Jobakʼ 9:26 - সান্তালী বাইবেল

²⁶ Pạṭiol reakʼ lạukạ leka ona do sohor calakʼ kana; ona do pajhaṛ leka ạphir calakʼ kana.

Jobakʼ 9:26 Referans Kwoze

Habakkuk 1:8

Onkoren sadomko do hunḍạr khon hõ usạrateko calakʼa, ar ạyupʼ jokhecʼ do hunḍạr khon hõko botorangea. Onkoren aswariko do sạṅgiń khon tạpisteko hijukʼa; ar onko do jojom lạgitʼ pajhạṛ lekako ạphir hijukʼkana.

Jesaea 18:2

Ona disạm do dakʼ cetante pạṭiolte benaoakʼ lạukạte pathaonakoe koletʼkoa. E coṭkar paṭhaonako, okoe jạtren hoṛko doko usulge arko cĩkạ̃ṛge ar boṅgan jạtrenkanko, ar okoe jạtrenko do sor ar sạṅgińren hoṛko botorako, ar okoe daṛean jạtrenko do eṭakʼkoko lebetʼ gasmanḍaoetʼko ar okoekoakʼ disạm do gaḍa ar soḍokʼkote hạṭińge, ape do onko ṭhen ruạṛ calakʼpe.

Rak̕joṅ 4:19

Abo okoeko lagayetʼ bon tahẽkan onko do pajhaṛ khon hõ coṭkargeko tahẽkana; onko do burukoreko laga baṛayetʼ bon tahẽkana ar hahaṅkarre abo lạgitʼko tãṛãkʼkokʼ kan tahẽkana.

Jirimiạ 4:13

Ńelpe, uni do rimilko lekae oṭaṅ hijukʼkana. Uniyakʼ rãt gạḍiko do bharḍo leka hijukʼkana ar uniren sadomko do pajhaṛ cẽṛẽ khon hõko coṭkargea. Hae, hae, abo do bon jarkharena!

Kạhtukko 23:5

Dhon secʼ amakʼ mẽtʼ calaolen khange ona do cabakʼa, ente ona reakʼ phạ̃kṛạ̃kʼko do janamokʼa ar pajhaṛ leka coṭ secʼe uḍạukʼa.

2 Samuel 1:23

Jiwetʼ tahenre Sạul ar Jonathan do dulạṛiạ ar bhage hoṛkin tahẽkana; unkin do gujukʼre hõ bạkin begarlena. Unkinakʼ tạpis do pajhaṛ cẽṛẽ khon hõ tạpisge, ar daṛe do dhạcri kul khon hõ bạ̃ṛtige tahẽkana.

Dosar Biboron 28:49

“Probhu Isor do sạṅgiń khon, dhạrti reakʼ ses simạna khon nonkan mitʼ jạtrenko ape upạrteye ạgukoa one onkoakʼ pạrsi bape bujhạutako. Onko jạtrenko do pajhaṛ cẽṛẽ leka ape cetanre sã menteye uḍạu ạgukoa.