Jobakʼ 8:22 - সান্তালী বাইবেল

²² Okoe ińko hirkhạwạń onko doko lajao ocokʼa; bạṛicʼkoakʼ tạmbu do ar baṅ tahena.”

Jobakʼ 8:22 Referans Kwoze

Sereńko 132:18

Ar uniren bạiriko do lajao reakʼ kicricʼ iń horokʼ ocokoa, menkhan uniyakʼ bohokʼre do jhak jhakaokʼ kan mukuṭ tahena.”

Sereńko 109:29

Iń upạrtenko do opomanko horokʼjoṅ ma, ar lajao do aṅgrop lekako oyokokʼma.

Sereńko 35:26

Ińakʼ muhin ńelte okoeko rạskạkʼ kan onko sanamge lajao arko opomanokʼma; okoe iń cetante apnarko udugokʼkan onko do lajao ar opomanreko ńurokʼma.

Jobakʼ 18:14

Uniye bhorsakʼkan tạmbu khon do or totʼkateye giḍi ocokʼa; ar torasren rapaj ṭhene idi ocokʼa.

Jobakʼ 8:18

Menkhan tinre uniyakʼ ṭhạ̃i khone totʼ giḍi ocokʼa unre ona ṭhạ̃i do uni bae aṅgoceteye mena, ‘iń do tisge bạń ńelakatʼmea.’

Jobakʼ 7:21

Am do cedakʼ ińakʼ dos ar kại bam ikạyetʼtińạ? Iń ma usạrage coṅ dhuṛire gitijokʼ hoyokʼtiń; am dom sendrayińạ, menkhan iń do bạń tahena.”

1 Patras 5:5

Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”

Jobakʼ 4:21

Onkoakʼ jotowakʼ do tạmbu baber leka racakʼ topakʼ ocokʼtakoa, ar onko do bebujko lekateko gujukʼa.’

Jobakʼ 8:15

Onareye ṭenḍarlen khan ona do rạpudokʼtaea, ar onareye sapʼ kajakokʼ khan enḍekhan ona do bae sapʼ ṭarhao daṛeakʼa.

Jobakʼ 9:1

Job do roṛ ruạṛketʼteye menkeda,

Jobakʼ 15:34

Isor baṅ botoraekan hoṛren do cele gidrạge bako tahena; onkoakʼ ghus reakʼ oṛakʼ duạr do seṅgelte maraokʼtakoa.

Jobakʼ 21:28

Apepe meneda, ‘okayena uni kisạ̃ṛ hoṛakʼ oṛakʼ do? Okor okaeyena uni bedhorom hoṛakʼ tạmbu do?’

Jobakʼ 36:6

Uni do dusṭạmiko jiwetʼ bae dohoyetʼkoa menkhan okoeko santao ocokʼkan onko do hok reakʼe bicạretʼtakoa.

Jeheskel 7:27

Raj doe homor halaṅa, rajkumar doe andesalekʼa, ar disạmren hoṛkoakʼ ti do thar tharaokʼtakoa. Iń do onkoakʼ colon lekage onko sãoteń beohara ar onkoakʼ kuṛại lekageń sạjạikoa. Unre onkoko baḍae daṛeakʼa, ińkangeạń Probhu Isor do.”

Jeheskel 26:16

Unre jalapuri aṛe reakʼ disạmkoren rapajko do akoakʼ siṅghạson khon pheḍkate akoakʼ raj kicricʼ ar noksa akatʼ kicricʼko totʼ giḍikakʼa. Ar botorte otreko duṛupʼa, ar jao okteko thar tharaokʼa ar am ńelteko torasokʼa.

Kạhtukko 14:11

Bạṛicʼkoakʼ oṛakʼ do jarkharokʼtakoa, menkhan dhorom hoṛkoakʼ tạmbu do arhõ lạṭu idikʼa.

Sakariạ 5:4

Phạdkoren Probhu Isore meneda, ‘iń do ona sarapiń kola ar ona do kombṛokoakʼ oṛakʼre ar okoe iń ńutumte eṛe eṛeko kiriạkʼkan onkoakʼ oṛakʼte senkateye bolokʼa ar onkoakʼ oṛakʼ reakʼ kaṭ ar dhiri sudhại jarkhartakoa.”