Jobakʼ 7:4 - সান্তালী বাইবেল

⁴ Gitijokʼ jokhecʼ doń meneda, tinreń beretʼa? Menkhan ńindạ do jeleńokʼ kana, ar aṅga marsalokʼ hạbicʼ doń erseń torseń baṛaekana.

Jobakʼ 7:4 Referans Kwoze

Dosar Biboron 28:67

Ar setakʼ jokhecʼ dope mena, ‘ạyubokʼ ma,’ ar ńindạ jokhecʼ dope mena, ‘setagokʼ ma,’ ente botorte apeakʼ mon do luyutʼ luyudokʼtapea ar mẽtʼ do aema lekanakʼkoe ńel ocopea.

Sereńko 77:4

Amge ińakʼ mẽtʼ do beṅgetʼem dohoyetʼtiń tahẽkana; ar iń do ạḍiń ạndukʼ mạndugok ʼkan tahẽkana, ar onate katha hõ bạń roṛ daṛeakʼkan tahẽkana.

Jobakʼ 17:12

Noko hoṛ do siń doko ńindạ ocoyeda, ar ńutre doko meneda, ‘marsal hijukʼkana.’

Jesaea 54:11

Probhu Isore meneda, “E birbão hoete gurlạu akanicʼ, ar jiwi raṛecʼ baṅ ńamakatʼicʼ ar nihạ̃t ocokʼicʼ nagraha, iń do nirola dhiriteń benaome lạgidokʼ kana ar amakʼ rehetʼ do nilkanto muniteń bạisạua.

Sereńko 130:6

Pahradarko cetʼleka aṅga marsalokʼ reakʼko koyokʼ horetʼ, hẽ, onko cetʼleka aṅga marsalokʼ lạgitʼko ńel horetʼkan, ona khon hõ ińakʼ ontor do Probhu Isor lạgitʼ koyokʼ horre menaea.

Sereńko 109:23

Tarasiń bela reakʼ umul lekage iń doń caba hijukʼkana; ar pohoko lekage iń doń oṭaṅ ocoakana.

Sereńko 6:6

Iń do kuhrạu kuhrạuteń laṅga caba akana; goṭa ńindạ rakʼ rakʼte aṭetʼiń lohotʼetʼtińạ, ar mẽtʼ dakʼte ińakʼ parkomiń ḍiń ḍạbureda.

Jobakʼ 30:17

Ńindạ jokhecʼ ińakʼ jaṅkore ạḍi ãṭ hasoyedeń kana; ona togocʼ edeń haso do baṅge thirokʼ kana.