Jobakʼ 40:9 - সান্তালী বাইবেল

⁹ Amakʼ do cetʼ Isor leka daṛe menakʼtama? Uniyakʼ aṛaṅ lekam hạnḍrạukʼ daṛeakʼa?

Jobakʼ 40:9 Referans Kwoze

Sereńko 89:13

Amakʼ ti do ektiạrite perecʼgea; amakʼ tire do daṛe menakʼa, ar amakʼ jojom ti reakʼ daṛe do ohoge tulạulena.

1 Korinthiko 10:22

Noa iạte Probhu Isor do cetʼ babon ãṭ ocoyedekana? Abo do cetʼ uni khon bon daṛegea?

Jesaea 45:9

“Hae uni hoṛ do, okoe do acʼren sisirjạuicʼ sãoteye reṭepeṭekʼ kan. Uni do hasa bhajanko modren chaḍa ar cetʼgeye baṅkana. Jaṭaṅ hasa do cetʼ kuṅkạle kuli daṛekea, ‘cedakʼem sirjạukedińa?’ Amakʼ benaoakʼ jinis do cetʼ ame men daṛeama, ‘am do cetʼ dhej hõ bạnukʼtama?’

Sereńko 89:10

Rahab do gocʼicʼ leka amgem chaka chun akadea; am daṛeanakʼ tite amren bạirikom chirchạtur akatʼkoa.

Sereńko 29:3

Dakʼ cetanre Probhu Isorakʼ aṛaṅ do ańjomokʼa; Ar ṭhonokren Isor doe huḍureda; ar sanam dakʼko cetanreye huḍur ocoyeda.

Jobakʼ 23:6

Uni do cetʼ maraṅ daṛete iń tulucʼe jhogṛakokʼa? Baṅa, uni do ińakʼe ańjomketińạ.

Jobakʼ 9:4

Uniyakʼ akel do khạndrigea, ar daṛe hõ asambheṛgetaea; uni upạrte teṅgokate okoe haleye rukhiyạ daṛekokʼa?

Exodus 15:6

“E Probhu Isor, ektiạrite perecʼ amakʼ ona jojom ti do, hẽ ona jojom ti do bạirikoe chaka chunketʼkoa.

Jirimiạ 50:24

E Babel, iń do am lạgitʼ mitʼṭecʼ jhạliń oḍao akada ar begor baḍaete onarem jhạli akana; am dom ńamakana ar sapʼ hõm sapʼ ocoakana, ente am do iń upạrtem teṅgolena.

Jeheskel 10:5

Kerubkoakʼ phạ̃kṛạ̃kʼ reakʼ saḍe do raca hạbicʼ ańjomokʼkan tahẽkana; ona saḍe do phạdkoren Probhu Isorakʼ roroṛkan aṛaṅ lekage tahẽkana.

Josuạ 4:24

Uni do noae kạmikeda jemon dhạrtiren sanam jạtrenko baḍae daṛeakʼ, Probhu Isorakʼ ti do daṛeangea ar jao ghuṛi jemon aperen Probhu Isorpe botorae.”

Jobakʼ 37:2

Ańjompe, uniyakʼ aṛaṅ reakʼ gondraokʼ; uniyakʼ moca khon oka saḍe oḍokokʼkan ona ańjompe.

Sereńko 29:4

Probhu Isorakʼ aṛaṅ do daṛete perecʼgea, ar ṭhonokte hõ purungea.

Sereńko 98:1

Probhu Isor ńutumte nãwãnakʼ sereńpe, ente uni do aema hahaṛawakʼkoe kạmi akada; uniyakʼ daṛe, hẽ, uniyakʼ sonot maraṅ daṛete uni doe bańcao akada.

Jesaea 52:10

Probhu Isor do sanam jạtrenkoakʼ mẽtʼ samaṅre acʼakʼ daṛeanakʼ sonot tiye sodortaea, ar dhạrti reakʼ sanam jaegaren hoṛko do aboren Isorakʼ babańcao reakʼ kạmiko ńela.