Jobakʼ 6:4 - সান্তালী বাইবেল

⁴ Sanam daṛeanicʼ reakʼ sar do ińre bitʼakana, ińakʼ jiwi do onako reakʼ bise jojom kana; Isorakʼ botoranakʼ kạmiko do iń upạrte sạr sạrte teṅgo akana.

Jobakʼ 6:4 Referans Kwoze

Sereńko 38:2

Ente amakʼ sarko do ińre kiṛbitʼ akana, ar amakʼ ti do ińe sapʼ uricʼ akadińạ.

Jobakʼ 30:15

Ạḍi lekan botor doe gherao esetʼ edeńkana; hoe leka onako botor do ińakʼ manotko khudạuetʼtińạ; ar rimil leka ińakʼ bhạlại do oṭaṅentińạ.

Kạhtukko 18:14

Hoṛakʼ jiu do kạhil ruại sahao daṛeakʼa, menkhan talga tạwạkʼ jiu do okoeye gokʼ daṛeakʼa?

Sereńko 143:7

E Probhu Isor, usạra roṛ ruạṛ imạńme, ente ińakʼ jiwi do oḍokokʼ kantińạ; iń khon amakʼ mẽtʼãhã alom bedtama, patal purite okoeko pheḍakan onko leka khạndṛuṅre do alom paṛao ocoyińạ.

Mark 15:34

Ar pe baja okte Jisu do ãṭ aṛaṅte hohoateye menkeda, “Eloi, Eloi Lama Sabakthani,” metakʼme “E ińren Isor, E ińren Isor, cedakʼem bạgi giḍiạdińa?”

Jobakʼ 9:17

Uni do birbãoteye gejer lạhutʼkedeńạ ar ạuṛiyakʼte uni doe dal ghaoeń kana.

2 Korinthiko 5:11

Probhu Isor bon botoraekante abo do apnar reaṅ manwakoakʼ monre biswạs janam ocoy lạgitʼ bon kurumuṭuyeda. Ar abo bon oka lekanko kan, ona do Probhu Isor ṭhen sodorgea ar asiń dohoya apeakʼ bibek ṭhen hõ ona do pusṭạugea.

Sereńko 45:5

Rajren bạirikoakʼ koṛamre amakʼ laser sar do bidokʼkana; ar amren bạiriko do amakʼ jaṅga latarreko ńurokʼkana.

Sereńko 21:12

Ente am do onkoakʼ mẽtʼãhã ńelkae tinre amakʼ sarkom aṛaga, unre onko doko dạṛ pạnḍuja.

Sereńko 18:14

Uni do sarkoe aṛakʼketʼte bạirikoe chirchạturketʼkoa, ar bijlikoteye andmandaoketʼkoa.

Sereńko 7:13

Uni do acʼakʼ gogocʼ khanḍaye ṭhik dohoakada, ar acʼakʼ sarkoe seṅgel sar akawada.

Jobakʼ 31:23

ente iń do Isor emakʼ sạjạiyiń botorakʼ kana; uniyakʼ ṭhonok do nunạkʼge ḍhera, uni botorte onako do ohoń kạmi daṛekea.

Jobakʼ 21:20

Uni do acʼakʼ mẽtʼte acʼakʼ maraokʼe ńelma; uni do sanam daṛeanicʼakʼ edre baṛeye ńũima.

Dosar Biboron 32:42

Makʼ gocʼ ar bondi akan hoṛkoakʼ mãyãmiń ńũ ocoyte ińakʼ sarkoń bul ocoytińa; ar ińakʼ tarwaṛe do jele joma, bạiriren mukhiyạkoren mathako reakʼge.

Rut reakʼ kạhini 1:20

Naomiye menkeda, “Iń do Naomi (metakʼme ‘landa’) do ar alope hohoạńạ, bickom Mara (metakʼme ‘haṛhatʼ’) hohoạńpe, ente sanam daṛean Isor do ińakʼ jiwiye haṛhatʼ akatʼtińạ.

Jobakʼ 20:16

Uni do kạrinạṅgiń bińakʼ bise copoja; ar biń do acʼakʼ biste uniye gojea.

Jobakʼ 34:6

Hokre minạńre hõ eṛe roroṛicʼ iń lekhakʼ kana; ar bạń dos akatʼre hõ bạń bogekʼ lekań ghạl akana.’

Jesaea 28:19

Ar tinạkʼ dhao ona pheḍ hijukʼa unạkʼ dhaogepe dal ocokʼa; aṅga marsalokʼ khon setakʼ hạbicʼ, siń ar ńindạ ona do kajakte pheḍ hijukʼa. Niạ kathape bujhạule khan torasge hoyokʼtapea.”

Rak̕joṅ 2:4

Bạiri leka uni do acʼakʼ sare aṛakʼ akatʼtaea, acʼakʼ jojomti tulkateye teṅgoyena mitʼṭecʼ modoi leka. Okoe ńelte onkoko rạskạkʼkan tahẽkan onko doe gocʼ giḍi akatʼkoa. Sion hoponerawakʼ tạmbure seṅgel leka acʼakʼ edreye dul akatʼtaea.

Jobakʼ 7:20

E manwaren horhoyicʼ, ińiń kại akatʼ khan enḍekhan onate amakʼ do cetʼtam. Amakʼ jos menkate do cedakʼem doho akadińạ? Iń do cetʼ amren bojhań hoyakana?

Jobakʼ 16:9

Isor do ạḍitetʼe ghạl akadińạ edrete iń doe cirạ akadińạ; iń ńelteye togocʼ ḍaṭayetʼ kana; ar iń upạrte mẽtʼ jolokʼkantaea.

Jobakʼ 19:12

Uniren bạiri khatarenko do iń upạrteko laha hijukʼ kana; ińre jhãp em lạgitʼ onko do pinḍhạko rakapʼ akada. Ar ińakʼ tạmbu beṛhaeteko esetʼ ạcur akadińạ.

Sereńko 38:3

Amakʼ edre iạte ińakʼ hoṛmo do niphuṭ bạnukʼa, ar kại iạte ińakʼ jaṅko hõ nirại bạnukʼ anaṅ.

Kạhtukko 14:10

Mon do apnarakʼ haṛhatʼe baḍaekana; menkhan am ar iń do ona reakʼ rạskạre balaṅ seletʼ daṛeakʼa .

Rak̕joṅ 3:3

sạrige goṭa din iń upạrte uni do ghane ghane acʼakʼ tiye tuletʼtaea.