Jobakʼ 5:4 - সান্তালী বাইবেল

⁴ Uniren hoponko khạtirjoma do bako tahena; onko do bicạr ṭhạ̃irege jotowakʼko ada, onkoren rurukhiyạko do celege bako tahena.

Jobakʼ 5:4 Referans Kwoze

Sereńko 127:5

Bhạgangeae uni hoṛ, okoe do acʼakʼ sarkote ṭhoṅgae perecʼakatʼtae; ar nagraha reakʼ phoṭok duạr ṭhen akoren bạiriko tulucʼ kathako phanḍaore onko do bako lajaokʼa.

Sereńko 119:155

Bạṛicʼ hoṛko khon bańcao do ḍher sạṅgińgea, ente onko do amakʼ ạn ạri secʼ bako moneyakʼ kana.

Amos 5:12

Ińiń baḍaea apeakʼ behokʼakʼko do tinạkʼ ḍhertapea ar apeakʼ ghạṭko hõ tinạkʼ bạ̃ṛtitapea mente! Ape do dhorom hoṛpe santaoetʼkoa ar ghuspe jomeda; ar nagraha reakʼ phaṭok duạr ṭhen reṅgecʼ hoṛkoakʼ hok reakʼ do bape bicạretʼa.

Sereńko 7:2

Ar baṅkhan onko do dhạcri kul leka jiwiko cirạitińạ; arko kaṭra kuṭrạ cabayińạ, ar iń bańcaoiń lạgitʼ do celege bako tahena.

Jobakʼ 27:14

Onkoren gidrạko saṅge lenrehõ onko lạgitʼ do botoranakʼ gujukʼ ṭhik dohoakana. Onkoren hoponko do tishõ lacʼ bicʼ jomakʼ bako ńama.

Jobakʼ 10:7

Baḍaegeam dusi doń baṅ kana ar amakʼ ti khon okoehõ bako rukhiyạ daṛeạńạ.

Jobakʼ 8:4

Amren hopon ar hoponerako do khạṭige uni upạrteko kại akada, ona iạte kại reakʼ sạjại do onko tireye dohoakada.

Jobakʼ 1:19

Unre hahaṅkar khon ackage mitʼṭecʼ birbão hoe rakapʼ hecʼena ar ona oṛakʼre bajaoena. Onate oṛakʼ do onko cetanre ńurena ar onko doko gocʼ cabayena. Ar am khoboram lạgitʼ eken iń eskargeń sarecʼ akana.”

Exodus 20:5

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Josuạ 20:4

Uni do niạko asrayokʼ nagraha reakʼ jãhãṭakʼ mitʼṭecʼ nagraha reakʼ phaṭok duạr ṭhen senkate onḍenko murubbiko acʼakʼ joto kathae lạiyakoa. Ar ona tayom do nagrahareko bolo ocoaea ar tahen lạgitʼ mitʼṭecʼ jaegako emaea.

Jobakʼ 20:10

Uniren hoponko do nandanko ṭhenko koe baṛaya; onkoakʼ ti do uniyakʼ rinko em ruạṛkataea.

Kạhtukko 24:7

Ạkil do khaṭo budan hoṛko khon pharakre tahena; nagraha reakʼ phaṭok duạr ṭhen mocage bae jhija.