Jobakʼ 42:11 - সান্তালী বাইবেল

¹¹ Uniren boeha ar miserako okoe do laha khonko orom akade tahẽkan onko sanamkoge uniyakʼ oṛakʼre hecʼkateko jom ńukeda. Ar Probhu Isor do uni cetanre okako duke ạguketʼ ona lạgitʼ jiwi raṛecʼko emadea. Onko do mimitʼ hoṛ thoṛa thuṛi ṭaka poesa ar mimitʼ goṭecʼ sona mundạmko emadea.

Jobakʼ 42:11 Referans Kwoze

Jobakʼ 2:11

Temani Eliphas, Suhi Bildad, Namathi Sophar ńutuman Jobren pea gate tinre Jobakʼ muhin reakʼ kathako ańjomkeda unre onko do akoakʼ oṛakʼ khonko mohnḍayena. Ar jarwakateko sopolhawana, onko do senkate uni sãoteko dukokʼa ar jiwi raṛecʼko emaea.

Kạhtukko 16:7

Manwa jion ńelte tinre Probhu Isor doe kusikʼa unre uni do acʼren bạiriko hõ sulukteye girobas ocokoa.

Genesis 24:22

Ũṭko dakʼe ńũ sạtatʼko khan uni guti do turui gram ojon sona reakʼ mitʼṭecʼ mạkṛi ar banar ti lạgitʼ barsae gram ojon sona reakʼ barea sakom oḍokkate Rebekae caladeteye kulikedea,

Ibriko 12:12

Onate apeakʼ borocʼ ti ar nijor gunṭhiko do daṛe ocoytape.

Ibriko 13:3

Okoe hajotre menakʼko onko sãote ape hõpe kạidi oco akana, ar khed ocokʼkanko sãote ape hõpe khed ocokʼkana mente hudiskate onkoakʼ katha disạipe.

1 Korinthiko 12:26

Mitʼ hạṭiń manote ńam khan enḍekhan goṭa hạṭińge ona sãote hulạsokʼa.

Romiko lạgitʼ Pạul Apostolakʼ ciṭhi 12:15

Okoeko rạskạkʼkan onko tulucʼ rạskạkʼpe; ar rakʼ joṅko tulucʼ do rakʼjoṅpe.

Jobakʼ 16:5

Menkhan bạń onkakea, bickom mocateń udgạukepea; ińakʼ luṭikin reakʼ jiwi raṛecʼ katha do hasoe raṛecʼketapea.

Jobakʼ 4:4

Okoe jion reakʼ horreko tohotʼ akan onko do amakʼ kathare goṛoko ńamakada; ar lạbṛukʼ gunṭhikom keṭecʼ ocoakatʼtakoa.

1 Samuel 10:27

Menkhan mitʼ bar bạṛicʼ hoṛ doko menkeda, “Nui hoṛ do cetʼ lekateye rukhiyạ bona?” Onko do uniko nihạ̃tkedea ar cetʼ sandesge bako emadea. Menkhan khan Sạul do hapegeye tahẽyena.

Josuạ 24:32

Israel hoponko do Misor disạm khon Josephakʼ oka jaṅkoko ạgu daraletʼ, ona do Sikemreko topakada. Noa jaega Jakob do Sikemren apattetʼ Hamorren hoponko ṭhen khon mitʼ sae rupạ ṭakateye kirińleda. Noa jaega do Joseph bõsrenkoakʼ sompotti talare tahẽkana.

Genesis 37:35

Ar uniren eṭakʼ hoponko do uniyakʼ jiwi raṛejtae lạgitʼko kurumuṭukeda, menkhan cetʼtege jiwi do baṅ raṛecʼlentaea. Uni doe menkeda, “Iń do rakʼ rakʼteń gujukʼte ińren hoponiń ṭheniń calakʼa.” Nonkate Jakob do Joseph lạgitʼ ạḍiye rakʼkeda.

Genesis 24:53

Ona tayom uni do sona ar rupạ reakʼ gohona ar kicricʼko oḍokkate Rebekae emadea, ar Rebekaren boeha ar eṅgattetʼ hõ aema dam reakʼ jiniskoe ematʼkinạ.

Johan 11:19

Jihudiko modren ḍher hoṛge Martha ar Mạriạmren boehae gocʼakan iạte jiwi raṛecʼ tạkin lạgitʼko hecʼakan tahẽkana.

Kạhtukko 14:20

Reṅgecʼ hoṛ do acʼren peṛako hõ bako kusiwaea, menkhan kĩsạ̃ṛ hoṛren do aema gateko tahena.