Jobakʼ 42:8 - সান্তালী বাইবেল

⁸ Onate ńitokʼ eae goṭen ḍaṅgra ar eae goṭen bheḍa ạgukate ińren guti Job ṭhen senokʼpe ar apnar lạgitʼ jeredokʼ samaṅokʼakʼ samaṅpe. Ińren guti Job do ape lạgitʼe koejoṅa ar iń do onań ataṅtaea, apeakʼ lelhatetʼ leka jo do bạń emapea.”

Jobakʼ 42:8 Referans Kwoze

Numeri 23:1

Ona tayom Biliam do Balake metadea, “Nonḍe iń lạgitʼ eae goṭecʼ pinḍ benaome ar onare samaṅko lạgitʼ eae goṭecʼ ḍaṅgra ar eae goṭecʼ bheḍa bondobosạńme.”

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.

1 Bõsbudạ 15:26

Okoe Liwiko do Probhu Isorakʼ bondobos sindukko gokʼ ạguiyetʼ tahẽkan onko do Isorgeye ạyuretʼko tahẽkante eae goṭen phẽṭaṛ ar eae goṭen bheḍako samaṅketʼkoa.

Sereńko 103:10

Aboakʼ kạiko lek do bae sạjại bona; ar aboakʼ ghạṭko lek do bae hala ruạṛ abona.

Jobakʼ 22:30

Ona chaḍa uni do eṭakʼ dusi hoṛko hõe bańcaokoa; ar amakʼ ti saphage iạte onko do bańcaoko ńama.”

Jeheskel 14:14

ar onko pene hoṛ, metakʼme Noha, Daniel ar Jobge, ona talareko tahen, enḍekhan, onko hõ akoakʼ dhorom iạte eken akoakʼ jiwigeko rukhiyạ daṛeketakoa. Iń Probhu Isorge noa katha doń meneda.

Genesis 20:17

Noa tayom Abraham do Isor ṭhene koeyana. Onate Isor do Abimelek, ar uniren bạhu ar uniren eṭakʼ maejiukoe bogeketʼkoa. Noate onko do gidrạ janamko reakʼ daṛeko ńam ruạṛkeda.

Jakob 5:14

Uni doe sarhao sereń ma. Jãhãe ruạreye paṛao akana? Uni do manḍerren mukhiyạkoe hoho jarwakoma. Onko do Probhu Isor ńutumte uniyakʼ bohokʼre sunumko ojokʼaete uniko koeyae ma.

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusi akan.”

Jobakʼ 42:9

Unre Timani Eliphas, Suhi Bildad ar Namathiạ Sophar do Probhu Isorakʼ katha lekako kạmikeda, ar Probhu Isor do Jobakʼ koejoṅe ańjomketʼtaea.

Numeri 23:29

Unre Biliame menkeda, “Nonḍe iń lạgitʼ eae goṭecʼ pinḍ benaome ar eae goṭen ḍaṅgra ar eae goṭen bheḍa samaṅko lạgitʼ bondobosạńme.”

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.

1 Johan 5:16

Jãhãege acʼren boeha nonka kạkạikane ńel lekhan one okaṭakʼ do gujukʼ senakʼ baṅkan, enḍekhan uni do Isor ṭhene koejoṅ ma ar onate uni do jiwetʼe dohoyea. Iń do nonḍe onkoakʼ kathageń roṛeda one okoe doko kạiyetʼkan, menkhan onkoakʼ kại do gujukʼ senakʼ do baṅkan. Menkhan gujukʼ senakʼ kại hõ menakʼgea. Ona reaṅ nehõrape reakʼ katha do bạń metapekana.

1 Johan 5:6

Nui kangeae Jisu Mạsi, one okoe do dakʼ ar mãyãm hoteteye hecʼlen. Eken dakʼ hotete do baṅ, bickom dakʼ ar mãyãm hoteteye hecʼlena. Sonot Jiu do noa reaṅ gohae emeda, ente uni do acʼgeye sạriyakʼtetʼ kana.

