Jobakʼ 40:12 - সান্তালী বাইবেল

¹² Mitʼke mitʼ bạḍại hoṛ beṅgetʼ pheḍakome ar copotʼ ocokom; ar bedhoromko do akoakʼ ṭhạ̃irege lebetʼ gańjaokom.

Jobakʼ 40:12 Referans Kwoze

Jesaea 63:3

“Iń eskarge darkha jo doń lelenkana; jạt jạtrenko mod khon okoe hõ iń soṅgete do bako tahẽkana. Iń do edreteń lebetʼketʼkoa ar raṅgaote jaṅgateń lebetʼ gańjaoketʼkoa; ar onkoakʼ mãyãmge ińakʼ kicricʼre irciyena ar ińakʼ sanam kicricʼko do gabao cabayentińạ.

Malaki 4:3

Ona tayom do dusṭạmikope lebetʼ gańjaokoa, ente oka hilokʼ onakoń kạmiya enhilokʼ onko do apeakʼ jaṅga latarre ńur akan torocʼ baraggeń hoyocokoa. Iń phạdkoren Probhu Isorge noa katha doń meneda.

Sakariạ 10:5

Unre Jihudạren hoṛ do nonkan daṛean hoṛ lekako hoyokʼa onko do lạṛhạire ḍahar reakʼ losotʼ leka bạiriko lebetʼ khadbadaokoa. Ar iń do onko sãoteń tahente lạṛhạire aswarikoko bhagaokoa.

Jesaea 13:11

Probhu Isore meneda, “Bạṛicʼakʼko iạte iń do pirthimiń sạjạiyea; ar bạṛicʼkoakʼ behokakʼ iạte onkoń sạjạikoa. Iń do phulạkʼ kankoakʼ bạḍạiyiń cabaetakoa ar kurmutạhakoakʼ gorbo doń rạpudtakoa.

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Sosolhayic̕ 11:3

Rimil do dakʼte perecʼge tahen khan ona do dhạrtire dakʼe dul ruạṛa. Dare do utạr ar dạkhin jãhãsecʼge bhinḍạṛokʼ, ona do inạ ṭhạ̃irege tahenkana.

Kạhtukko 15:25

Probhu Isor do bạḍạikoakʼ oṛakʼe rạputʼeda, menkhan rạnḍi ar dukhikoakʼ simạ doe ṭarhao aroeya.

Sereńko 60:12

Isorakʼ goṛote ale dole jitạukʼa; ar aleren bạiriko uni doe lebetʼ gańjaokotalea.

Jobakʼ 36:20

Ona ńindạ reakʼ do alom asokʼa ona jokhecʼ hoṛ doko gujukʼa.

1 Samuel 2:7

Probhu Isorge manwa doe kisạ̃ṛ are reṅgecʼ ocoyea; ente uni kangeae cokʼpotʼicʼ ar uni kangea usul ocoyicʼ.

Romiko lạgitʼ Pạul Apostolakʼ ciṭhi 16:20

Sulukren Isor do ạḍi usạrage apeakʼ jaṅga latarre Soetane lebetʼ gańjaoea. Aboren Probhu Jisuakʼ daya ape cetanre baṛe tahenma.

Jesaea 2:12

Phạdkoren Probhu Isor do gorbokʼ ar bạḍại udukʼetʼ hoṛko ar cetanre menakʼko onko sanamko lạgitʼ mitʼṭecʼ dine ṭhik dohoakada; enhilokʼ do jotogeko tumbutʼ ocokʼa.

Jesaea 22:19

Iń do amakʼ hudạ khoniń ocokʼmea; ar amakʼ ṭhạ̃i khoniń ḍheka ńurmea.

Jesaea 23:9

Uniyakʼ sanam bạḍạiko maraotae lạgitʼ ar dhạrtiren manotan hoṛko bemanotko lạgitʼ phạdkoren Probhu Isorge niạ doe goṭa doholetʼ tahẽkana.

Jirimiạ 48:29

“Moab do ạḍi bạḍại hoṛkanae. Abo do uniyakʼ bạḍại reakʼ katha, uniyakʼ eṛeteakʼ, uniyakʼ edre reakʼ ar uniyakʼ phulạukʼ reakʼ katha bon baḍaegea.

Daniel 4:24

“E maharaj, ńitokʼ okań menetʼkan ona do ińren kisạ̃ṛ maharajakʼ kukmũ reakʼ bhedkana. Noa do Coṭ utạricʼakʼ hukum kangea.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Daniel 5:20

Menkhan tinre uniyakʼ ontor do usulokʼ ehopʼentaea ar gorboteye perecʼena unre uni do raj siṅghạson khone pheḍ ocoyena ar uniyakʼ ṭhonok do recʼ ocoyena.

Sereńko 94:2

E dhạrtiren bicạricʼ, de beretʼme; ar bạḍạikoakʼ kuṛại baṛe emkatakom.