Jobakʼ 42:12 - সান্তালী বাইবেল

¹² Probhu Isor do Jobakʼ jion reakʼ pạhilteakʼ khon tayom teakʼge bạ̃ṛtiye ạsirbadatʼtaea. Uniren do gelpon hajar bhiḍi, meromko, turui hajar ũṭko, mitʼ hajar joṛ ḍaṅgra ar mitʼ hajar gadhako hoyentaea.

Jobakʼ 42:12 Referans Kwoze

Jobakʼ 8:7

Amakʼ tayom daram dinko do nonka jo bahakʼtama unrem hudisa pạhilakʼ dosa do niạ khon bạṛicʼge tahẽkana.

Sosolhayic̕ 7:8

Jãhãnakʼ reakʼ etohopʼ khon mucạtʼge bhagea, ar bạḍại khon sombhurikʼge bhagea.

Kạhtukko 10:22

Probhu Isor okoeye bhorae uni doe kisạ̃ṛgea; ar ona bhorre jãhãn duk ar kosṭo do baṅ tahena.

Genesis 24:35

Probhu Isor do ińren kisạ̃ṛ ạḍiye bhor akawadea; ar onate ạḍi kisạ̃ṛe hoyakana. Probhu Isor do ạḍi utạr ḍaṅgrako ar bheḍako, sona ar rupạko, guti-kạ̃ṛmĩko, ũṭ ar gadhakoe emakawadea.

Jobakʼ 1:3

Ar eae hajar bhiḍiko, pe hajar ũṭko, mõṛẽsae joṛa ḍaṅgra ar mõṛẽsae gadhako tahẽkantaea. Purub disạmren hoṛko modre unige jotoko khon kisạ̃ṛgeye tahẽkana.

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼ, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beoharjoṅ lạgitʼ.

Sereńko 107:38

Uni do onkoe bhorako kana ar onate onko do ạḍiko saṅgekʼkana; uni do onkoren ạtiń janwarko bae komao ocoyetʼkoa.

Dosar Biboron 8:16

Uni do hahaṅkarre Mannae jom ocoketʼpea, ona reakʼ katha aperen hapṛamko do bako baḍaekan tahẽkana. Ape biḍạu aṭkarpe ar apeakʼ bạḍại rạpudtape lạgitʼ uni do onae ematʼpe tahẽkana jemon mucạtʼ hạbicʼ apeakʼ bhạlại hoyokʼtapea.

Jakob 5:11

Okoe sombhurikateko sahao akatʼ onko do bhạgankole metakokana. Ape do Jobe sumbrạuletʼ reakʼ kathape ańjomakada ar Probhu Isorakʼ kạmi reakʼ mucạtʼ jo do bhagegea mente ona hõpe ńelakada. Probhu Isorakʼ daya ar mãyã reakʼ mucạtʼtetʼ do bạnukʼa.

Jobakʼ 1:10

Am do cetʼ uni beṛhaete ar uniyakʼ oṛakʼ ar okako menakʼtae ona beṛhaete cetʼ bam esetʼ ạcurakadea? Am do unim bhor akawadea, onate uniren ạsul janwarkote disạm do perecʼ akana.

Jeheskel 36:11

Apere manwa ar janwarkoakʼ lekha hõń ḍher ocoya ar onko doko bạḍ idikʼa ar lekhareko ḍherokʼa. Ar apere lahate lekage hoṛkoń girobas ocokoa ar laha khon hõ ḍher gidrạkoń hoyocokotapea. Unrepe baḍae daṛeakʼa, ińkangeạń Probhu Isor do.

Genesis 32:14

Ona do hoyokʼ kana, barsae merom pạṭhi ar bargel merom eṅga, barsae bhiḍi ar bargel bheḍa, hopon sudhạ toa emokʼ pegel ũṭko, pongel gại ar gel goṭecʼ ḍaṅgra, bargel gadha eṅga ar gel goṭecʼ gadha.

Jobakʼ 1:2

Uniren do eae goṭen koṛa ar pea kuṛi hoponko tahẽkantaea.