Jobakʼ 39:7 - সান্তালী বাইবেল

⁷ Uni do nagraha reakʼ gulmal bae kusiyakʼ kana, ar sagaṛ lagayicʼakʼ ãṭ aṛaṅ hõ uni do bae ańjomeda.

Jobakʼ 39:7 Referans Kwoze

Jobakʼ 3:18

Bondi akan jotoge onḍe do khạtirjomako tahena; sasantaokoakʼ ãṭ aṛaṅ onḍe do ar baṅ ańjomokʼa.

Exodus 5:18

Do calakʼpe, ar kạmipe. Ape do busupʼ ar baṅ emapea, enhõ tinạkʼgan iṭạ benao reakʼ katha unạkʼgepe benaoa.”

Jesaea 58:3

Onkoko meneda, ‘upạs akadale ar bam ńelletʼlea? Kosṭokʼ kanale ar bam moneyakʼlea? Menkhan ńelpe, apeakʼ upạs reakʼ dinre apeakʼ hạ̃sgepe ńam bakʼṛakana, ar aperen kạmiyạko cetanrepe julumeda.

Jesaea 31:4

Probhu Isor do niạ kathae metadińạ, “Dhạcri kul cetʼleka acʼe gocʼ akade janwar cetanreye gondraokʼkan ar uni upạrte mitʼ dol gukʼpikoko hoholere hõ bae botorokʼkan. Onkage phạdkoren Probhu Isor do lạṛhại lạgitʼ Sion buru ar ona reakʼ usul ṭhạ̃ikoreye pheḍ hijukʼa.

Jobakʼ 39:18

Enhõ uni do tinre phạ̃kṛạ̃kʼe ḍhap ḍhapʼetʼtaea unre sadom ar uniren aswariye landa ạkin kana.

Jobakʼ 39:6

Iń do hahaṅkar ṭhạ̃i iń emakawadea uniyakʼ oṛakʼ mente, ar judạ judạ jaegare tahen oṛakʼ hõń emakawadea.

Jobakʼ 39:8

Uniyakʼ ạtiń jaega do buru ṭoṭhakore; onḍe uni do hạriạṛakʼkoe sendra joṅ kana.

Jobakʼ 39:10

Arãṛ reakʼ baberte nahel reakʼ gaḍarem tol daṛekea? Uni do am lạgitʼ cetʼ lodamreye caskea?