Jobakʼ 40:13 - সান্তালী বাইবেল

¹³ Onko sanamkoge dhuṛire topa oko dohokom; ar mẽtʼãhã do patalre tolkatakom.

Jobakʼ 40:13 Referans Kwoze

Jesaea 2:10

Probhu Isorakʼ botoranakʼ edre ar uniyakʼ ṭhonok reakʼ malkaokʼ khon rukhiyạ ńam lạgitʼ maraṅ maraṅ dhiri paṛakʼkore bolokʼpe, ar otre okokʼpe.

Johan 11:44

Khange gocʼlenicʼ do topa khone oḍokʼ hecʼena. Uniyakʼ ti-jaṅga do topa reakʼ kicricʼte bedhao akan ar mẽtʼãhã do gamchate tol poṭomge tahẽkantaea. Jisu do hoṛkoe metatʼkoa, “Raṛayepe ar sen ocoaepe.

Sereńko 49:14

Bhiḍi palko cetʼleka niṭ akatʼ khạṛreko idi ocokʼ, onkage niṭ akatʼ patal purire onko hoṛ hõko idi ocokʼa; onḍe do gujukʼge onkoren gupiyicʼe hoyokʼa. Din reakʼ etohopʼrege Isor botoraekan hoṛ do onko cetanreko jitạukʼa; ar patal puri do onko hoṛkoakʼ hoṛmoe jomtakoa; onkoakʼ tahen reakʼ jaega do ar cetʼge baṅ tahena.

Jobakʼ 36:13

“Isor baṅ botorae hoṛ do raṅgaoko dohoyeda; uniye tolleko khan hõ goṛo ńam lạgitʼ do bako guhera.

Jobakʼ 14:13

“Ohae, Sheolre baṛem oko danaṅ liń khan, amakʼ edre ạuri cabakʼ hạbicʼem doholiń khan, ar ona tayom mitʼṭecʼ oktem niṭạńte ińem disạ ocoyiń!

Ester 7:8

Raj doṅgol reakʼ bagwan khon raj do bhoj oṛakʼteye ruạṛ hecʼena ar unre Ester oka duṛupʼakʼre ṭenḍarkateye duṛupʼ akan tahẽkan onare Haman doe ombakʼ akan tahẽkana. Unre raj do ãṭ aṛaṅteye menkeda, “Nui do cetʼ iń samaṅrege ińren rạniye jormoṭea?” Rajakʼ moca khon niạ katha oḍokokʼ são sãote hoṛko do Hamanakʼ mẽtʼãhãko betʼketʼtaea.

Jobakʼ 40:14

Enḍekhan iń do amiń aṅgocmea, amakʼ daṛege am doe rukhiyạmea.

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.