Jobakʼ 4:11 - সান্তালী বাইবেল

¹¹ Sikạr bako ńamle khan dhạcri kul doko gujukʼa, ar kul hopon doko chirchạturokʼa.

Jobakʼ 4:11 Referans Kwoze

Sereńko 34:10

Juạn dhạcri kulkoakʼ do jomakʼ reakʼ ṭonṭa hoyokʼkana, onko do reṅgecʼteko kosṭokʼkana; menkhan okoe Probhu Isorakʼ sana lekako calakʼ onko do bhageakʼte bako ṭonṭakʼa.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Hosea 11:10

Amren hoṛ do ińko pańjayińạ, ente iń do dhạcri kul lekań hạnḍrạukʼa. Ar ińiń hạnḍrạu tayom ińren hoponko do pạchim secʼ khon thar tharaokʼ tulucʼko hijukʼa.

Jirimiạ 4:7

Mitʼṭen dhạcri kul do gajaṛ bạgikateye oḍok hecʼakana; ar jạtrenko maraoko lạgitʼ hõ mitʼ hoṛe mohnḍa akana. Amakʼ disạm ujạṛ lạgitʼ uni do acʼakʼ ṭhạ̃i khone oḍok akana. Amakʼ nagrahako do jarkharokʼa, onḍe do celege bako tahena.

Sereńko 7:2

Ar baṅkhan onko do dhạcri kul leka jiwiko cirạitińạ; arko kaṭra kuṭrạ cabayińạ, ar iń bańcaoiń lạgitʼ do celege bako tahena.

Jobakʼ 38:39

“Dhạcri kul do tinre gaṛreye giticʼ tahena se gajaṛre tãṛãkʼ akane tahena, unre kul eṅga do cetʼ amgem sendra gocʼ ạguae kana ar reṅgecʼ jokhecʼ dhạcri kul do jomakʼem emae kana?

Jobakʼ 1:19

Unre hahaṅkar khon ackage mitʼṭecʼ birbão hoe rakapʼ hecʼena ar ona oṛakʼre bajaoena. Onate oṛakʼ do onko cetanre ńurena ar onko doko gocʼ cabayena. Ar am khoboram lạgitʼ eken iń eskargeń sarecʼ akana.”

Numeri 24:9

Dhạcri kul ar kul eṅgal leka onko doko burumokʼa arko kunḍlạṅ hapekokʼa, unre onko beretʼko reakʼ do okoeye dilkea? Okoe apeko bhorape onkage onkore hõ bhor paṛaokʼma; ar okoe sarapko emape, onkage onko cetanre hõ sarap paṛaokʼma.”

Numeri 23:24

Noko hoṛko do kul eṅga lekako teṅgo rakapʼa, ar dhạcri kul lekage onko doko beretʼa. Sendra gocʼko reakʼ mãyãm ar jel ạuriko jom hạbicʼ onko do bako jirạukʼa.”

Genesis 49:9

E Jihudạ, am dom dhạcri kul hoponkana; sendra jel jom baṛakate ińren nui hopon doe rakapʼ hijukʼa; dhạcri kul ar kul eṅga lekae burum akana. Okoe hale uni doe buskukea?

Jobakʼ 5:4

Uniren hoponko khạtirjoma do bako tahena; onko do bicạr ṭhạ̃irege jotowakʼko ada, onkoren rurukhiyạko do celege bako tahena.

Jobakʼ 5:15

Uni do dharanakʼ alaṅ khon ṭũạr amarkoe bańcaoetʼkoa; ar daṛeankoakʼ ti khone rukhiyạyetʼkoa.

Jobakʼ 20:10

Uniren hoponko do nandanko ṭhenko koe baṛaya; onkoakʼ ti do uniyakʼ rinko em ruạṛkataea.

Jobakʼ 29:17

Dusṭạmi hoṛkoakʼ jambe ḍaṭań coakʼ rạputʼetʼtako tahẽkana ar onkoakʼ moca khon do laga sapʼ akankoń chaḍaoetʼko tahẽkana.

Sereńko 34:11

E gidrạko, dela hijukʼpe, ar ińakʼ katha ańjompe; iń doń cetʼapea cetʼ lekate Probhu Isorpe bhoktiaea mente.