Jobakʼ 7:1 - সান্তালী বাইবেল

¹ “Niạ dhạrtire manwa do ạḍi khaṭaokʼ lagaoaea, ar din mujuriko leka uni do dine ṭalaoa.

Jobakʼ 7:1 Referans Kwoze

Sereńko 39:4

E Probhu Isor ińakʼ sesokʼ do tis cabakʼa? Iń do ar tinạkʼ din jiwetʼ iń tahena; ar ińakʼ jion do tinạkʼ din lạgitʼ kana ona baṛe bujhạu ocoyińme.

Jobakʼ 5:7

Cetʼleka seṅgel do coṭ secʼ pạsirokʼ, onkage duk jom lạgitʼ manwa doe janamokʼ kana.

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Jesaea 21:16

Probhu Isor do ińe metadińạ, “Rikit akade guti cetʼleka bochore lekhae onkage mitʼ bochor bhitrite Kedar reakʼ sanamakʼ ṭhonok do caba utạrokʼa.

Sosolhayic̕ 8:8

Hoe cetʼleka okoehõ bako sapʼ ṭarhao daṛeakʼ ar lạṛhại jokhecʼ cetʼleka okoehõ chuṭi bako ńam, onkage gujukʼ din cetanre okoeyakʼ hõ ektiạri do bạnukʼa. Bedhoromkoakʼ bedhoromtetʼ hõ ona khon do bae rukhiyạ daṛeakoa.

Dosar Biboron 15:18

“Aperen guti se kạ̃ṛmĩ do sạdhintepe sen ocoaere hamal do alope hudisa; ente niạ turui bochor ape ṭhen khaṭaokʼ reakʼ dam do barea mujurikin reakʼ soman kana. Onkope sạdhinleko khan aperen Probhu Isor do sanamakʼe bhoratapea.

Levitikus 25:50

Oka bochor uniye ạkhrińokʼ ona bochor khon ehopʼkate hulạsokʼ bochor hạbicʼ tinạkʼ bochor hoyokʼ ona do uniren kisạ̃ṛe hisạba are ńela. Ar inạko bochorre mitʼṭen kạmiyạicʼ oka paona hoyokʼtae ona lekate ona chaḍaokʼ reakʼ dam hõ ṭhik hoyokʼa.

Jesaea 38:5

“Am do senkate Hiskiạm metaea, amren hapṛam Dạudren Probhu Isor do niạ kathae meneda, ‘amakʼ koejoṅiń ańjom akada ar amakʼ mẽtʼ dakʼ iń ńel akada; iń do amakʼ bahaokʼ din arhõ gelmõṛẽ bochor iń jutucʼatʼtama.

Jobakʼ 7:2

Guti cetʼleka ạyubokʼ reakʼ koyokʼ hor akaeye tahen, ar din mujuri hõ cetʼleka acʼakʼ kuṛại lạgitʼe asokʼ,

Jobakʼ 10:17

Iń upạrte am do nãwã nãwã gohakom teṅgoyetʼkoa ar iń upạrte amakʼ edrem baḍhaoetʼtama; amakʼ akromon do mitʼṭecʼ mitʼṭecʼkate iń upạrte hijukʼkana.

Jobakʼ 14:1

Maejiuakʼ kukhireye janam akan manwa do thoṛa din lạgitʼ kanae, uni do jalateye perecʼgea.

Jesaea 16:14

Menkhan ńitokʼ Probhu Isor doe meneda, “Mitʼṭen din mujuri hoṛ cetʼleka bochore lekhae onkage pe bochor bhitrite Moabakʼ ṭhonok ar uniren ḍher hoṛ doko nihạ̃t ocokʼa ar jiwetʼ tahen hoṛ do lekhare thoṛa ar nijorko hoyokʼa.”