Jobakʼ 7:9 - সান্তালী বাইবেল

⁹ Rimil cetʼleka chan adokʼkan, onkage Sheolte calakʼicʼ do bae ruạṛa.

Jobakʼ 7:9 Referans Kwoze

2 Samuel 14:14

Otre dakʼ dul giḍile khan cetʼleka ona ar baṅ hạr ruạṛokʼ onkage abo hõ bon gujukʼa. Menkhan Isor do jiwi bae hataoa bickom nonkae bebostaea jemon ocokʼ giḍi akade hoṛ acʼ khon pharakre aloe tahen.

Sereńko 39:13

Iń khon eṭakʼ secʼ beṅgedme, jemon ạuriń calakʼre, ar ạuriń uṭhạukʼre, arhõń kharsala daṛeakʼ.

Jobakʼ 30:15

Ạḍi lekan botor doe gherao esetʼ edeńkana; hoe leka onako botor do ińakʼ manotko khudạuetʼtińạ; ar rimil leka ińakʼ bhạlại do oṭaṅentińạ.

Jobakʼ 16:22

Ente iń do ar thoṛa bochor khange ona horteń senokʼa, ar ona khon do bạń ruạṛa.

Jobakʼ 10:21

Iń do usạrage ńut ar moron dhund disạmteń calakʼa; ar tishõ bạń ruạṛ hijukʼa.

2 Samuel 12:23

Menkhan uni tinreye gocʼena unre cetʼ lạgitʼ iń upạsa? Uni do cetʼ iń ruạṛ ạgu daṛeaea? Ińge uni ṭhen calakʼ hoyokʼtińạ. Uni do ar tishõ iń ṭhen do bae ruạṛ hijukʼa.”

Jesaea 38:11

Ińiń menleda, “Jiwetʼkoakʼ disạmre Probhu Isor do ar bạń ńelea; niạ purire girobasokʼ kan manwako hõ ar bạń ńelkoa.

Jobakʼ 37:11

Uni do dạriạ rimilkore dakʼe perecʼeda; ar bijli do rimil bhitriteye calaoetʼ kana.

Jobakʼ 11:8

Serma khon hõ usulge ona do cetʼem bujhạu daṛeakʼ kana? Seol khon khạndrige, ona hõ cetʼem baḍae daṛeakʼ kana?

Jobakʼ 3:13

Inạ khan honaṅ sulukteń giticʼkokʼa, ariń jạpitʼkea ariń jirạukokʼa.

Jobakʼ 17:13

Ińakʼ oṛakʼ do Sheolgeń asokʼkan khan, ar ńutre ińakʼ giticʼakʼ iń aṭetʼletiń khan,

Jobakʼ 17:16

Ona as do Sheol reakʼ duạr hạbicʼ baṅ pheḍokʼa; ar iń sãote ona do dhuṛire baṅ mesaokʼa.”

Jesaea 26:14

Gocʼ akanko do ar bako jiwedokʼa; onkoren jiu do ar bako beretʼa. Onko do sạjạikatem meṭao giḍi akatʼako; onkoakʼ disạ hõm marao akatʼtakoa.