Jobakʼ 6:14 - সান্তালী বাইবেল

¹⁴ “As chuṭạukʼ kan hoṛ do sanam daṛeanicʼ bae botorae kanrehõ, enhõ uniren gateko do unire pạtiạr tahen lek kanako.

Jobakʼ 6:14 Referans Kwoze

Kạhtukko 17:17

Gate do jaogeye dulạṛa, ar boeha do muhinre goṛowam lạgitʼgeye janamokʼ kana.

Galathiko lạgitʼ Pạul Apostolakʼ ciṭhi 6:2

Bhạriạ do gokʼ gopoṛope, ar nonkate ape do Mạsiyakʼ ạnkope purạu daṛeakʼa.

1 Korinthiko 12:26

Mitʼ hạṭiń manote ńam khan enḍekhan goṭa hạṭińge ona sãote hulạsokʼa.

Romiko lạgitʼ Pạul Apostolakʼ ciṭhi 12:15

Okoeko rạskạkʼkan onko tulucʼ rạskạkʼpe; ar rakʼ joṅko tulucʼ do rakʼjoṅpe.

Luk 23:40

Unre eṭagicʼ doe menkeda, “Am do cetʼ Isor bam botoraekana? Am hõ coṅ onkan sạjạigem ńametʼkan.

Ibriko 13:3

Okoe hajotre menakʼko onko sãote ape hõpe kạidi oco akana, ar khed ocokʼkanko sãote ape hõpe khed ocokʼkana mente hudiskate onkoakʼ katha disạipe.

2 Korinthiko 11:29

Jãhãeye nijorlenre cetʼ uniyakʼ nijortetʼre bạń bhạgiyạdarokʼ kana? Jãhãege kạireye ńurlenre cetʼ iń do jiwi baṅ lokʼkantińạ?

Jobakʼ 19:21

E ińren gateko, ińakʼ dukren sãotenko hoyokʼpe, ente Isorakʼ ti doe ghạl akadińạ.

Jobakʼ 16:5

Menkhan bạń onkakea, bickom mocateń udgạukepea; ińakʼ luṭikin reakʼ jiwi raṛecʼ katha do hasoe raṛecʼketapea.

Jobakʼ 15:4

Menkhan am do Isor bam botorae kana ar Isor ṭhen koejoṅ hõm akoṭ akatʼtama.

Genesis 20:11

Abrahame roṛ ruạṛkeda, “Iń doń hudisleda, noa jaegaren hoṛko do Isorre botor bạnukʼtakoa. Onate hoedaṛeakʼa onko do ińren bạhu ńame lạgitʼte ińko gocʼ botejińạ.

Jobakʼ 1:5

Onkoakʼ bhoj reakʼ dinko sạtlen khan Job do onko hoho ạgukateye sonotetʼko tahẽkana. Uni do setakʼre onko lạgitʼ mimitʼ goṭenkate jeredokʼ samaṅokʼakʼ porobe hoeocoyetʼ tahẽkana. Uni doe hudisetʼ tahẽkana, “Ińren hopon ar hoponerako do pasecʼko kại akada ar mone monete Isorko henosta akadea.” Job do nonka jaogeye kạmikan tahẽkana.

Kạhtukko 25:19

Muhinre bepạtiạran hoṛ cetanre bhorsakʼ do lewe lewe ḍaṭa ar leḍha jaṅga leka.