńitokʼ do itạ khon dare do mońjtege harakʼa, ar darkha nạ̃ṛĩre jo sabokʼa, khetre phosol janamokʼa ar noko jạtren jiwetʼ tahen hoṛko do iń emakʼ ạidạri lekate jotowakʼko ńama.