Jobakʼ 41:10 - সান্তালী বাইবেল

¹⁰ Uni buskoye reakʼ dil do okoeyakʼge bạnukʼanaṅ; enḍekhan iń samaṅre okoeye teṅgo daṛekokʼa?

Jobakʼ 41:10 Referans Kwoze

Jobakʼ 9:4

Uniyakʼ akel do khạndrigea, ar daṛe hõ asambheṛgetaea; uni upạrte teṅgokate okoe haleye rukhiyạ daṛekokʼa?

1 Korinthiko 10:22

Noa iạte Probhu Isor do cetʼ babon ãṭ ocoyedekana? Abo do cetʼ uni khon bon daṛegea?

Jirimiạ 12:5

“Manwa sãote ńir haparaokʼrem laṅgayen khan tobe do sadom sãote ńir haparaokʼ do cekatem daṛekokʼa? Eken sulukte perecʼ disạmrege khạtirjoma tahenem hudisetʼ khan enḍekhan jordan reakʼ bir gajaṛre do cekatem tahena?

Jobakʼ 40:9

Amakʼ do cetʼ Isor leka daṛe menakʼtama? Uniyakʼ aṛaṅ lekam hạnḍrạukʼ daṛeakʼa?

Jobakʼ 3:8

Din sakʼrapko do onako sarapakʼma ar Libiathonko buskurema onko do ona dinko sarapakʼma.

Numeri 24:9

Dhạcri kul ar kul eṅgal leka onko doko burumokʼa arko kunḍlạṅ hapekokʼa, unre onko beretʼko reakʼ do okoeye dilkea? Okoe apeko bhorape onkage onkore hõ bhor paṛaokʼma; ar okoe sarapko emape, onkage onko cetanre hõ sarap paṛaokʼma.”

Genesis 49:9

E Jihudạ, am dom dhạcri kul hoponkana; sendra jel jom baṛakate ińren nui hopon doe rakapʼ hijukʼa; dhạcri kul ar kul eṅga lekae burum akana. Okoe hale uni doe buskukea?

Jobakʼ 41:9

Uni domone reakʼ joto asge ạuṛiyakʼgea; uni ńel torage hoṛ do dilko adtakoa.

Jirimiạ 49:19

“Jordan reakʼ bir khon cetʼleka dhạcri kul do sikạr lạgitʼe oḍokʼ hijukʼ onkage mitʼ ripitʼre Edom do acʼakʼ disạm khoniń laga ńirea. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”

Jirimiạ 50:44

Jordan reakʼ bir khon cetʼleka dhạcri kul do mońj ạtiń ṭạnḍire sikạr lạgitʼe oḍokʼ hijukʼ onkage mitʼ ripitʼre Babelrenko do akoakʼ disạm khoniń laga ńirkoa. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”

Jobakʼ 3:9

Ona dinren aṅga marsalokʼren ipilkoko ńutokʼma; uni do marsal lạgitʼ ạuṛiyakʼgeye duṛupʼ tahenma; jemon aṅga marsal alo baṛeye ńelńam,