Jobakʼ 7:6 - সান্তালী বাইবেল

⁶ Ińakʼ dinko do kicricʼ teteńakʼ mạku khon hõ usạrakʼkana; ar jãhãnakʼ begor astege ses godokʼkana.

Jobakʼ 7:6 Referans Kwoze

Jobakʼ 9:25

“Dạdạṛicʼ khon hõ ińakʼ dinko do usạra paromokʼ kana; ona do uḍạu paromokʼ kana, ar bhạlại do bạń ńameda.

Jobakʼ 17:15

enḍekhan ińakʼ as do okare? Ar ińakʼ as reakʼ perecʼtetʼ do okoeye ńel tiyoga?

1 Patras 1:24

Sonot sostorre ol menakʼa, manwako do ghãs leka kanako, ar ghãs reakʼ bahako lekage onkoakʼ sanam ṭhonoktetʼ hõ; ente ghãs do rohoṛokʼa, ar baha do ńurokʼa,

Kạhtukko 14:32

Bedhoromicʼ do acʼakʼ bạṛicʼ kạmi iạteye ńurhạ ocokʼa, menkhan dhorom hoṛ do gujukʼre hõ as tahentakoa.

Sereńko 144:4

Manwa ma eken sahẽtʼ leka ar uniyakʼ dinko do umul leka parom calakʼkana.

Jobakʼ 17:11

Ińakʼ bahaokʼ din do caba hijukʼkantińạ, ińakʼ sanam goṭawakʼ do ạuṛiyakʼena, ińakʼ mon reakʼ sana hõ cewecʼentińạ.

Jakob 4:14

Menkhan gapa cetʼ hoyokʼa ona do bape baḍaea. Apeakʼ jionge baṅ cetʼ kan? Kuṛhạkan cope, one oka do thoṛa ghạṛicʼ ńelokʼkan ar ona tayom do chanokʼkan.

Jakob 1:11

Siń cando jharla jhạrli setoṅanteye rakapʼlenre ghãsko do rohoṛokʼa ar ona reakʼ sajaotetʼ do nosṭo cabakʼa. Onkage kisạ̃ṛ hoṛ hõ acʼakʼ jion reakʼ horkoreye tolmocʼ cabakʼa.

Ephesiko lạgitʼ Pạul Apostolakʼ ciṭhi 2:12

Disạipe, lahate ape do Mạsi khon begargepe tahẽkana; jạtrenko lekate Israelkoakʼ oka ạidạri menakʼ ona ạidạri khon bahrerepe tahẽkana; Isor do Israel jạtrenko lạgitʼ okae gokʼ dohoakatʼ tahẽkan ona sãote apeakʼ jãhãn bondobos baṅ tahẽkana; ar noa dhạrtire ape do Isor chaḍagepe tahẽkana.

Sereńko 102:11

Ińakʼ dinko do ạyupʼ bela reakʼ umul leka hoyakana; ar ghãs lekageń rohoṛokʼ kana.

Jobakʼ 16:22

Ente iń do ar thoṛa bochor khange ona horteń senokʼa, ar ona khon do bạń ruạṛa.

Jobakʼ 13:15

Ńelpe, uni doe gocʼ giḍikạńre hõ enhõ uni cetanre asiń dohoya; ar khạṭige uni samaṅre coloniń sojhetińa.

Jobakʼ 6:11

“Tạṅgi reakʼ jãhãn daṛege bạnukʼtińạ, ar as dohoy leka nonkan cetʼge bạnukʼtińạ, oneń tạṅgi akae tahen.

Jirimiạ 2:25

Menkhan am do sontor akae tahenme, ar baṅkhan jaṅga reakʼ panahe hõ nosṭokʼtama ar amakʼ nạnḍri hõ rohoṛokʼ tama. Menkhan amem men akada, ‘jãhãn porhoge bạnukʼa. Iń do debotageń dulạṛetʼkoa, onkogeń pańjakoa.’

1 Patras 1:13

Onate monre paṭhe keṭejokʼpe ar apnarte sambṛaokʼpe. Jisu Mạsiye sodorokʼre okaṭakʼ bhorpe ńam, ona lạgitʼ purạpuri as dohoyte koyokʼ hor akae tahenpe.

Jobakʼ 14:19

dakʼ do dhiriko cetʼ lekae heṛ ocoyetʼ ar ạtukʼ dakʼko cetʼ leka hasae gecʼ idiyetʼ, onkage am do manwawakʼ asem maraoetʼtaea.

Jobakʼ 17:16

Ona as do Sheol reakʼ duạr hạbicʼ baṅ pheḍokʼa; ar iń sãote ona do dhuṛire baṅ mesaokʼa.”

Jobakʼ 19:10

Uni do sanam secʼteye ghạl akadińạ ar iń ạuriń caba utạrokʼ hạbicʼ; uni do dare leka ińakʼ ase or totʼ giḍi akatʼtińạ.

Jobakʼ 17:1

“Ińakʼ mon do rạputʼ akantińạ, ar bahaokʼ dinko hõ mucạtʼ hijukʼkana, ar kobor hõ iń lạgitʼe ńel horetʼkana.