Jobakʼ 42:2 - সান্তালী বাইবেল

² “Ińiń baḍaea am do jotowakʼgem daṛeakʼa; amakʼ jãhãn goṭawakʼge baṅ akoṭ akana.

Jobakʼ 42:2 Referans Kwoze

Mathae 19:26

Jisu do celako beṅgetʼatʼkoteye metatʼkoa, “Manwako hotete do baṅ hoedaṛeakʼa, menkhan Isor hotete do sanamakʼge hoedaṛeakʼa.”

Mark 10:27

Jisu do beṅgetʼatʼkoteye metatʼkoa, “Manwa hotete baṅ hoydaṛeakʼre hõ, Isor ṭhen bin leṭejokʼakʼ do bạnukʼa; uni ṭhen do sanamakʼge hoyokʼa.”

Genesis 18:14

Probhu Isor ṭhen bin leṭejokʼakʼ do cetʼge bạnukʼanaṅ. Hijukʼkan bochor niạ okte iń do arhõ am ṭheniń hijukʼa ar unre Sarawakʼ hoborre mitʼṭen koṛa gidrại tahena.”

Jirimiạ 32:17

‘E Probhu Isor, am do amakʼ maraṅ daṛete ar amakʼ daṛeanakʼ tite serma ar otem benao akada. Am ṭhen bin leṭecʼakʼ do cetʼge bạnukʼanaṅ.

Jesaea 46:10

Etohopʼ khonge mucạtʼakʼ koń jạhireda, ar sedae khon oka baṅ hoyakan ona hõń lạiyeda. Ińiń men akada, ińakʼ monsubạ do ṭarhao akaege tahena; ar ińakʼ jotowakʼ monsubạń purạutińạ.

Ephesiko lạgitʼ Pạul Apostolakʼ ciṭhi 1:11

Isor do acʼakʼ bud ar akelte apnarakʼ kusileka jotowakʼgeye kạmiyeda. Acʼakʼ monsubạ leka laha khon okaṭakʼe niṭ dohoakatʼ tahẽkan onkage Mạsi hotete acʼren hoṛko hoyokʼ lạgitʼ uni do aboe bachao dohoakatʼ bona.

Sereńko 44:21

enḍekhan Isor do cetʼ ona bae baḍaekan tahẽkana? Uni ma aleakʼ ontor reakʼ jotowakʼge coṅe baḍaege.

Kạhtukko 19:21

Manwa monre ạḍi lekan phundi tahena, menkhan Probhu Isor okaṭakʼe ṭhik dohoakatʼ onage hoyokʼa.

Jobakʼ 23:13

Menkhan jotowakʼre uni do bin bodolicʼ kanae, okoege uni do bako tạkicʼ daram daṛekea; ar uni okae kusiyakʼ onageye kạmikana.

Jesaea 14:27

Phạdkoren Probhu Isorge noako doe ṭhik dohoakada, onate okoe ona doe mạutạ daṛekea? Uniyakʼ ti do tiạr akan menakʼtaea, ar okoe ona doe lạbṛukʼ daṛeketaea?

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Jesaea 43:13

Hẽ, pạhil khon ini kangeạń. Okoege ińakʼ ti khon do ohoko rukhiyạ daṛelena. Ińiń kạmile khan ona do okoe hõ bako bạtil daṛeakʼa.”

Sosolhayic̕ 3:14

Ińiń baḍaea Isor jãhãnakʼgeye cekae ona do jaejug hạbicʼ tahena; cetʼge ona tulucʼ do baṅ juṭujokʼa ar cetʼge ona khon hõ baṅ badokʼa. Isor doe nonka akada jemon manwa uniko botorae.

Sereńko 139:2

Jãhãnakʼgeń cekayetʼ am do jotogem baḍaekana; am do sạṅgiń khonge ińakʼ mon reakʼ hudis bundiskom baḍae daṛeakʼkana.

Luk 18:27

Jisui menkeda, “Manwako ṭhen oka leṭejokʼakʼ baṅ kan Isor ṭhen ona do leṭejokʼakʼ kangea.”

Mark 14:36

Uni doe menkeda, “Abba, E Baba, am ṭhen do sanamakʼge hoedaṛeakʼa. Noa duk reakʼ bạṭi iń khon ocogme baṛe. Enhõ ińakʼ sana leka do baṅa menkhan amakʼ sanage purạukʼ ma.”

Jeheskel 38:10

“ ‘Enhilokʼ amakʼ monre do aema lekan hudisko hecʼama ar mitʼṭecʼ bạṛicʼ bundisem perejokʼa.

Jirimiạ 17:10

Iń do Probhu Isorakʼ ontoriń ḍunḍhạueda ar moniń biḍạu aṭkareda; iń do manwawakʼ dãṛãn ar uniyakʼ kạmi lekate kuṛạiyiń emaekana.

Johan 21:17

Uni do tesar dhao Simon Patrase metadea, “Jona hopon Simon, sạrigem dulạṛ edeńkana?” Patras doe mon dukena, ente Jisu do tesar dhao uniye kulikedea, “Sạrigem dulạṛedeń kana?” Onate Patras do Jisui metadea, “E Probhu am do jotowakʼgem baḍaea, ar noa hõm baḍaegea amiń dulạṛetʼme kana.” Jisu do uniye metadea, “Ińren bhiḍiko gupikom.

Jobakʼ 25:2

“Rajosṭi do Isorakʼ kangea, Mạliki ar toras hõ uniyakʼge; Uni do coṭ sermare acʼakʼ suluke hoeocoyeda.

Jobakʼ 42:1

Job do unre Probhu Isore metadea,

Sereńko 135:6

Ot ar sermare, jalapuri ar khạndriyakʼkore Probhu Isor do acʼakʼ kusi sana lekae kạmikana.

Daniel 4:32

Am do hoṛko tala khonem laga ńir ocokʼa ar janwarko sãotem tahena; ar ḍaṅgra leka ghãskom joma. Ar tin hạbicʼ bam aṅgoc maraṅ Isor do manwakoakʼ rajosṭiko cetanreye rajokʼkana ar onako rajosṭi do acʼakʼ kusi lekae em akokana unhạbicʼte eae bochor do parom calakʼa”