Jobakʼ 7:20 - সান্তালী বাইবেল

²⁰ E manwaren horhoyicʼ, ińiń kại akatʼ khan enḍekhan onate amakʼ do cetʼtam. Amakʼ jos menkate do cedakʼem doho akadińạ? Iń do cetʼ amren bojhań hoyakana?

Jobakʼ 7:20 Referans Kwoze

Rak̕joṅ 3:12

Uni do acʼakʼ akʼ reakʼ sare or akada ar acʼakʼ bheja khunṭigeye hoyocoakadińạ.

Sereńko 36:6

Amakʼ dhorom do Isorakʼ buruko lekana; amakʼ dhorom bicạr do athantar doreão leka. E Probhu Isor, manwa ar janwar jotoge jiwetʼ baṛe dohokom.

Jobakʼ 3:24

Ińakʼ kuhrạuge ińakʼ jomakʼ do hoyakana, ar ińakʼ geraṅ do gaḍa dakʼ leka bhumbukokʼ kana.

Sereńko 80:4

E sanam daṛeanicʼ Probhu Isor, amren hoṛkoakʼ koejoṅakʼre ar tinạkʼ din edre akanem tahena?

Sereńko 21:12

Ente am do onkoakʼ mẽtʼãhã ńelkae tinre amakʼ sarkom aṛaga, unre onko doko dạṛ pạnḍuja.

Jobakʼ 35:6

Amem kại lekhan Isorakʼ do cetʼ jãhãnakʼ hoyokʼtaea? Amakʼ ghạṭko ḍherlenre hõ uniyakʼ baṅ cetʼ cekakʼtae?

Jobakʼ 33:27

Unre uni do manwa ṭhen hecʼkateye mena, ‘iń doń kạileda ar sojheakʼ doń peṛtaleda, menkhan ińakʼ paona sạjại do bạń ńamleda.

Jobakʼ 33:9

Amem meneda, ‘iń doń saphagea, ińakʼ do jãhãn kạige bạnukʼtińạ; iń doń dhoromgea, ińre jãhãn dosge bạnukʼa.

Jobakʼ 31:33

Eṭakʼ hoṛko leka kại do bạń danaṅ akatʼtińạ ar ińakʼ monre dos hõ bạń oko dohoakatʼa;

Jobakʼ 22:5

Amakʼ dusṭạmige cetʼ baṅ ḍhergea? Amakʼ ghạṭ reakʼ simạnako hõ bạnukʼtama.

Jobakʼ 14:16

Unre am do ińakʼ jaṅga reakʼ taṛamem lekhaea menkhan ińakʼ kại secʼ do bam beṅgeda.

Jobakʼ 13:26

Iń upạrte do hewer haṛhatʼ katham oletʼkana ar juạn jokhecʼ reakʼ ghạṭkom lekhawạńkana.

Jobakʼ 6:4

Sanam daṛeanicʼ reakʼ sar do ińre bitʼakana, ińakʼ jiwi do onako reakʼ bise jojom kana; Isorakʼ botoranakʼ kạmiko do iń upạrte sạr sạrte teṅgo akana.

Nehemiạ 9:6

Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.

Jobakʼ 10:14

Ińiń kại khan, onam ạribạndhiyetʼ kana ar ińakʼ dos reakʼ sạjại begor do bam aṛagińạ.

Jobakʼ 35:3

Am do unim metaekana, ‘noate ińakʼ lab do cetʼ? Bạń ghạṭ akatʼ khan iń do cetʼ onań ńama?’

Jobakʼ 10:2

E Isor, iń do alom bicạr dusiyińạ menkhan iń upạrte oka khanḍa khạnḍi menakʼtam ona baḍae ocoyińme.

Jobakʼ 10:6

Ona iạte cetʼ ińakʼ doskom sendra kana ar ińakʼ ghạṭkom suṭhik bakʼṛa kana?