Joel 2:13 - সান্তালী বাইবেল

¹³ Apeakʼ kicricʼ do baṅ menkhan ontor oṛejtape. Aperen Probhu Isor ṭhen ruạṛ hijukʼpe, ente uni do daya ar mãyãteye perecʼgea; uni do bae edre hodokʼa, uniyakʼ daya do asambheṛgetaea ar bạṛicʼakʼko iạteye kastaokʼkana.

Joel 2:13 Referans Kwoze

Sereńko 86:15

Menkhan E Probhu Isor, am do mãyãte perecʼ dayayicʼ Isor kanam; am do usạrate bam edre hodokʼa, amakʼ asambheṛ dulạṛ ar pạtiạrtetʼ reakʼ mucạtʼtetʼ do bạnukʼa.

Sereńko 34:18

Okoeyakʼ mon rạputʼ akantako Probhu Isor do onko ṭhengeye tahena; okoeyakʼ ontor talga tạwạkʼ akan onko doe bańcaokoa.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Mikạ 7:18

Am lekan Isor do ar celehõ bạnuiya okoe do jiwetʼ tahen hoṛkoakʼ kại ar behokakʼe ikạyetʼtako. Am do jaejug edre bam sapʼ dohoya bickom amakʼ asambheṛ dulạṛem udugte rạskạm bujhạueda.

Sereńko 86:5

E Probhu Isor, am do bhạlạiyicʼ arem dayayicʼ kana; ar okoe amko hohoam onkore do dayatem perecʼgea.

Sereńko 103:8

Probhu Isor do daya are mãyãwạnicʼ kana; uni do usạrate bae edre hodokʼa, uniyakʼ daya do asambheṛgetaea.

Jona 4:2

Uni do Probhu Isor ṭhen koekateye menkeda, “E Probhu Isor, iń do disạmre tahenregeń baḍaekan tahẽkana, nonka hoyokʼa mente. Ona iạtege iń do pạhilre Tạrsisteń ńir pharakokʼ kan tahẽkana. Ińiń baḍaekan tahẽkana, am do daya ar mãyãwan Isor kanam, ar ạḍi anecʼ edrekʼicʼ ar dayate kisạ̃ṛicʼge, ar bạkʼṛicʼ khon dom kastaokʼkana.

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

2 Samuel 1:11

Niạ katha ańjomkate Dạud ar uni sãoten hoṛko do akoakʼ kicricʼko oṛecʼketʼtakoa.

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

Sereńko 51:17

Kaca kucạ ontorge Isorakʼ ataṅokʼakʼ dãṛẽ do; E Isor, nicạṛ ar mạ̃hir ontor do alom nihạ̃ttińạ.

Ephesiko lạgitʼ Pạul Apostolakʼ ciṭhi 2:4

Menkhan Isor do mãyãteye perecʼgea; uni do ạḍiye dulạṛetʼ bona.

Sereńko 106:45

Onko lạgitʼ acʼe dohoakatʼ bondobos reakʼ kathae disạkeda; ar acʼakʼ asambheṛ dulạṛ lekate onkoreye mãyãyena.

Jobakʼ 1:20

Niạ katha ańjomkate Job doe beretʼente mon reakʼ kosṭote kicricʼe oṛecʼkeda are munḍrạyena. Ona tayom otre ombakʼkate Isor sewawadeteye menkeda,

Numeri 14:18

‘Probhu Isor do ạḍi anecʼ edrekʼicʼ ar dayateye kisạ̃ṛgea uni do behok ar hul ikʼkạyicʼ kanae menkhan dusiyicʼ doe sạjạiyea; ar apatkoakʼ kại do hoponko ṭhen pe pon piṛhi hạbicʼe pańja halayetʼkana.’

Nehemiạ 9:17

Onko do am tabere tahen do bako aṅgocleda, ar okako hahaṛa kạmi onko talarem kạmiletʼ ona hõ bako disạ doholeda. Onko do hoṭokʼko keṭecʼketʼtakoa ar golam leka Misorte arhõ ruạṛ calakʼ lạgitʼ mitʼṭen mukhiyạko bahalkedea. Menkhan am do ikạyicʼ Isor kanam, am do daya ar mãyãtem perecʼgea; am do thoṛategem tirpitokʼ kana ar amakʼ dulạṛ do asambheṛgea. Onate onko do bam bạgi giḍiakatʼkoa.

1Timothi 4:8

Hoṛmo bhańjaore porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.

