Jobakʼ 9:25 - সান্তালী বাইবেল

²⁵ “Dạdạṛicʼ khon hõ ińakʼ dinko do usạra paromokʼ kana; ona do uḍạu paromokʼ kana, ar bhạlại do bạń ńameda.

Jobakʼ 9:25 Referans Kwoze

Jakob 4:14

Menkhan gapa cetʼ hoyokʼa ona do bape baḍaea. Apeakʼ jionge baṅ cetʼ kan? Kuṛhạkan cope, one oka do thoṛa ghạṛicʼ ńelokʼkan ar ona tayom do chanokʼkan.

Sereńko 89:47

Hudisme ińakʼ jion do tinạkʼ huḍińgea; ar cetʼ ạuṛiyakʼ lạgitʼ manwa dom benao akatʼkoa?

Sereńko 39:11

Kại iạte tinre manwako keṭecʼ kathatem ḍanṭaoetʼkoa, unre jạrdi leka onkoakʼ saj dom nosṭoyetʼtakoa; ente manwa do ekenko michạgea. (Sela)

Sereńko 39:5

Am do ińakʼ dinko bar muṭ ganem doho akatʼtińạ. Amakʼ mẽtʼre ińakʼ jion do cetʼhõ baṅkana. Sạrige michạgeako mitʼke mitʼ manwa do jãhãtinạkʼgeye teṅgo uricʼ akanre hõ. (Sela)

Ester 8:14

Rajren khacaṛ sadomkore decʼkate sombat asenko do usạrate rajakʼ hukumanteko oḍokena. Ar Susan gaṛre hõ ona hukum do lại jạhirena.

2 Bõsbudạ 30:6

Rajakʼ hukumte raj ar uniren gutiko ṭhen khon ciṭhi hataokate hoṛko do Israel ar Jihudạ reakʼ sanam jaegakote senkate niạko lại sodorkeda, “E Israelko, ape do Abraham, Isahak ar Israelren Probhu Isor ṭhen ruạṛ hijukʼpe, onate okoe do Ạsur rajakʼ ti khonko rukhiyạlen onko ṭhen, metakʼme ape ṭhen uni hõe ruạṛ hijukʼa.

Sereńko 4:6

Ḍher hoṛko mena, “Bhageakʼ do okoeye ńel oco daṛeabona?” E Probhu Isor, amakʼ daya reakʼ mẽtʼãhã do ale cetanre marsal leka baṛe rakapʼ aleme.

Jobakʼ 14:1

Maejiuakʼ kukhireye janam akan manwa do thoṛa din lạgitʼ kanae, uni do jalateye perecʼgea.