Jobakʼ 7:16 - সান্তালী বাইবেল

¹⁶ Ińakʼ jiwi doń hirkhạwakʼ kana; jaejug hạbicʼ jiwetʼ tahen do bạń khojkana. Iń do aṛakʼkạńme; Ińakʼ bahaokʼ din do thoṛagetińa.

Jobakʼ 7:16 Referans Kwoze

Jobakʼ 10:1

“Ińakʼ jiwi do iń bhitrire laṅgayentińạ, ińakʼ duk reakʼ katha do khulạsateń roṛa ar ińakʼ jiwi reakʼ hewer haṛhatʼrege kathań roṛa.

1 Rapajko 19:4

Menkhan acʼ do hahaṅkar talate mitʼ din reakʼ horteye laha idiyena. Ar onḍe mitʼṭecʼ rothem jhạuạ latarre duṛupʼkate gujukʼ lạgitʼe koekeda. Uni doe menkeda, “E Probhu Isor, ḍherge hoyakana. Nitokʼ do ińakʼ jiwi baṛe hataotińme; ente ińren hapṛamko khon mońj do bạnuńa.”

Jona 4:8

Ar siń candoe rakapʼen khan Isor do purub reakʼ lolo hoeye rakapʼ ocokeda; onate setoṅ do Jonawakʼ bohokʼre paṛaoena, uni doe jhãeyena. Unre uni do gujukʼ lạgitʼe koeketʼteye menkeda, “Jiwetʼ tahen khon gujukʼge bhage tahẽkana.”

Sereńko 39:13

Iń khon eṭakʼ secʼ beṅgedme, jemon ạuriń calakʼre, ar ạuriń uṭhạukʼre, arhõń kharsala daṛeakʼ.

Jobakʼ 14:6

Onate uni secʼ khon amakʼ mẽtʼ ạcurtam, ar jirạu ocoaeme; din ṭakʼlaoko lekage uni do okte khemao ocoaeme.

Jobakʼ 10:20

Ińakʼ thoṛa din reakʼ bahaokʼ do cabayena; ar ńitokʼ do aṛakʼkạńme jemon thoṛa ghạṛicʼ iń rạskạ daṛeakʼ.

Jobakʼ 9:21

Iń doń miridosgea, onate do cetʼ cekakʼtińạ? Iń do apnarakʼ jiwigeń hirkhạwakʼ kana.

Jobakʼ 6:9

iń doe talga tạuạgińma ar ti tiạrkateye gocʼ hodeńma!

Jona 4:3

Ńitokʼ do E Probhu Isor, ińakʼ jiwi baṛe hataotińme, ente ińakʼ jiwetʼ tahen khon gujukʼge bhagetińạ.”

Sereńko 144:4

Manwa ma eken sahẽtʼ leka ar uniyakʼ dinko do umul leka parom calakʼkana.

Sereńko 78:33

Onate onkoakʼ din do ạuṛiyakʼtegeye cabaketʼtakoa. Ar bochorko do torastege.

Sereńko 62:9

Somajren huḍińko do bhap leka, ar napṛakʼko do eṛeakʼge; tulạre onko do jotoge hoe khon hõko rawalokʼa.

Sereńko 39:10

Iń cetan khon amakʼ sạjại do sahaṛkakʼme; amakʼ ti reakʼ dalte iń doń sesena.

Genesis 27:46

Tayomte Rebeka do Isahake metadea, “Noko Hitti kuṛiko iạte iń do jiwetʼ tahen baṅ sanań kana. Ar Jakob hõ noa disạmren jãhãe Hitti kuṛiye baplaye enḍekhan ińakʼ jiwetʼ tahen do cetʼ lab?”

Jobakʼ 7:7

“E Isor, ińakʼ jiwi baṛe disạitiń me noa do mitʼṭecʼ sahẽtʼ chaḍa ar cetʼge baṅkana; iń do suk reakʼ ar bạń ńel ńama.

Jobakʼ 7:15

Onate niạ jaṅ hoṛmowante jiwetʼ tahen khon jãhãeye limbạtʼ gojeń onageń khojkea.

Sereńko 78:39

Uni doe hudiskeda onko do eken manwa kanako, onko do oṭaṅokʼkan hoeleka ar bako ruạṛa.

Jirimiạ 8:3

Okareń sạṅgiń giḍikako onḍe onko dusṭạmi jạtren sarecʼ jiwetʼ tahen hoṛ do jion khon morongeko kusiyakʼa. Noa katha do phạdkoren Probhu Isorgeye roṛeda.”

Sereńko 39:6

Manwa do umul lekae hijukʼa, ar calakʼ hõ umul lekage; uni do ạuṛiyakʼgeye kạumạu baṛaea; uni do dhone sońj joṅa menkhan ona okoeye joma ona do bae baḍaea.

Sosolhayic̕ 2:17

Onate iń do ińakʼ jioniń ạṛisada, ente siń cando latarre oka kạmikʼ kan iń ṭhen ona do kosṭo reaṅ hoyena- ar jotoge ạuṛiyakʼgea, hoe tayomte ńir calakʼkan chaḍa ar cetʼge baṅkana.