Jobakʼ 5:13 - সান্তালী বাইবেল

¹³ Uni do ạkilanko cạture hudisetʼkoa, ar eṛekoakʼ phundire do baṅ jo bahakʼkana.

Jobakʼ 5:13 Referans Kwoze

1 Korinthiko 3:19

ente Isor samaṅre noa dhạrti reakʼ akel do eken lelhawakʼ kana. Sonot sostorre ol menakʼa, “Isor do akelanko akoakʼ seantetʼreye sapʼetʼkoa.”

Luk 1:51

Uni do ti tiạrkate maraṅ daṛeakʼkoe kạmi akada; ar okoeyakʼ mon hiskạte perecʼge onko doe chir chạturakatʼkoa.

Sereńko 18:26

Ar khạṭiko tulucʼ do khạṭigem beohareda, ar phẽpṛakʼko do amakʼ bud reakʼ phundim udukʼako kana.

Ester 9:25

Menkhan raj do Hamanakʼ soṛojontro tinreye baḍaekeda unre uni do ona olakʼ hukume emena jemon Jihudiko upạrte Haman oka dusṭạmi phundiye aṭaoletʼ ona do uniyakʼ bohokʼrege paṛaokʼ ar uniren hoponko hõ jemonko pạsi ocokʼ.

Ester 7:10

Onate Haman okaṭakʼ pạsikaṭ Mordekai lạgitʼe sapṛao doholetʼ hoṛko do onarege Hamanko pạsikedea. Ar ona tayom do rajakʼ edre thirentaea.

2 Samuel 15:31

Unre Dạudko lạiyadea, “Absalom tulucʼ soṛojontroko modre Ahitophel hõ menaea.” Niạ katha ańjomkate Dạud do nonka menkate koejoṅe ehopʼena, “E Probhu Isor, Ahitophelakʼ sopolha baṛe ạuṛiyakʼ ocoytaeme.”

Kạhtukko 3:32

ente Probhu Isor do konḍea horte calakʼ hoṛ doe kurudakoa, menkhan khạṭi ontorren hoṛko tulucʼ do helmele dohoyeda.

2 Samuel 17:23

Ahitophel do tinreye ńelkeda, acʼakʼ sopolha leka kạmi baṅ hoylena unre uni do acʼren gadhare decʼkate acʼakʼ atoteye calaoena. Ar acʼakʼ oṛakʼ reakʼ jotowakʼ bebosta oṭokateye pạsi gocʼena. Ar acʼren apatakʼ topareko baekadea.

2 Samuel 15:34

Menkhan nagrahate ruạṛ senkate Absalom metaeme, ‘E maharaj iń do amren guti menkategeń tahena; cetʼleka iń do ạpumren gutiyiń tahẽkan onkage ńitokʼ hõ amren gutige minạńa.’ Enḍekhan am do Ahitophelawakʼ sopolha iń lạgitʼem bhoṭ ocoya.

Jobakʼ 15:5

Amakʼ kại iạtege nonkan kathakom roṛeda ar sean hoṛ leka buligem bachao joṅkana.

Jobakʼ 37:24

Ona iạte manwa do uniko botorae kana; ar okoe apnarte ạkilanko hudisotʼkan onko do bae beṅgetʼ ako kana.”

Jirimiạ 8:8

“Ape do cekatepe meneda, ‘ale do ạkilanko kanale ar Probhu Isorakʼ ạn-ạriko ale ṭhen menakʼa.’ Menkhan dhorom guru do ạn-ạriko bhulgeko lạiyetʼte olokʼko do eṛe kathako ol akada.

Jirimiạ 18:18

Hoṛko menkeda, “Dela, abo do Jirimiạ upạrte phundi bon aṭaoa; ente naeke ṭhen ạn-ạri reakʼ cecetʼakʼ, ạkilanko ṭhen sopolha ar nạbiko ṭhen Isorakʼ katha ma menakʼge. Onate dela, aboakʼ moca kathate uni bon dusiyea ar uniyakʼ katha do babo moneyakʼa.

Numeri 22:25

Gadha eṅga do Probhu Isorren goḍete ńelkede khan pạcri aṛe ńokʼte calakʼe ehopʼena. Onate Biliam do mitʼ jaṅga gasaoentaea. Unre Biliam do arhõ gadha eṅgae dalkedea.

Sereńko 9:17

Okoe jạtrenko do Isorko hiṛińedekan onko bedhoromko do gocʼkate patal puriteko calakʼa.

Jesaea 19:3

Misorrenko doko hae nisạsokʼa, ar iń do onkoakʼ goṭawakʼko bạń jo baha ocoytakoa. Ente onko do boṅga murhutʼko ar gocʼ hoṛ ḍakʼkaoko, ar jan guruko ṭhen khon solhako hataoeda.

Jesaea 44:25

Bhonḍ nạbikoakʼ cinhạ doń ạuṛiyakʼ ocoytakoa ar ńeńelko do lelha lekań hoyocokoa. Iń do ạkilankoakʼ ạkiliń ạuṛiyakʼ ocoytakoa ar onkoakʼ bidiyạ doń bebuj ocoya.

Jirimiạ 8:9

Ạkilan hoṛ do lajao arko torasokʼ kana ar jhạlireko paṛaokʼ kana. Onko do Probhu Isorakʼ kathako nihạ̃t giḍiakada, enḍekhan onko do cetʼ lekan ạkil menakʼtakoa?

Jirimiạ 9:22

Probhu Isorge noa katha do memene metadińạ, “Hoṛkoakʼ mạ̃ṛĩ do gur akan tahena guricʼ leka; irokʼicʼ tayomre binḍạko leka, okoehõ ona do bako jarwaea.”

Jirimiạ 49:7

Edom babotre phạdkoren Probhu Isore meneda, “Temanre ạkil do cetʼ bạnukʼa? Budanko ṭhen khon cetʼ sopolha do caba akana? Onkoakʼ ạkil do cetʼ heṛ akantakoa?