Jobakʼ 40:23 - সান্তালী বাইবেল

²³ Gaḍare ḍubạ dakʼ hecʼlenre hõ uni do bae botorokʼ kana; jordan gaḍa reakʼ dakʼ mocare gad gadaoaekanre hõ uni doe khạtirjomagea.

Jobakʼ 40:23 Referans Kwoze

Genesis 13:10

Unre Lot do Jordan reakʼ bilạn ṭạnḍire ḍher dakʼko ar jaega hõ mońjgeye ńelkeda, metakʼme Probhu Isorakʼ bagwan leka, ar onka baṅre hõ Soyer calakʼ hor reakʼ Misor leka. Probhu Isor do un hạbicʼ hõ Sodom ar Gomora do bae ḍahao marao akatʼ tahẽkana.

Jesaea 37:25

Uprikoakʼ jaegare am do kuńem la akada ar onḍenakʼ dakʼem ńũ akada. Amakʼ jaṅgate Misor reakʼ gaḍakom lebetʼ rohoṛakada.

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Sereńko 55:8

Ińakʼ asray gaṛregeń ńir calaokokʼa, ar hoe bharḍo khon sạṅgińteń senkokʼa.”

Josuạ 3:15

Phosol samṭao reakʼ purạ okte jordan gaḍa reakʼ dakʼ do ḍhip khon se oḍokʼkan tahẽkana. Menkhan goha-sinduk gogokʼ naekeko do jordan gaḍa ṭhen seṭerkate dakʼreko boloyen khan cetan khon ạtu hijukʼkan dakʼ do thir hapeyena. Ona dakʼ do sạṅgiń reakʼ Sartham nagraha sor Adam ato ṭhen dun dun teṅgoyena; onate dakʼ do Araba doreão secʼ, metakʼme buluṅ doreão secʼ ạtu calakʼ do thirena. Onate Israelko do Jerikho nagraha reakʼ samaṅ secʼte gaḍako paromena.

Jobakʼ 40:22

Poraini jhạuạko doko umul aḍekana; soḍokʼ reakʼ bạisi dareko doko esetʼ ạcur edekana.

Jobakʼ 40:24

Uniyakʼ disạ daramre uni do cetʼ jãhãeye sapʼ daṛekea? Se pạsi baberte jãhãe nạthui phuṛạu daṛeketaea?