Nạhum 1:3

Probhu Isor do usạrate bae edrekʼa ar daṛete hõe maraṅgea. Uni do begor sạjạite bae aṛakʼa. Uniyakʼ hor do birbão ar hoere tahenkana, ar rimil do uniyakʼ jaṅga reakʼ dhuṛikana.

Jeheskel 9:4

Uni doe metadea, “Am do Jerusalem nagraha talate parom calakʼme ar ona talare okako bạṛicʼakʼ kạmi hoyakan ar ona iạte okoeko kũhrạuetʼkan onkoakʼ moloṅre mitʼṭecʼ cinhạ emakom.”

2 Rapajko 6:30

Maejiuakʼ katha ańjomte raj do acʼakʼ kicricʼe oṛecʼketʼtaea. Uni do unrehõ pạcri cetanreye tahẽkana. Onate hoṛkoko ńelkeda, uniyakʼ horokʼakʼ latarre do gõṛẽ kicricʼteye bande akana.

2 Rapajko 5:7

Unre Israelren raj do ciṭhi paṛhaokate ona or cirạketʼteye menkeda, “Iń do cetʼ Isor kạnạń? Iń do cetʼ gocʼkate arhõ jiwiń em ruạṛ daṛeakʼa? Murhucʼ jom rog khon bogekʼ lạgitʼ cedakʼ uni do iń ṭhen nui hoṛe kolkedea? Ńelpe, uni do iń sãote lạṛhại lạgitʼ susiye ńam bakʼṛakana.”

1 Rapajko 21:27

Ahab do Probhu Isorakʼ katha ańjomkate acʼakʼ kicricʼe oṛecʼketʼtaea ar gõṛẽ kicricʼe horokʼketʼte upạse ehopʼena. Uni do gõṛẽ kicricʼ horokʼ kategeye giticʼkokʼ kan tahẽkana ar mạ̃hir monteye dãṛã baṛaekan tahẽkana.

Genesis 37:34

Jakob do acʼakʼ kicricʼe oṛecʼketʼa ar ḍanḍare gõṛẽ kicricʼe horokʼketʼte ḍher din hạbicʼ hopontetʼ lạgitʼte homor halaṅkeda.

Genesis 37:29

Tayomte Ruben do ona kuń ṭhen senkate Joseph bae ńel ńamledete dukte uniyakʼ kicricʼ oṛecʼkate boehako ṭhen senkateye menkeda, “Joseph do onḍe bạnuea. Iń do ńitokʼ cetʼ iń cekaea?”

Jesaea 58:5

Iń do cetʼ nonkanakʼ upạs iń khojkana? Apeakʼ upạs do eken apnartetʼ kosṭokʼ; ar pạṭiol leka bohokʼ kuḍbur akatʼ, ar gõṛẽ kicricʼ ar torocʼre giticʼ akan leka kana. Ape do cetʼ noage upạs ar Probhu Isore bạsutakʼ dinpe metakʼkana?

2 Rapajko 22:11

Ạn-ạri reakʼ puthire oka ol tahẽkan ona ańjomte raj do acʼakʼ kicricʼe oṛecʼketʼtaea.

Jirimiạ 42:10

‘disạmrepe tahẽlen khan doń benao rakapʼ pea, ar bạń rạputʼ giḍipea; iń doń rohoepea, ar bạń totʼ giḍikapea, ente ape cetanre oka muhiniń ạguakatʼ ona iạte iń do monre dukiń ńamakada.

Hosea 14:1

E Israelren hoṛko, aperen Probhu Isor ṭhen ruạṛ hijukʼpe. Apeakʼ kại iạtege ape dope ńur akana.

2 Bõsbudạ 6:27

enḍekhan am do serma khon ona ańjomtakome ar amren gutiko, metatʼme amren hoṛ Israelkoakʼ kại ikạ katakom. Ar jionre ṭhik leka calakʼ cetʼakome ar somppoti lekate okaṭakʼ disạmem emakawatʼko ona disạm cetanre dakʼ ńur ocoyme.

Jirimiạ 36:7

Pasecʼ onko do Probhu Isor ṭhenko koejoṅa ar akoakʼ bạṛicʼ hor khonko ruạṛ hijukʼa, ente noko hoṛko birudrege Probhu Isor do edre ar khĩs reakʼ kathae roṛakada.”

Jona 3:9

Okoe baḍaea hoedaṛeakʼa Isor do moneye ạcurtaete jaljalaokʼkan edre khone ruạṛkange jemon alo bon marao utạrokʼ.”