Jobakʼ 5:19 - সান্তালী বাইবেল

¹⁹ Turui goṭecʼ muhin khon uni doe rukhiyạmea, ar eae goṭecʼ muhinre hõ cetʼ khutige baṅ hoyokʼtama.

Jobakʼ 5:19 Referans Kwoze

Sereńko 34:19

Okoe dhorom horteye calakʼ uniyakʼ do muhinko ḍhergere hõ onako khon Probhu Isor doe bańcaoea.

1 Korinthiko 10:13

Manwa jionre okako biḍạu hoyokʼkan ona chaḍa eṭakʼ jãhãn biḍạu do ar baṅ paṛao akawatʼpea. Isor doe pạtiạrgete, sahao daṛeakʼ khon bạ̃ṛti do bae biḍạupea, bickom biḍạu são sãote ona khon oḍokokʼ reakʼ hõe horapea, jemonpe sahao daṛeakʼ.

Kạhtukko 24:16

ente dhorom hoṛ do eae dhaoe leńjetʼlenre hõ uni do arhõe beretʼ ruạṛa, menkhan bedhorom hoṛ do ghoṭna iạteko tohotʼ bhindạṛokʼa.

2 Patras 2:9

Noako khon ńelokʼkana, okoe Probhu Isorko botoraekan onko do biḍạu tala khon bańcaoko doe baḍaegea.

2 Korinthiko 1:8

Ạsiạ Prodesre ale do oka santaorele paṛaolen, asjoṅ kanale ape hõ ona jemonpe baḍae daṛeakʼ. Onḍe do sahao daṛeakʼ khon hõ bạ̃ṛti caprele paṛaolena, ar bańcaokʼ reakʼ asge baṅ tahẽkantalea.

Daniel 3:17

Ale okoe Isorle sewawae kan uniye khoj khan tobe do ona jolokʼkan bhaṭa khon acʼakʼ titeye bańcaolea.

Daniel 6:16

Sesre raj doe hukumkeda ar hoṛ do senkate Danielko sapʼkedea ar dhạcri kulakʼ khandṛaṅreko khadlekedea. Unre raj do Daniele metadea, “Jaoge amren okoeṭakʼ Isorem sewawae kan unige am doe rukhiyạmema.”

Sereńko 34:20

Uni do uniyakʼ sanam jaṅkoe rukhiyạitaea, onako do mitʼṭecʼ hõ bae rạputʼ ocowakʼa.

Sereńko 66:12

Am do aleakʼ bohokʼ cetante sadomre decʼkate hoṛkom sen ocoakatʼkoa. Seṅgel ar dakʼ talate ale dole hecʼakana, menkhan am do ạsirbad hotetege.

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Kạhtukko 6:16

Probhu Isor do eae goṭecʼ jiniskoe kurudakʼkana onako do uni ṭhen hirkhạwakʼ kana;

Jesaea 43:2

Dakʼ talatem sen paromokʼre hõ iń do am são sãoteń tahena. Ar gaḍako secʼtem calakʼre hõ onako do bako ḍubạmea; ar seṅgel talatem parom calakʼre hõ, am do bam lokʼa; seṅgel lepʼ do bae jharkao daṛeama;

Jirimiạ 39:17

menkhan iń do amiń bańcaomea. Am okoeyem botor akokan onkoakʼ tire bam jimạ ocokʼa.

Daniel 3:25

Uniye menkeda, “Enḍekhan iń do pon hoṛ seṅgelre dãṛãbaṛae kaniń ńeletʼkoa. Onko do raṛage menakʼkoa ar jãhãnakʼge baṅ hạ̃n akantakoa, ar ponicʼ hoṛ do ńelokʼte debota lekae ńelokʼkana.”

Daniel 6:17

Ar mitʼṭecʼ dhiri ạgukate ona ghaḍlakʼ reakʼ moca ṭhenko dohokada. Raj do acʼ ar mukhiyạ hoṛkoakʼ chapakʼ mundạmte onae chapada jemon Daniel lạgitʼ eṭakʼ jãhãn bebosta alo hoyokʼ.