Jobakʼ 5:14 - সান্তালী বাইবেল

¹⁴ Siń marsalrege onko do ńut pheḍ hecʼako kana; ar tikin okte do ńindạ lekako hạtṛạu baṛaeyeda.

Jobakʼ 5:14 Referans Kwoze

Jobakʼ 12:25

Onko do marsal begorte ńutreko taham tukucʼ baṛaea; ar bul hoṛ lekae konḍa manḍe ocoyetʼkoa.

Jesaea 59:10

Abo do kãṛãko leka bhit bon ṭạmḍạu baṛayetʼkana; hẽ mẽtʼ bạnukʼtako hoṛ lekage hor bon ṭạmḍạu baṛayeda; abo do tikinge bon tohodokʼ kana; ar jiwetʼko talare gocʼko leka menakʼ bona.

Dosar Biboron 28:29

Kãṛã hoṛ ńutre cetʼ lekae ṭạmḍạu baṛae onkage ape hõ sińrepe ṭạmḍạu baṛaea; ar jãhãnakʼ kạmirege bape jo-bahakʼa. Ape do jaoge santao arpe luṭ ocokʼa; ar ona khon bańcaope lạgitʼ celege bako tahena.

Kạhtukko 4:19

Menkhan bedhoromkoakʼ hor do kaṛaṅ ńut; onko do bako baḍaea cetʼreko tohodokʼ kana mente.

Amos 8:9

Probhu Isore menetʼkana, “Enhilokʼ tikin jokhecʼ siń cando doń hạsur ocoyea ar siń marsalrege dhạrti doń ńut ocoya.

Jobakʼ 15:30

Uni do ńut khon bae paskao oḍok daṛeakʼa; uni do nonkan dareko lekae hoyokʼa one ona reakʼ ḍạrko seṅgelte jhạ̃usạkʼ kan; Isorakʼ moca reakʼ sahẽtʼte uni doe oṭaṅokʼa.

Jobakʼ 18:18

Uni do marsal khon ńutteye pharak ocokʼa; ar dhạrti khon doe laga ńir ocokʼa.

Jobakʼ 20:26

Uniyakʼ dhon lạgitʼ ńut doe ńel horetʼkana. Oka seṅgel manwa bako lagao akatʼ ona seṅgel do uniye ḍahao maraoea, ar uniyakʼ tạmburen sarecʼ sanamkoe utʼgotʼkakoa.

Jobakʼ 22:11

amakʼ marsal do ńut akana, ar onate bam ńeńelkana, banbạsi dakʼ do ame chạplạu esetʼ akatʼmea.

Jobakʼ 24:13

“Ḍher hoṛge marsal upạrteko huleda; onko do marsal reaṅ bako baḍae orometʼkana ar ona reakʼ horkore hõ bako taṛametʼkana.

Jobakʼ 38:15

Bạṛicʼ hoṛkoakʼ marsal doe ĩṛĩcʼ ocoyeda, ar onkoakʼ epel akatʼ ti do rạpudokʼ kana.

Exodus 10:21

Inạ tayom Probhu Isor do Moseye metadea, “Serma secʼ amakʼ ti tiyạrtam. Onate tite ṭunḍuyetʼ leka disạm do ńut cabakʼa.”

Exodus 10:22

Unre Mose do serma secʼ tiye tulkeda, onate Misor disạm do pe din hạbicʼ kaṛaṅ ńut ńutena.