Jobakʼ 7:5 - সান্তালী বাইবেল

⁵ Hoṛmo do tejoko ar ghao reakʼ sondrokote esetʼ akantińạ; harta do oṛecʼ akantińạ ar garaṅdakʼ jorokʼkana.

Jobakʼ 7:5 Referans Kwoze

Jesaea 14:11

“Amakʼ sanam ṭhonok do Sheolte giḍi ocoakana; ona sãote amakʼ binạ banamko reakʼ saḍe hõ giḍi akana. Am latarre do tejoko menakʼkoa onko do amko thoprom esetʼ akatʼmea.

Jobakʼ 17:14

ar Sheoliń metae, ‘am dom iń baba kana,’ ar tejo baṛeń metako, ‘ińren eṅgạń’ se ‘ińren miserako kanape,’

Aposkạmi 12:23

Herod do unre Isor bae sarhaoledete Probhu Isorren mitʼṭen goḍet do uniye ńẽtʼkedea, arko tejokedete uni doe gocʼena.

Jeheskel 20:43

Onḍe apeakʼ lahateakʼ colon reakʼ katha ar okako kạmi hotete apnartetʼpe bhonḍlen onakope disạya ar apeakʼ sanam bạṛicʼ kạmiko iạte apnartetʼpe hirkhạjoṅa.

Jesaea 66:24

Ar onko do oḍok kate iń upạrteko hulletʼ tahẽkan hoṛkoakʼ mạ̃ṛĩkoko ńela. Onkoren tejoko okoe do gocʼ hoṛakʼ jelko jom onko do bako gujukʼa ar onkoakʼ seṅgel hõ baṅ ĩṛĩjokʼa; ar onko do sanam manwa jạtrenko lạgitʼ hirkhạwanakʼgeko hoyokʼa.

Jesaea 1:6

Jaṅga talka khon bohokʼ upʼ hạbicʼ okare hõ niphuṭ do bạnukʼanaṅ, eken ghạl, dal reakʼ cinhạ ar ghaoko menakʼa. Ona do baṅ sapha akantapea se bedhao hõ baṅ hoyakana, ar sunum dulakʼte haso hõ baṅ komao akantapea.

Jobakʼ 24:20

Eṅgat kukhi do onkoe hiṛińetʼkoa, ar tejoko do onkoakʼ hoṛmoko jometʼtakoa; bạṛicʼ hoṛ do okoehõ bako disạ dohokoa, onko do dare lekako rạputʼ ńurokʼa.

Jobakʼ 19:26

Ińakʼ hartako marao caba utạrlen tińrehõ iń do jiwetʼ tahenrege Isoriń ńelea.

Jobakʼ 9:31

enhõ am do losotʼrem caḍokạńạ; onate ińakʼ kicricʼko do ińko hirkhạwạńạ.

Jobakʼ 13:28

“Manwa do sea jinis lekae garao cabakʼkana ar tejoko jomakatʼ kicricʼ lekae hoyakana.

Jobakʼ 17:7

Ińakʼ mẽtʼ do dukte ạndhuạ akantińạ; ar goṭa hoṛmo do umul leka hoyakana.

Jobakʼ 19:20

Ińakʼ jelre harta ar jaṅ do jalatʼ caba akana, ar iń do eken jiwetʼ hataṛge minạńa.