Jobakʼ 9:5 - সান্তালী বাইবেল

⁵ Uni do ackage buru-boṭkocʼkoe ocoga, edrete onakoe marao utạra;

Jobakʼ 9:5 Referans Kwoze

Luk 21:11

Ạḍi ãṭ dhạrti laṛao hoyokʼa ar jaega jaegakore akal ar mahamạriko hoyokʼa. Ona chaḍa sermare nonkan ghoṭnako hoyokʼa ar cinhạko ńelokʼa, oka do ạḍi botorge.

Mathae 27:51

Unre mundil reakʼ orwal do coṭ khon pheḍ hạbicʼ oṛecʼente bar hạṭińena; ar dhạrti do dal dalaoena ar lạṭu lạṭu dhiriko paṛakʼena.

Johan sodor 11:13

Unre ạḍi botor dhạrti laṛaoena ar ona nagraha reakʼ gel hạṭiń reakʼ mitʼ hạṭiń do rạputʼ ńurena. Ar ona dhạrti laṛaore eae hajar hoṛko gocʼena. Onate sarecʼko sanamge botor caṛhaoatʼkote sermaren Isorko sarhaokedea.

Habakkuk 3:10

Buru-ḍuṅgriko do am ńelteko dal dalaokʼkana. Ar dakʼ do botorge ạtukʼkana; athantar dakʼ do acʼakʼ aṛaṅe ańjom ocoyeda, ar ḍheoko do cetanreye rakapʼ ocoyeda.

Johan sodor 6:14

Guṛhạ dohoakan kagoc lekage serma do guṛhạyena; ar buru ar dipko do apan ạpin jaega khon ocokʼena.

Mathae 21:21

Jisui roṛ ruạṛatʼkoa, “Sạrigeń metapekana, biswạs tahentape ar bape digdhạkʼ enḍekhan loa darere okań cekaketʼ ape hõ onape daṛeakʼa. Eken ona do baṅ, menkhan noa buru hõpe metakʼ, ‘uṭhạukʼte jalapurire khadlekʼme,’ enḍekhan ona hõ hoyokʼgea.

1 Korinthiko 13:2

Nạbi leka roṛ reakʼ ektiạri tahentiń, ar sanam okoakʼ iń baḍae daṛeakʼ ar joto lekan akel tahentiń, se buruko ucạṛ daṛeakʼ leka purạ biswạs tahentiń, menkhan dulạṛ bạnukʼtiń khan, cetʼ porho hõ bạnukʼtińạ.

Sakariạ 4:7

E maraṅ utạrakʼ buru, am dom okoekana? Serubabel samaṅre am do ot lekagem hoyokʼa. Koejoṅ oṛakʼ reakʼ mucạtʼ dhiri bạisạu jokhecʼ hoṛ do hohokateko mena, ạḍi mońjge hoyakana.’ ”

Habakkuk 3:6

Uni do teṅgokate dhạrtiye daldalaoeda; ar beṅgetʼte jạt jạtrenkoe thar tharao ocoyetʼkoa. Sedae reakʼ buru-ḍuṅgriko do rạpudokʼkana ar sedae jug reakʼ buruko do rạputʼ ńurokʼkana. Jug hilokʼ khon uniyakʼ hor reakʼ jãhãn bodolge bạnukʼtaea.

Jesaea 40:12

Okoe dakʼko do acʼakʼ loṭteye soṅakada ar sermako do okoe acʼakʼ bitạteye jokha akada? Dhạrti reakʼ dhuṛi do ạṛire okoeye sahopʼ ocoakada ar buru ar ḍuṅgriko hõ okoe tulạteye tulạ akada?

Sereńko 114:6

E usul buruko, cedakʼ ape do bhiḍiko leka don baṛaepe ehopʼena? E huḍiń buruko, ape hõ cedakʼ bhiḍi hoponko lekape don baṛae kana.

Sereńko 68:8

unre dhạrti do daldalao lena ar serma do dakʼe emlena. Noako do hoylena Isor samaṅre, Sinạiren uni Isor samaṅrege, Isor samaṅre, Israelkoren Isor samaṅre.

Sereńko 46:2

Dhạrti dal dalaolenre hõ, buruko jalapurire dasao ńurlenre hõ, ona reakʼ dakʼko se rakapʼkate photolenre hõ ar ḍheoko reakʼ tạpiste buruko dal dalaolenre hõ, enhõ abo do oho bon botorlena.

Jobakʼ 28:9

Ona kạṭhin dhirirege manwa do tiye capoyeda ar buru reakʼ rehetʼ khongeye layeda.

Jobakʼ 26:6

Isor samaṅre Sheol do oṭakʼgea; Abadonakʼ hõ dapalokʼ reakʼ do bạnukʼa.

Jobakʼ 34:25

Uni do onkoakʼ kạmi reakʼ hisạbkoe dohoyetʼte ńindạ jokhecʼgeye maraoetʼkoa ar onko doko dhaṅ dhaser utạrokʼkana.

Jobakʼ 41:11

Iń upạrte do okoeyakʼ dạbiteakʼ menakʼtaea, jemoniń em ruạṛkatae? Serma latarre menakʼakʼ jotowakʼge coṅ ińakʼ kan.

Jobakʼ 40:11

Amakʼ botoranakʼ edre baṛe bumbhạu oḍokme; ar mitʼke mitʼ bạḍại hoṛ beṅgetʼ pheḍakome ar kiṛdhum ocokome.

Nạhum 1:5

Maraṅ maraṅ buruko do uni samaṅre dal dalaokʼ kana ar huḍiń buruko do galaokʼkana. Uniyakʼ hạjirokʼre dhạrti ar onare tahen kan jotogeko thar tharokʼkana.

Nạhum 1:6

Uniyakʼ raṅgao samaṅre do okoeye ṭikạu tahẽdaṛekokʼa? Ar uniyakʼ botoranakʼ edre do okoeye sahao daṛeketaea? Uniyakʼ edre do seṅgel leka jolokʼkana; ar uni samaṅre lạṭu lạṭu dhiriko do gejerokʼ kana.