Jobakʼ 5:10 - সান্তালী বাইবেল

¹⁰ Uni do dhạrtire jạṛi dakʼe emokʼ kana ar jumire dakʼe koleda.

Jobakʼ 5:10 Referans Kwoze

Aposkạmi 14:17

menkhan enhõ uni do jao okte acʼ reaṅ gohae emakada. Ente uni do serma khon dakʼe emokʼkana ar okte nạpitre phosole dan abonkante dayae udukʼape kana. Uni do asambheṛ jomakʼe dan apekante apeakʼ mon do rạskạteye perecʼetʼtapea.”

Jirimiạ 14:22

Jạt jạtkoren ạuṛiyakʼren boṅga murhutʼko do cetʼ dakʼko ạgu daṛeakʼgea? Serma do cetʼ jạṛi dakʼe em daṛekea? E aleren Probhu Isor, eken amgem daṛeakʼa. Am cetanrege ale do asle dohoyeda, ente amge noakom kạmikana.

Jirimiạ 5:24

Onko do mone monete hõ bako mena, ‘dela, aboren Probhu Isor bon botorae ma, ente uni do jao okte lolo ar rabaṅ dinreye dakʼ abon kana, ar phosol irokʼ jokhecʼ hõ jaogeye rukhiyạyetʼ bona.’

Sereńko 147:8

Uni do rimilte sermae esetʼeda; ar dhạrti lạgitʼ dakʼe koleda ar burure ghãse janam ocoyeda.

Amos 4:7

Irokʼ din pe cando ạuri tiyogokʼrege iń do ape cetanre jạṛi dakʼ iń akoṭkeda. Mitʼṭecʼ atore jạṛi dakʼ kolkate eṭakʼ atore do bạń dakʼ ocowada. Mitʼṭecʼ khet do dakʼte lohotʼena, ar eṭakʼ khet do dakʼ begorte khaṅgoṭena.

Jirimiạ 10:13

Uniyakʼ hukumte serma reakʼ dakʼ do chilkibilkikʼ kana; uni do dhạrti reakʼ ses simạna khon rimile rakapʼ ạguyetʼkana. Uni do dakʼ lạgitʼe bijli ocoyeda ar acʼakʼ murại khon hoe koe oḍok ạguiyeda.

Jobakʼ 36:28

Rimil do onae upʼ gotʼkakʼ kana, ar manwa cetanre jạṛi dakʼ do ńurokʼkana.

Jobakʼ 28:26

tinre uni do jạ̃ṛĩ dakʼ reakʼe bondoboskeda, ar bijli huḍur reakʼ hor hõe bandhaokeda,

Jobakʼ 36:27

“Uni do dakʼ reakʼ ṭhopkoe or rakapʼeda, uni do kuṛhạ khon dakʼe cuạu oḍokeda.

Jobakʼ 37:6

Ente him doe metakʼ kana, ‘pirthimire ńurokʼme,’ Ar dakʼ doe metakʼ kana, ‘jhomorate dagme.’

Sereńko 68:9

E Isor, am do asecʼ tasecʼ dakʼem jạṛikeda; ar khaṅgoṭokʼkan disạm dom daṛe ruạṛ ocokeda.