Jobakʼ 5:11 - সান্তালী বাইবেল

¹¹ Nindhạn hoṛkoe usuletʼkoa; ar homor halaṅko do nirạiteye dohoyetʼkoa.

Jobakʼ 5:11 Referans Kwoze

1 Patras 5:10

Joto secʼteye dayawape kan Isor do acʼakʼ jaejug ṭhonokren bhạgiyạdarko hoyokʼ lạgitʼe hohoakatʼpea, ente ape do Mạsi tulucʼpe kolom mitʼ akana. Ar thoṛa din dukpe jomle anecʼ Isor do acʼgeye sạbit utạrpea are kajak ocopea, daṛeye emapea ar keṭecʼ rehetʼ cetanreye teṅgopea.

Luk 6:21

Bhạgangeape, ape okoe ńitokʼ reṅgecʼetʼpe, ente ape dope bi ocokʼa. Bhạgangeape, ńitpe rakʼjoṅ kanko do, ente ape dope landa joṅa.

Jeheskel 17:24

Onate ṭạnḍi reakʼ sanam darekoko baḍae daṛeakʼa, iń Probhu Isorge usul dare doń pheḍle ocoya ar pheḍle dare doń usula. Ińge hạriạṛ darekoń rohoṛ ocoya ar rohoṛ dare doń jiwetʼ ocoya. “Iń Probhu Isorge noa katha doń meneda ar iń do onań onkaea.”

Sereńko 113:7

Uni do nandanko dhuṛi khone beretʼetʼkoa, ar reṅgecʼ orecʼko do mande khone rakapʼetʼkoa;

Sereńko 107:41

Menkhan uni do reṅgecʼ orecʼko bhabna khone owarketʼkoa, ar bhiḍi palrenko leka onkoren hoponkoe saṅge ocoketʼkoa.

Dosar Biboron 33:27

Okoe doe jug hilokʼren Isorkan unige amren asarae do; acʼakʼ jaejug reakʼ tite uni do ame sapʼ dohokama. Am samaṅren sanam bạiriko uni doe laga ńirkoa; are mena, ‘noko mohor meṭaokom.’

Jakob 1:9

Okoeṭakʼ biswạsi boehae nindhạnge, ar Isor do uniye usulkedete apnarte bhạganicʼe hudisokʼma.

Sereńko 91:14

Probhu Isore meneda, “Dulạṛte okoye sabeńkan, uni doń rukhiyạyea; ar muhin khoniń bańcaoea, ente uni do ińe oromakadińạ.

1 Patras 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Jisu Mạsi gocʼko khone jiwetʼ beretʼkedete Isor do acʼakʼ maraṅ dayate nãwã janame dan akawatʼbona. Ona iạte abo do mitʼṭecʼ jiwetʼ as bon ńam akada,

Jobakʼ 22:29

Tinre am dom tumbutʼ ocokʼa unrem mena, ‘ińakʼ bạḍại iạtege noa do hoyakana’ amakʼ mạ̃hir iạtege Isor do ame bańcaomea.

Jobakʼ 36:7

Dhorom hoṛko khon acʼakʼ mẽtʼãhã do bae ocokʼeda; uni do rapajko sãote siṅghạsonre onkoe duṛupʼetʼkoa ar jaejug lạgitʼe usul ocoyetʼkoa.

Jobakʼ 8:7

Amakʼ tayom daram dinko do nonka jo bahakʼtama unrem hudisa pạhilakʼ dosa do niạ khon bạṛicʼge tahẽkana.