Jobakʼ 9:16 - সান্তালী বাইবেল

¹⁶ Ińiń hohoaere ińakʼe ańjomtińlere hõ enhõ ińakʼ kathae ańjoma mente, iń do bạń pạtiạukʼa.

Jobakʼ 9:16 Referans Kwoze

Luk 24:41

Menkhan nunạkʼko rạskạyena arko hahaṛayena je, onko do pạtiạu hõ bako pạtiạu daṛeakʼkan tahẽkana. Unre Jisui kuliketʼkoa, “Nonḍe jãhãn jomakʼ menakʼtapea?”

Sereńko 126:1

Probhu Isor do tinre lahate leka Sione pherao ruạṛkeda, unre kukmũ ńelketʼ leka bon bujhạukeda.

Sereńko 18:6

Iń do muhinre ińren Probhu Isoriń hohowadea ar goṛo ńam lạgitʼ uni ṭheniń rakʼkeda. Acʼakʼ tahen ṭhạ̃i khon uni do ińakʼ aṛaṅe ańjomketʼtińạ; ińakʼ rakʼjoṅ do uniyakʼ luturre seṭerena.

Jobakʼ 29:24

Hoṛko secʼ beṅgetʼkateń landa lekan onko doko hahaṛakʼkan tahẽkana; ar ińakʼ landare onko do bhorsako ạikạuetʼ tahẽkana.

Bikʼcạrko 6:13

Gideone menkeda, “Menkhan E ińren Probhu Isor, am ale sãote menam khan enḍekhan ale cetanre noako do cedakʼ hoyokʼkana? Ar okayena uniyakʼ ona hahaṛa kạmiko one uniyakʼ katha aleren hapṛamko ṭhen khonle ańjomakatʼ, Probhu Isorge Misor disạm khone oḍok ạguletʼkoa mente? Menkhan ńitokʼ uni do aleye dea giḍiakatʼlea ar Midiạnrenkoakʼ tireye jimạ akatʼlea.

Exodus 6:9

Mose do senkate noako katha Israelkoe baḍae ocoketʼkoa, menkhan onko do kumãyã talate golam khaṭao khaṭaoteko laṅga caba akan tahẽkante Moseyakʼ katha do bako luturada.

Jobakʼ 9:15

Apnarte dhoromicʼ iń hudisokʼ kanre hõ bạń roṛ ruạṛ daṛeae kana; ińren bikʼcạricʼ ṭhen eken daya reakʼgeń koea.

Jobakʼ 9:17

Uni do birbãoteye gejer lạhutʼkedeńạ ar ạuṛiyakʼte uni doe dal ghaoeń kana.

Jobakʼ 13:22

Ona tayom hohoạńme, ar iń doń goṅ ruạṛa, ar baṅkhan ińge roṛ ocoạńme ar am do ona reakʼ roṛ ruạṛạńme.