Joel 1:7 - সান্তালী বাইবেল

⁷ Onko do ińakʼ darkha nạ̃ṛĩko nosṭo akada ar loa dare reakʼ ḍạr hõko rạputʼ akada. Ar ona reakʼ chal chaḍaokateko giḍiakada; onate ḍạrko do ponḍ akana.

Joel 1:7 Referans Kwoze

Amos 4:9

Ạḍi dhao apeakʼ bagwan ar darkha bagwanko jhãoraokʼteń ńẽtʼketʼa ariń ujạṛketʼtapea. Apeakʼ loa dare ar jạitun dareko do pohoko jomkeda; enhõ ape do iń ṭhen bape ruạṛ hecʼlena.

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

Joel 1:12

Darkha nạ̃ṛĩ do rohoṛ akana ar loa dare hõ gujukʼkana; ḍạlim dare, khijur dare, apel dare ar khet baṛge reakʼ joto dareko do rohoṛakana. Ar hoṛko tala khon rạskạ hõ caba akana.

Habakkuk 3:17

Loa darere baṅ bahakʼre hõ ar darkha nạ̃ṛĩre darkha jo baṅ jolenre hõ, jạitun darere jãhãn jo baṅ saplenre hõ ar khetre jãhãn phosol baṅ hoylenre hõ, bhiḍikoakʼ khạṛre bhiḍiko bako tahẽlenre hõ ar goṛare kaḍa bitkil bako tahẽlenre hõ,

Hosea 2:12

Oka darkha nạ̃ṛĩ ar loa dare reaṅe roṛakatʼ baṅma, acʼakʼ kuṛại iạtege acʼren dulạṛiạkoko em akawadea, ona doń nosṭoetaea; ar onako do bir gajaṛ iń hoeocoya ar bir janwarko do onako joma.

Jirimiạ 8:13

Probhu Isore meneda, “Iń do onkoń maraokoa. Darkha nạ̃ṛĩre jãhãn joge baṅ tahena, loa darere loa hõ baṅ tahena ar onako reakʼ sakam do tolmojokʼa. Ar okań em akawatʼko ona hõ onko khon sahaṛ akan tahena.”

Jesaea 24:7

Nãwã darkha rasa do baṅ tahena ar darkha nạ̃ṛĩ hõ hińjrạukʼa; ar okoeko hulạsokʼkan tahẽkan onko do jotoge duk iạteko kuhrạukʼa.

Sereńko 105:33

Onkoakʼ darkha nạ̃ṛĩ ar loa dare doe maraoketʼtakoa ar disạm reakʼ sanam darekoe rạputʼ giḍikada.

Exodus 10:15

Nonkate onkote goṭa disạm do chạplạu esetʼena ar ot do hendege ńelena. Ar ṭạnḍiko reakʼ sanam hạriạ̃ṛakʼko ar dare reakʼ okako jo do arel khon sahaṛ akan tahẽkan onako joto do onko pohoko jomkeda. Goṭa Misorre hạriạ̃ṛ dareko do ar cetʼge baṅ tahẽlena.

Exodus 10:14

Noate goṭa Misor disạm cetanre alekha pohoko do hecʼkateko apʼena. Ar noa lahare nunạkʼ poho do ar tishõ bako ńelakan tahẽkana, ar tishõ bako ńelokʼa.

Jesaea 32:12

Bhage bhage khet baṛge ar jote perecʼ darkha nạ̃ṛĩ lạgitʼ apeakʼ koṛam ceṭagtape.

Malaki 3:11

Iń do jojom ukʼjạṛkan tejokoń tạkicʼ daramkoa jemon apeakʼ phosol aloko jomtape; ona chaḍa apeakʼ ot baṛge reakʼ darkha jo hõ baṅ jhurokʼtapea.