Jeheskel 45:23

Porob reakʼ eae din dinạmge uni do Probhu Isor ńutumte jeredokʼ samaṅokʼ lạgitʼ niphuṭ utạr eae goṭen ḍaṅgra ar eae goṭen bheḍa emokʼ hoyokʼtaea ar kại ńutumte samaṅokʼ lạgitʼ mitʼṭen merom boda hõ emokʼ hoyokʼtaea.

Jobakʼ 1:5

Onkoakʼ bhoj reakʼ dinko sạtlen khan Job do onko hoho ạgukateye sonotetʼko tahẽkana. Uni do setakʼre onko lạgitʼ mimitʼ goṭenkate jeredokʼ samaṅokʼakʼ porobe hoeocoyetʼ tahẽkana. Uni doe hudisetʼ tahẽkana, “Ińren hopon ar hoponerako do pasecʼko kại akada ar mone monete Isorko henosta akadea.” Job do nonka jaogeye kạmikan tahẽkana.

2 Bõsbudạ 29:21

Onko do rajosṭi lạgitʼ, mundil oṛakʼ lạgitʼ ar Jihudạ hoṛko lạgitʼ kại samaṅokʼakʼ lekate eae goṭen ḍaṅgra, eae goṭen bheḍa, eae goṭen bheḍa hopon ar eae goṭen meromko ạguketʼkoa. Ona tayom raj do naekeko, metakʼme Aronren bõsko Probhu Isorakʼ pinḍ cetanre onko samaṅko lạgitʼe hukumkeda.

1 Samuel 25:35

Ona tayom Dạud do acʼ lạgitʼe ạgu akatʼ jotowakʼ jinisko Abigaelakʼ ti khon hataoketʼteye metadea, “Ńitokʼ do sulukte ruạṛ calakʼme. Iń do amakʼ joto kathań ańjomakada ar amakʼ nehõriń dohoakada.”

Numeri 23:14

Niạ menkate Balak do Pisga buru muthnire okare Sophim ṭạnḍi menakʼ onḍe uniye idikedea. Onḍe uni do eae goṭecʼ pinḍ benaokate mimitʼ goṭecʼ cetanre mitʼṭenkate ḍaṅgra ar mitʼṭenkate bheḍae samaṅketʼkoa.

Exodus 18:12

Inạ tayom Jethro do Isor ńutumte jeredokʼ samaṅokʼakʼ ar eṭakʼ dãṛẽko lạgitʼ janwarkoe ạguketʼkoa. Ar ona tayom Aron ar Israelren sanam murubbiko do Isor samaṅre Moseren hońhartetʼ sãote jojomko duṛupʼena.

Ibriko 10:4

Ente ḍaṅgra ar meromkoakʼ mãyãmte kại do tishõ baṅ meṭao daṛeakʼa.

2Timothi 4:14

Okoe Aleksander do tama reakʼe kạmikan uni do ińakʼ ạḍiye loksan akada. Uni okaṭakʼe ceka akatʼ ona do Probhu Isorgeye halawaema.

Jirimiạ 15:1

Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.

Jirimiạ 14:11

Ona tayom Probhu Isor do iń metadińạ, “Noko hoṛkoakʼ bhạlại lạgitʼ do alom koea.

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

Ibriko 7:25

Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

Ephesiko lạgitʼ Pạul Apostolakʼ ciṭhi 1:6

Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniyakʼ sarhao hoyokʼtae.

Genesis 20:7

Ńitokʼ do acʼren jãwãe ṭhen idi ruạṛkaeme. Uni do mitʼṭen nạbi hoṛ kanae. Uni do am lạgitʼe koeya, ar onate amakʼ jiwi do rukhiyạkʼtama. Menkhan jodi uni bam ruạṛkae, enḍekhan disạime, am ar amren hoṛ sanamgeko gujukʼa.”

Jobakʼ 1:8

Unre Probhu Isor do Soetane metadea, “Ińren guti Job do cetʼem kheyal akadegea? Dhạrtire uni lekan do ar celege bạnukʼkoa. Uni do bindusạn are dhoromgea. Uni do ińe botorạń kana ar sanam lekan bạṛicʼakʼ khon sạṅgińreye tahenkana.”

Jobakʼ 35:8

Amakʼ dusṭạmi do eken manwawakʼgeye khutiya. Ar amakʼ dhorom do eken onkogeye bhạlạikoa.