Jobakʼ 8:20 - সান্তালী বাইবেল

²⁰ “Bindusạn hoṛ do tisge Isor bae bạgi giḍiaea, se bạṛicʼko kạmikan hoṛkoakʼ ti do bae daṛe ocoya.

Jobakʼ 8:20 Referans Kwoze

Jobakʼ 4:7

“Hudiskate ńelme, bin dusạn hoekate jãhãeye marao akana? Dhorom hoṛko do cetʼ jãhãreko ses utạr akana?

Sereńko 37:37

Sạbit hoṛkoakʼ jion secʼ beṅgedme; ar onko dhorom hoṛko ńelkom. Okoe sulukko dulạṛetʼ onkoren bõs doko tahengea.

Sereńko 37:24

Gur lenre hõ onko do bako bhindạṛ tahena, ente Probhu Isorakʼ ti do onkoe sapʼ dohoyetʼkoa.

Jesaea 45:1

Probhu Isor do acʼren ojokʼ bachao akan hoṛ Kores reaṅe meneda, “Uni samaṅre boṅgan hoṛ jạtrenko jaṅga latarko ar rapajko reakʼ paṭheakʼ raṛaetako lạgitʼ iń do uniyakʼ jojomtiyiń sapʼ akatʼtaea. Iń do uni samaṅre silpińkoń jhija jemon duạrko siń alo tahen.”

Sereńko 94:14

Probhu Isor do tishõ acʼren hoṛko bae bạgi giḍiakoa; okoe doko acʼren bachaoko kan onko do bae giḍi sạṅgińkoa.

Jobakʼ 21:30

Bedhorom hoṛ do muhinre bańcaoko ńama ar edrekʼ dinre hõ rukhiyạko ńama?

Jobakʼ 9:22

Sanamakʼge somangea, onateń meneda, ‘miridos ar bedhorom-nukin banarge uni doe maraokinạ.’

Genesis 18:25

Noa do am lạgitʼ baṅ hoedaṛeakʼa. Bạṛicʼ hoṛko sãote dhorom hoṛkom maraoko ona do baṅ hoedaṛeakʼa. Dhạrtiren bikʼcạricʼ do cetʼ hok reakʼ bae bicạra?”

Sereńko 34:17

Okoe dhorom reakʼko kạmikan Probhu Isor do onkoakʼ rakʼe ańjometʼtakoa; ar joto lekan kosṭo khon uni doe rukhiyạyetʼkoa.

Kạhtukko 10:9

Okoe dhoromteye calakʼkan uni do khạtirjomae dãṛãnkana, menkhan okoe peṛta horteye calakʼ uni doe sapʼ ocokʼa.