Jobakʼ 42:10 - সান্তালী বাইবেল

¹⁰ Job do acʼren gateko lạgitʼe koeketʼ khan Probhu Isor do Jobakʼ dhon dhuribe ruạṛkatʼtaea ar lahateakʼ khon bar dobṛae emadea.

Jobakʼ 42:10 Referans Kwoze

Dosar Biboron 30:3

unre Probhu Isor do bondi dosa khone chaḍao ruạṛ ạgupea. Uni doe mãyãwapea ar okoe jạtrenko talareye pasnaope onko tala khon arhõe halaṅ samṭao ruạṛpea.

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Jesaea 61:7

Ińren hoṛko do lajao bodolte sompotti reakʼ dobṛa hĩsko ńama, ar bemanot bodolte do dhonteko hulạsokʼa. Onkoakʼ disạmre dobṛa hĩsko ńama ar jaejugko rạskạkʼa.

Kạhtukko 22:4

Nindhạnokʼ ar Probhu Isor botorae reakʼ kuṛại do dhon man ar jione ạguiya.

Sereńko 14:7

Israelkoakʼ babańcao do Sion khonge hijukʼa; Probhu Isor do tinre acʼren hoṛkoakʼ dosae ruạṛkatakoa unre Jakob bõskoren doko rạskạkʼa, ar Israelko hõko kusikʼa.

Sereńko 126:1

Probhu Isor do tinre lahate leka Sione pherao ruạṛkeda, unre kukmũ ńelketʼ leka bon bujhạukeda.

Aposkạmi 7:50

Noako jinis do cetʼ ińakʼ nij tite bạń benao akada?’

Jobakʼ 1:3

Ar eae hajar bhiḍiko, pe hajar ũṭko, mõṛẽsae joṛa ḍaṅgra ar mõṛẽsae gadhako tahẽkantaea. Purub disạmren hoṛko modre unige jotoko khon kisạ̃ṛgeye tahẽkana.

Hagae 2:8

Rupạ hõ ińakʼkana, ar sona hõ ińakʼkangea.

Dosar Biboron 9:20

Aron marao giḍikae reakʼ edre hõ rakapʼade tahẽkana menkhan ona jokhecʼ Aron lạgitʼ hoń nehõrlena.

Numeri 12:13

Unre Mose do ãṭ aṛaṅte hohoate Probhui metadea, “E Isor, uni baṛe bogeyeme.”

Numeri 12:2

“Probhu Isor do cetʼ eken Mose tulucʼe galmaraoeda? Ạliń tulucʼ do cetʼ bae roṛakada?” Probhu Isor do noako katha reakʼe ańjomkeda.

Aposkạmi 7:60

Are ikhṛumente ãṭ aṛaṅteye menkeda, “E Probhu Isor, nokoakʼ noa kại do alom lekhawakoa,” Ar noa menkate uni doe gocʼena.

2 Bõsbudạ 25:9

Unre Amasiạ do Isorren hoṛe metadea, “Noko Israelren lạṛhại phạdko lạgitʼ iń oka pe hajar are sae rupạń emakatʼ ona reakʼ do cetʼ hoyokʼa?” Isorren hoṛe roṛ ruạṛkeda, “Isor do ona khon hõ bạ̃ṛtiye em daṛeama.”

Luk 16:27

“Unre kisạ̃ṛ hoṛe menkeda, ‘E baba, enḍekhan dayakate iń babawakʼ oṛakʼte Lasar baṛe kolkaeme,

1 Samuel 2:7

Probhu Isorge manwa doe kisạ̃ṛ are reṅgecʼ ocoyea; ente uni kangeae cokʼpotʼicʼ ar uni kangea usul ocoyicʼ.

Dosar Biboron 8:18

Menkhan aperen Probhu Isorakʼ katha do alope hiṛińa; unige niạko hoyocoe reakʼ daṛeye emakatʼpea, ar nonkage uni do aperen hapṛamko ṭhen oka bondobos reakʼ katha kiriạkateye menletʼ ona do ńitokʼe purạu lạgidokʼ kana.

Genesis 20:17

Noa tayom Abraham do Isor ṭhene koeyana. Onate Isor do Abimelek, ar uniren bạhu ar uniren eṭakʼ maejiukoe bogeketʼkoa. Noate onko do gidrạ janamko reakʼ daṛeko ńam ruạṛkeda.

Numeri 14:10

Menkhan onko do Josuạ ar Kaleb dhirite tiń gocʼkin lạgitʼko mepenena. Unre ńapamokʼ tạmbu khon Probhu Isorakʼ ṭhonok do sanam Israel hoponko samaṅre sodorena.

Sereńko 53:6

Israelkoakʼ babańcao do Sion khonge hijukʼa. Isor do tinre acʼren hoṛkoakʼ dosae ruạṛkatakoa unre Jakob bõskoren doko rạskạkʼa ar Israelko doko kusikʼa.

Jakob 5:11

Okoe sombhurikateko sahao akatʼ onko do bhạgankole metakokana. Ape do Jobe sumbrạuletʼ reakʼ kathape ańjomakada ar Probhu Isorakʼ kạmi reakʼ mucạtʼ jo do bhagegea mente ona hõpe ńelakada. Probhu Isorakʼ daya ar mãyã reakʼ mucạtʼtetʼ do bạnukʼa.

1 Samuel 2:8

Uni do dhuṛi khon nacaricʼe rakapʼedea, ar okulạnicʼ do torocʼ khone beretʼedea. Cetan hudạren hoṛko sãote uni do onkoe duṛupʼ ocokoa, ar manot reakʼ siṅghạsone emakoa; ente dhạrti reakʼ kham khunṭiko do Probhu Isorakʼge, uni do onako cetanre pirthimiye dohoakada.

Jobakʼ 1:2

Uniren do eae goṭen koṛa ar pea kuṛi hoponko tahẽkantaea.

Jobakʼ 42:9

Unre Timani Eliphas, Suhi Bildad ar Namathiạ Sophar do Probhu Isorakʼ katha lekako kạmikeda, ar Probhu Isor do Jobakʼ koejoṅe ańjomketʼtaea.